concorso bimbi belli

[Franco 50]

Ciao amici triestini, volesi provar a domandar se qualchedun se ricorda dela manifestasion "bimbi belli" che iera in giardin publico credo in inverno del '51 o del '52.

Logico che no sarà facile trovar chi che sa qualcosa, ma tentar non nuoce....Adeso me piaseria saver tuto, vedè come che xe...co iero muleto i mii me contava ma a mi no me interesava proprio niente, che pecà...
Mi son nato nel '50 e i mii me gaveva portà come concorrente. Go solo una fotografia, se vedi el palco e tuta la gente che iera la davanti (sicuro papà e mame dei muleti).

Non son bon de spedir foto, però se trovo un interesado o qualchedun che se ricorda de sto concorso "bimbi belli" allora me farò aiutar e la spediso al forum.
So solo che iera sai sai fioi come concorenti, questo vol dir che forsi qualchedun de sti fioi (ogi grandi) sa qualcosa. E promotore del concorso iera la Prefetura.
Intanto grasie.
Franco 50

[Nini Naridola]

Sinceramente no me ricordo de quel concorso; anche perchè a quell'epoca gavevo dieci anni e de "bimbi belli" no me interessavo ... e forsi gnanche de "bimbe belle". A parte gli scherzi, me par strano che iera un evento promosso dala Prefetura, in quanto iera in quell'epoca gestida dal GMA.
Ah, adeso che scrivo me vien in mente che podeva esser ad organizar la "Casa della mamma e del bambino" ex o ancora ONMI (opera naz. maternità ed infanzia) che gaveva sede in via Paolo Veronese di fronte l'Oberdan.
In giardin publico -imagino in fondo, al coverto - aveniva ogni tanto qualche spetacolo: me ricordo, qualche ano dopo, qualche scola de Trieste fazeva là le prove per el "Campanello d'oro" gara fra le scole al Politeama Rossetti (organizado dal Circolo Studenti Medi). I più veci se ricorderà.
Scusa, Franco, go risposto de geto e no te go gnanche dà il saluto de benvenuto: lo fazo, caramente, adesso
Nini
P.S. Andar a scartabellar i veci Piccoli o, anzi, il Giornale di Trieste? Archivi de Giornalfoto? Iera lori che i fazeva servizi fotografici pel giornal.

[Franco 50]

Ciau Nini, grazie per aver risposto. Mi spero de poder ricostruir qualcosa... con un tocheto de un e un tocheto de un altro rivar a meter insieme le notisie.
Son za andà a guardar i piccoli de quela volta, adesso xe tuto "in memoria" su un specie de moviola, dopo un do ore me balava i oci...ma le pagine che me interessa no le go trovade. Però te me ga impizà de novo...tornerò ancora, questa xe sicuro una roba de far, e andarò anche de giornalfoto.
La manifestasion iera promossa dalla prefetura, quela volta iera Palutan,a lui ghe piaseva ste robe, el gaveva fioi pici anche lui. L'organisasion podeva esser stada fata dalla casa della mamma e del bambino, pol eser.
Spero che me scriverà anche altri amici del forum.
Grasie Nini...

Franco 50

[Franco 50]

Ciao amici, sicome go ricevudo una offerta de aiuto per publicar la foto, grazie, xè bel cusi, se senti la vicinansa dele persone, desidero racontar che propio doman comincio a ciapar lezioni de PC (gavè capi soli no che mi son poco più che un principiante). Tra le prime robe che me farò insegnar xe: publicar le foto, e cusi a breve la sarà publicada.
A presto,
Franco 50

[Nona Picia]

Speteremo con pazienza...

[babatriestina]

nissun ricordo, me dispiasi..