Vocabolarietto Triestin-Italian

[Nini Naridola]

Son 'ndà a veder sul Doria-Zeper: Flonda sf. (disusato) vedi Fionda. Soto fionda : flonda ancora vivo fino alla metà degli anni Sessanta. Flonda si ritrova nel capod.
Anche nel mio rion ssai se zogava cola cerbotana e i scartozeti (con e senza ago).No iera ancora i tubi de eletricisti in plastica: usavimo tubi diam 10 de rame e de oton. Andava a ruba, nel vero senso de la parola!) quei in oton che tegniva i tapedi su le scale. Le portinaie stava assai atente! I scartozeti se li fazeva co le pagine dei quaderni veci rigorosamente taiai per 4 e per longo.

[Nona Picia]

No iera ancora i tubi de eletricisti in plastica: usavimo tubi diam 10 de rame e de oton. Andava a ruba, nel vero senso de la parola!) quei in oton che tegniva i tapedi su le scale. Le portinaie stava assai atente! I scartozeti se li fazeva co le pagine dei quaderni veci rigorosamente taiai per 4 e per longo.

Anche noi gavevimo le cerbotane, ma fate con le canne pazientemente svodade del'interno e se ierimo fortunai andava tuto ben. Solo raramente vedevimo quele de fero....

[sum culex]

A son de stroligar, per tuo sommo gaudio...(per zontarle), penso de gaver trovà ancora un poche de parole de zontar sul nostro vocabolario, sempe che te pari oportuno.

Batocio = battaglio della campana (questa iera a ma mancava la traduzion)
Cicar = rodersi dall'invidia, masticare amaro
Cazade = cose da nulla
Carta de cul = carta igienica
Magnadora = profitto illeito
Magnacia = uomo che vive (mangia) alle spalle di 'donna disonesta'
Pagnerol = passero, passerotto
Piatola = persona insistente e noiosa, blatta
Panuze = pannolini
Spapolar = ridurre in poltiglia
Sco(a)peloto = colpo sulla nuca, scapaccione
Sbrodolar (se) = macchiare, insudiciarsi mangiando
Stomigoso = lurido, ributtante, sudicio
Straco = stanco
Stritolar = sbricciolare
Tramacar = spostare
Tramaco = trasloco
Trabicolo = veicolo vecchio e sgangherato
Trabacolo = nave adriatica a due alberi
Stroligo = astrologo, indovino

Per adesso no go altre; se no te basta, studierò ancora, come che me ga tocà sta matina prima dele sei. che no go rivà più a indormenzarme a son de pensar.
ciao
sum culex

[sono piccolo ma crescero]

A mi me xe vegnuda in testa un'altra parola: capeta, plurale capete. Uso: bordo a capete.

Me iutè co la definizion perché quela che dà el Doria "orlo frastagliato", no la me convinzi.

[babatriestina]

punto cappa...un punto di ricamo con cui si rifiniscono i bordi a festone

[Nini Naridola]

San Martin: punto punto cappa!

[sum culex]

Tra le tante parole poprio a mi me gavè saltà! Grazie
Papatasi (papataci) = culice (culex pulicaris) - (el xè più picio ma el beca come un musato)

[sum culex]

Nona picia gà pensà ala parola 'girdineto'; Mi meto qua e spero che vadi ben.

GIARDINETO = oltre la significato in italian de piccolo giardino, qua de noi nele osmize giardineto indica un tipico piato carsolin de antipasto, spesso per più persone, con prosciutto, formaggio e sottaceti.
ciao
sum culex

[sono piccolo ma crescero]

Ieri semo andai con mia moglie, mio cognà e e mia sorela a vardar una comedia in dialeto e se semo trovai, a un certo punto, con carta e penna a tirar zo frasi e parole. De qualcheduna gaveria bisogno de conferma sul significato, sopratutio significati figurai. Ve li meto qua con preghiera de conferma.

• Sbianchizar, sbianchizata, una man de bianco vol dir ""dipingere di banco", ma se ve digo "ghe go dà una man de bianco a quel là" che significato ghe dè? Lo go sbugiardà o ghe go dà una bastonada o altro?
• resentàr risciaquare, ma se "un ga ciapà una resentada" codsa vol dir secondo voi?
• zimento tirar a zimento per mettere alla prova? Ghe metè la a

Ve meto anche le altre parole che gavemo notà, ma su queste son più sicuro
sviolinada
per zonta
cifra (per dir grande quantità)
ranzido
impicàr,
stremìr

[Ciancele]

Ich mete maine pezeten = Meto la mia pezeta. Comunico il mio parere.
Per Sum Culex: La parola GIARDINETO la xe più vecia del cuco. O almeno più vecia de mi. Co’ ‘ndavo con mio papà a l’osteria ai pescatori el cioleva sempre un giardineto, ma anca a Bolunz al rifugio lo ciolevo. La descrizion xe giusta.
Per Son Piccolo Ma Crescerò:
SBIANCHIZAR = per esempio el quartier. Voleva dir piturar i muri. Fare l’imbianchino.
DAR UNA MAN DE BIANCO iera par mi tunchiar, cioè picchiare una persona. No go mai sentì come sbugiardar. Sorry.
RESENTAR solo come risciacquare. Forse venir bagnato dalla pioggia. Può darsi anche sparlare, cioè riportare discorsi sfalsandoli?
ZIMENTO e TIRAR A ZIMENTO no come meter a la prova. Forsi meter a la prova nel senso de veder fina a che punto se pol ‘ndar. Provocare nel senso di sfidare.
SVIOLINADA passo.
PER ZONTA o PAR ZONTA in senso in aggiunta, cioè per de sora. In più.
CIFRA mai sentì.
RANZIDO xe rancido (rancido). Anche in senso lato, cioè non più fresco, giovane. Baba ranzida. No propio un complimento.

