Vocabolarietto Triestin-Italian

[sono piccolo ma crescero]

Bon, alora la meto nel vocabolario. Mi, confesso, no go mai sentido sta parola.

[Blues Briso]

La usaimo ale superiori, fra muli... no so se iera slang del periodo...

[sono piccolo ma crescero]

A mi me par che dopravimo el termine "una nera". Comunque la go messa nel vocabolario.

[Blues Briso]

Sì sì dopraimo anche nera

[Ciancele]

No gavaria mai pensà de dover cior ala mia età una lezion de scoresologia. Xe vero che Catone ga imparà el grego a otanta ani, ma mi son più vecio. Probabilmente l'espresion iera tipica par quei tempi. Ai mii tempi, se diseva: Fazo (o molo) un tiro. Iera una forte. Bisogna star 'tenti che far el tiro pol 'ver anca un altro significato: Go fato el tiro = Ho commesso un atto sessuale. El contrario iera la fiapa o scoreseta moribonda. La nera, deta anca zita, iera una che no se sentiva. Come la risa e la rasa. Tra muli, e anca no muli, se diseva: Nasa la tua parte e tasi. In negron: Tira a peto. Sempre in negron, zogaimo anca a trentado. Se cominciava con vintisete, po vintioto. Con trentaun se vinzeva. Con trentado bisognava andar a cambiarse le bundande.

[Blues Briso]

Go fato el tiro = Ho commesso un atto sessuale

Me ricordo de un che per "incontro occasionale" doprava "petenada foresta"

[Ciancele]

Penso che dipendi anca de dove che un stava e quando. Come che digo sempre, manco de Trieste del 1953 e in più de setanta ani el dialeto ga sicuramente cambià. No poso dir gnente. Mi disevo petinarse. Petenarse xe più in direzion de Venesia. Dopo i bisiachi, dopo Monfalcon.

[Blues Briso]

Sto mulo però girava sai a muja...

[Ciancele]

Acetemo come bela espresion eufemistica.

[babatriestina]

ieri vardavo una mula davanti de mi e me xe vegnudo in mente una parola che no trovo sul vocabolario " sculetar" (sculettar), in pratica el ancheggiar ma visto per dadrio. la mula gaveva jeans strenti e la sculetava un poco

[babatriestina]

vedo che sculettar xe anche italian, anche se mi o go sentido più in triestin che in italian.
Adesso me vien in mente che disbratar gavemo sicuro, ma a casa mia co se fazeva ordine e sopratutto se butava via roba, quel che in inglese i ghe disi decluttering i ghe diseva con un latin macheronico far un " sbrataverum". Mai sentido?

[sono piccolo ma crescero]

Nel vocabolario ghe xe "Sbrataver", "Sbrataverum" e "Sbrataverunt" col significato de repulisti. Se el significato no va ben, deme qualche idea per coregerlo.

[Ciancele]

Quele parole no le go mai sentide. Del resto iera più facile che a casa mia te sentivi slavo che latin. Disbratar gaveva par mi un significato solo, in senso lato, de netar. Forsl sparecchiare. Disbratar iera anca magnar tuto. Go disbratà o go netà un piato de caramai.
PS: Purtropo no xe vero. Ogi forsi meza porzion de paella surgelada. Igitt! (trad. Che schifo!!)

[Amministrazione]

Gavemo ciapà da un socio del Circolo Amici del Dialetto Triestino (CADiT) una segnalazion che una definizion sul vocabolario iera imprecisa. Grazie e se trovè altre robe che no va, segnalenele pur.

[Ciancele]

Se podaria saver quala? Grasie.

[sono piccolo ma crescero]

Comato

[babatriestina]

ho letto la corretta spiegazione, però io lo sentivo usare per la forma traslata non tanto come cappotto pesante ma come indumento costringente oltre che pesante per cui un maglione pesante e magari stretto era anche un comato " no vedo el ora de cavarme sto comato"

[babatriestina]

La serpentina (in quel senso) noi tradusemo con bissaboba. De le serpentine nei impianti de riscaldamento o raffreddamento. no saveria

ma adesso scopro che esisti el Bisabobolo

Il bisabololo è un alcol naturale con proprietà calmanti, lenitive e antibatteriche, estratto principalmente dalla camomilla e dall'albero di Candeia. Viene ampiamente utilizzato in cosmetica grazie alla sua efficacia sulla pelle, anche in piccole dosi, per trattare arrossamenti, irritazioni e proteggere la pelle sensibile

[sono piccolo ma crescero]

La serpentina (in quel senso) noi tradusemo con bissaboba. De le serpentine nei impianti de riscaldamento o raffreddamento. no saveria

ma adesso scopro che esisti el Bisabobolo

Il bisabololo è un alcol naturale con proprietà calmanti, lenitive e antibatteriche, estratto principalmente dalla camomilla e dall'albero di Candeia. Viene ampiamente utilizzato in cosmetica grazie alla sua efficacia sulla pelle, anche in piccole dosi, per trattare arrossamenti, irritazioni e proteggere la pelle sensibile

Se xe per questo, te ricordo che esisti, oltre al bisaobolo, anche el serpetino, un silicato e cercando tra i minerali go trovà che i minerai vien classificai co le regole che ga dà un tedesco e la se ciama "classificazione STRUNZ"!

[babatriestina]

el marmo serpentino xe ben noto... e anche la vecchia strofetta
El professo de chimica- provando e riprovando
el ga trovà che el stronzio- precipita cagando