centri monomarca

[babatriestina]

Volè spiegarme ben cossa che xe sta question de sti centri monomarca??
vedo che i li vol, sì, no.. dove? ma cossa vol dir? un negozio che vendi solo che roba de una marca? come Max Mara o Trussardi che vendi solo che sui vestiti? a diferenza presempio de Godina che te trovi de tuto? ma fina un per de anni fa nissun li ciamava cussì? o xe qualcossa de altro che no go capido? ma perchè centri e no negozi? o al contrario xe un centro comercial gestido de una ditta.. ma come fa una sola ditta a gaver negozi de tuti i tipi per un centro comercial? o xe una dita che vendi una sola roba ma fa un centro comercial: un negozio e el resto ristorantini, bar.. etc? feme capir..

chi li vol e perchè? chi no e perchè? chi ghe guadagna e chi ghe perdi?

[Bilbo]

per quel che so mi, dovesi eser un negozio enorme solo con un marchio e che vendi roba inerente al suo setor. godina andaria ben, ma xe tropo picio. e per rester con godina, no poderia vender pasta e gnanca paste, ma solo abigliamento e acesori.-

[macondo]

Credo che se trati, e qua meto anca l'esperienza dei negozi che vedo a Londra e che go visto a Miami, de centri comerciali o zone comerciali specifiche (podessi esser una via pedonal) dove ogni negozio (normalmente de abigliamento, calzature e acesori) xe gestido da una marca che vendi solo i sui prodoti. Per esempio: Adidas, Nike, Levi's, Lacoste ecc. In piu, i podessi anca eser negozi de una sola marca ma che se specializa in capi dela stagion precedente, con picoli difeti o de seconda scelta che se ciamasi Outlet o Factory outlet. Diretamente dala fabrica e a prezi assai piú convenienti.

[babatriestina]

per quel che so mi, dovesi eser un negozio enorme solo con un marchio e che vendi roba inerente al suo setor. godina andaria ben, ma xe tropo picio. e per rester con godina, no poderia vender pasta e gnanca paste, ma solo abigliamento e acesori.-

Ma Godina no vendi vestiti etichettai "Godina" dentro: te trovi diverse marche, i vestiti tirolesi e bavaresi, i Max Mara, , forsi i Spagnoli... Coin no xe monomarca perchè vendi prodotti de tante marche.. una volta iera negozietti semai, perchè tegnir una marca sola no gaveva assai material de vender..
H& M sì, inveze, perchè vendi solo roba sua. Ma i xe za... mi vedo polemiche ma no capisso. provo a googlar..
ve meto un per de articoli
http://ilpiccolo.gelocal.it/cronaca/201 ... -1.3779530
http://ilpiccolo.gelocal.it/cronaca/201 ... -1.1621342
http://archiviostorico.corriere.it/2012 ... 6035.shtml
su wiki trovo solo questo
http://it.wikipedia.org/wiki/Monomarca
Ma no capisso perchè ste discussioni. per anni se ga avudo negozi per esempio de abbigliamento monomarca, Luisa Spagnoli, Trussardi, Gucci in corso che ga serado, e nissun li gaveva mai ciamadi monomarca nè ghe gaveva fato la guerra. Adesso perchè tute ste onde? xe qualcossa drio?
i parla assai de sto Decathlon de roba sportiva.. che adesso me par che verzi al Montedoro-- oviamente Ikea xe un centro monomarca piutosto grosso

anche i outlet che disi Macondo qua xe pien de negozi che xe veri outlet o finti outlet che se meti el nome per far anglosasson e no se sa se xe veri negozi che vendi scarti de produzion de bone marche ma scontai o strazze qualsiasi..

[Nona Picia]

Perchè pobabilmente sarà roba a prezzi no tropo alti e i devi publicizarli ben De solito i outlet che xe qua vendi resti dela stagion precedente , magari de un negozio o più negozi. Cussì i me la ga contada e cussì ve la riporto....

[sum culex]

Le Copp nord est che volessi far nel silos un enorme supermercato (più grande de quel dele Coop nostre dele Torri), no pol far un centro comerciale de sola e i zerca altre dite che volessi verzer negozi (meio se monomarca) in sto posto che dovessi esser assai vasto.
Mio parer: a Trieste ghe ne xè za tre de cenrti comercuìiali: El Giulia, Le Torri e el Free time (zona Noghere); date le dimensioni dela nostra cità, un altro centro ancora più grande poderia trovar sufficente quntità de vendite per pagar dipendenti e afiti (che sarà sicuro parecchio alti) per far fronte ale spese?
Za nei centri che xè, (no so al free time, perchè là no vado) go visto diversi esercizi che ga serà!
Difati pareria che per el Silos no se trovi dite disposte e le Coop xè in catura coi fondi e/o mezi per iniziar e completar sta mega strutura.
Saveremo contarsela, a meno che come la solito a Trieste "no se pol.
ciao
sum culex

[macondo]

[
anche i outlet che disi Macondo qua xe pien de negozi che xe veri outlet o finti outlet che se meti el nome per far anglosasson e no se sa se xe veri negozi che vendi scarti de produzion de bone marche ma scontai o strazze qualsiasi..

I veri outlet dovessi vender la stessa marca che ghe da nome al negozio. Per esempio: Lacoste che vendi articoli de fin de stagion o scarti de produzion (ma no porcherie) a prezi ribasadi.

Credo che i comercianti sia contro i negozi monomarche perché i podessi esser competitivi coi negozi che vendi diverse marche. Infati credo che i negozi monomarche portasi un vantagio al cliente. Una marca che vendi diretamente ai clienti la ga el vantagio de risparmiar costi de distribuzion e de ricariche. Inoltre da la posibilitá a la marca de gaver un asortimento piú completo a disposizion. No stemo parlar de grandi marche esclusive, che saria boutiques a prezi forsi tropo alti (e per questo i sera), ma de marche popolari come quele che gavevo nominado

[Bilbo]

l'outlet xe quel de palmanova, e se come che disi Marino, tanti negozieti che vendi solo roba de una data marca (diversa da negozioa negozio), el monomarca tipo Dechatlon che volev verzer vizi ale tori, vendi roba de sua marca e de altre marche ma xe negozi sai sai grandi. Al montedoro, dove che i verzerà, i ga dovesto spostar due negosi bei grandi per farghe posto a lori, che se ga ciolto ancora qualcosa in più.-