[Nona Picia]

Resentar se me ricordo ben, poderia voler dir anche darghe una bona zigada a qualchedun, magari un fio, che ga combinà qualcossa de sbaià.

[molighe el fil]

Resentar se me ricordo ben, poderia voler dir anche darghe una bona zigada a qualchedun, magari un fio, che ga combinà qualcossa de sbaià.

I cognomi cambiai dal fasismo iera stai resentai
molighe el fil

[Nona Picia]

vero....

[babatriestina]

I cognomi cambiai dal fasismo iera stai resentai

qualchedun no gaveva dito tanti anni prima che el gavessi "sciacquado i sui panni nell'Arno"??

[sum culex]

Me sento onorà de partecipar ala compilazion/completamento del nostro vocabolareto triestin: pertanto zonto ancora alcune parole. SPMC adesso co te gaverà voia e tempo te toca lavorar a ti, grazie.

Bauco = stolido, scimunito
Bimbin = fallo, uccellino
Bisiaco = abitante del territorio del monfalconese da Gorizia fino al mare
Carabatola = catorcio
Finferlo = gialletto, gallinaccio, cantarello
Goduria = gran godimento, sollazzo
Imbriagarse = ubriacarsi
Inverinar = inannellare, attorcigliare, ingarbugliare
Intoparse = inciampare
Piziol = Seme del cece, (per noi piccolo punto per prendere qualcosa; esempio: si estrae 'el piziol' per regolare l'ora sull'orologio da polso e silmilari)
Squero = cantiere per le riparazioni di piccoli natanti
Spilucar = pilluccare, mangiare pezzetto a pezzeto, togliersi i peli uno ad uno

ciao
sum culex

[sum culex]

La parola 'basual' xè stada messa; volevo solo agiunger l'origine che dà el Pinguentini: deriva dal francese: 'base ovale' = testicolo (volgarmente 'coion'), che savemo tuti cossa che intendemo dir co aposrofemo qualchedun con sta parola!

No me fermo mai: ancora una parola che no go trovà:
Zufolà -ado = scapigliato (es.: co te se alzi la matina te ga tuti i cavei zufolai)

ciao
sum culex

P.S.: spero che tuti sti mii interventi no sia inoportuni: se sì, scuseme e in seguito zercherò de evitar.

[Ciancele]

P.S.: spero che tuti sti mii interventi no sia inoportuni: se sì, scuseme e in seguito zercherò de evitar.

Sum Culex, evita, evita. Evita de evitar. Insoma: datti da fare.
Ma devo contradir Son Piccolo Ma Crescerò. Cazade no xe triestin. In triestin se usa el feminile: monade.
Impicar vol dir anca sposarse. El se ga impicà = si è ammogliato.

[sono piccolo ma crescero]

Ma devo contradir Son Piccolo Ma Crescerò. Cazade no xe triestin. In triestin se usa el feminile: monade.
Impicar vol dir anca sposarse. El se ga impicà = si è ammogliato.

La parola la xe sia sul Doria che sul Kosowitz. E go sentì tante volte tra i muli el modo de dir "el spara cazade a nastro" per dir che "dice sciocchezze a raffica". Quindi mi la laseria.

Impicar e impicarse li go zontai subito.

[sono piccolo ma crescero]

Rispondo qua al post de sum culex https://www.atrieste.eu/Forum3/viewtopic ... 7&start=13 per la parte relativa al vocabolario.

(IUZA = Contadina slava, per lo più giovane, dei dintorni) altra parola triestina che no xè sul nostro vocabolario. Le iuze iera le babe che portava el contenitor (bidon o tanica: no me vien come che se disi in dialeto) del late sula zuca (= testa) anche questa parola sul nostro vocabolario no xè.
[omissis]
P.S.: per restar in tema de 'zuche': zontemo sul vocabolario alche la frase: 'ZUCA BARUCA' = Sciocco, tardo ? (anche se sui vocabolari no trovo sto significato, ma a casa nostra se lo usava)
:

A mi me risulta che ghe fusi sia IUZA che IUZCA. Mancava invece ZUCA e ZUCA BARUCA (per sto modo de dir go meso anche, come significati, sventato e zucca vuota) e anche ZUCHETA. E za che iero go zontà anche FRANZA e FRANZETA che me ga sugerì mia moglie.

E adesso vado a zontar anche CIRICA, che la me ga lasà in un appunto.

[mandi_]

sum culex ga scrito:(IUZA = Contadina slava, per lo più giovane, dei dintorni) altra parola triestina che no xè sul nostro vocabolario. Le iuze iera le babe che portava el contenitor (bidon o tanica: no me vien come che se disi in dialeto) del late sula zuca (= testa)

In l’Istria ma anca a Opicina go magnà la minestra de bobici che xe na specie de suppa de formenton, co le panoce de late. Nela minestra iera anca fasoi, patate, pomidori, persuto e panzeta. Me ga contà la coga che le panoce de late co altre verdure le rivava na volta co le “iuze”, le contadine che le vigniva a vender le verdure dela campagna in zità.