Foca monaca

[Zigolo]

Se ne era già parlato qua:

https://www.atrieste.eu/Forum3/viewtopic.php?f=32&t=2611

ma quello visto oggi mi ha lasciato attonito:

http://video.gelocal.it/ilpiccolo/local ... so/489/492

Non c'è limite alla stupidità umana.

[VetRitter]

se le fusi un poco più agresive, che so, magari magnarghe un toco de Xul ai più mone..

[Bilbo]

no voio far paragoni, ma i se comporta come i tedeschi durante la guera..... mi la go vista cusì..... l'indole xe quela.....

[babatriestina]

a mi i me pareva soprattutto curiosi e un tantin ignoranti..

[Nona Picia]

Xe tanti che la pensa come bilbo....

[Zigolo]

A mi me par che no c'entra né l'ignoranza né la nazionalità.

Perché ignoranti? Forsi perché no i saveva che la xe rarissima? Quindi essendo una comunissima foca (ghe ne xe tante nei documentari) i podeva molestarla?

Me ricorda un episodio de un paio de setimane fa sul Isonzo, dove eccezionalmente nidifica el smergo maggiore (quindi rarissimo anche lu in questo contesto). Dei naturalisti ga visto un pare con dò fioi che ghe tirava piere a una femina de smergo adulto con 6 paperotti. Vignissi de dir che i xe ignoranti e i pensava che fussi germani. Ma per mi no xe cussì: cafoni, maleducati e irrispettosi e basta.

[VetRitter]

i pensava che fussi germani.

e se i fussi stà germani cossa cambiava? ghe ne xe in porto a Barcola, che i provi a tirar piere a quei là, che poi i trova chi tira piere a lori..
maleducai, cativi e mone.. e credetemi, no son un animalista, magno carne, late e ovi, ma veder che se ghè vol mal cussì a gratis me fa schifo.
saluti

[mandi_]

Anca per mi xe un grande dolor veder dei animali tratai così, de qualunque tipo. Comunque anca n deficiente riva a capir che tratandose de na foca la doveva eser aiutada,i doveva ciamar la Protezione animali, no far zerte robe

[babatriestina]

scusè, forsi go visto mal el video, a mi me pareva che i ghe girava intorno e basta.. no go visto tirar piere.. go visto mal?

[VetRitter]

no go visto tirar piere

no, a la foca no i tirava piere, solo i ghe girava atorno in tre o quatro, intanto che la dormiva tranquila.. otimo metodo per farghe capir che in quela spiagia no la devi tornar più.
le piere le tirava a una famiglia de smerghi una famiglia de mone su l'Isonzo poco tempo fa.