Un logo per la mente, no solo una cità

[sono piccolo ma crescero]

Questo xe el motto del forum. E a mi el me va ben, perché come go dito tante volte, no parlo triestin. Ma...

... se vardo i vocabolari per el termine "Città" i meti la vose "Zità": el Doria al termine cità meti un rimando a zità, el Kosovitz gnanche no contempla cità.

Ghe domando a quei che ga pensà al motto, ma anche a tuti i altri: qual dei due termini dopè, cità o zità (con la z aspra). E se, come me par de capir dal motto, doprè la c e no la z, ... perché se va perdendo el termine?

[babatriestina]

Il nuovo Doria Zeper che viene distribuito dal Piccolo attualmente scrive:
Cità ( o zità) città. Entrambi anche nel terg ( tergestino, immagino)
Tre esempi:
1 Ogi stago de casa in zità (Cittad 61)
2 Zità de Trieste (Grassi 1.40)
3 Va via la gente, resta la cità ( Fulvio 1.22)
Le citazioni sono da Bibliografia che arriverà al termine del libro, immagino

Devo dire che io non ho mai usato o sentito usare in famiglia la forma zità

[Ciancele]

Baba Triestina ga scrito:
Devo dire che io non ho mai usato o sentito usare in famiglia la forma zità.
In famiglia – errare humanum est – mi sembra di aver sentito usare ambedue le espressioni: cità e zità. Non mi ricordo invece di aver sentito dire citavecia, ma esclusivamente zitavecia. Come nell’inno: Zitavecia, Crosada e Gheto ...
Opto per la forma con la z.

[sono piccolo ma crescero]

Mi go l'impression che cità stia sostituindo zità (le lingue xe vive e capita).

Come go dito de altre parti, a casa mia no se parlava el dialeto triestin, perchè i mii no iera de Trieste e me vien de rider co sento mio fio dir "rioda" (mi digo "roda"). Me ga colpì perché la parola zità la go sentida nela filovia 5 strapiena nel 63. Iera un sior ben vestì, alto, coi cavei bianchi e un ghe ga domandà:

"O dotor, anche lei in autobus! Come mai?"
"La machina in zità la xe pei povereti!"

Ghe ga risposto sto sior. Me ga colpì sia la figura che el dialogo e, come vedè, me lo ricordo ancora. Anche perché, visto che mi andavo in autobus perché no se podevimo permeter l'auto, me son sentì improvisamente sior e no povereto

[Nona Picia]

A casa mia no se usava dir zità,anche perchè mia mama, essendo austriaca, no la conoseva... ma no iera una parola sconosciuta per noi, perchè fora de casa, noi la usavimo, ecome se la usavimo!