Mio papà me contava che sua nona diseva cusì: "Uno ovo ga la sostanza de un eto de carne de vedel. 7 mandole ga la sostanza de un ovo". E mio papà concludeva, ricordandose che in sofita i tegniva le mandole che i ingrumava de un albero che i gaveva in campagna, "Ara ti quante bisteche de vedel che go magnà in vita mia senza saver..."babatriestina ha scritto:...
però una volta un ovo iera un ovo, no digo un secondo ma quasi . Va ben che iera une vecia siora che diseva Mi a ala dona ghe dago per zena de magar un ovo, solo un...
Comunque, tornando ai ovi, co iero picio MAI più de un ovo al giorno perché fa mal. Come secondo in fritaia morbida o al ocio de bue; ala sera, anche ala coque. Crudo ala matina, in zavaion per merenda al dopopranzo. A mi crudo el me piaseva (ogi xe vietato per el ris'cio de salmonella): un buso un poco più grande co le forbici de una parte e un un poco più picio de l'altra e se lo beveva; mio cognà, invece, me contava che lui l'ovo crudo ciolto cusì no lo podeva sofrir: ghe pareva de basarghe el cul ala galina
.E ve ricordè co i ve dava i sulfamidici (sostituidi ogi dai antibiotici): guai a magnar ovi.
E per finir, vedemo cosa che conta dei ovi Pellegrino Artusi (testo ciolto da http://www.liberliber.it)
Pellegrino artusi - La scienza in cucina e l'arte di mangiar bene ha scritto:UOVA
Le uova, dopo la carne, tengono il primo posto fra le sostanze nutritive. L'illustre fisiologo Maurizio Schiff, quando teneva cattedra a Firenze, dimostrava che la chiara è più nutriente del torlo, il quale è composto di sostanze grasse e che le uova crude o pochissimo cotte sono meno facili a digerirsi delle altre, perché lo stomaco deve fare due operazioni invece di una: la prima di coagularle, la seconda di elaborarle per disporle all'assimilazione. Meglio è dunque attenersi alla via di mezzo, e cioè: né poco, né troppo cotte.
La primavera è la stagione in cui le uova sono di più grato sapore. Le uova fresche si danno a bere alle puerpere e il popolo giudica sia cibo conveniente anche agli sposi novelli.
Ci fu una volta il figlio di un locandiere da me conosciuto, un giovinastro grande, grosso e minchione, il quale essendosi sciupata la salute nel vizio, ricorse al medico che gli ordinò due uova fresche a bere ogni mattina. Datosi il caso favorevole e sfavorevole, insieme, che nella locanda v'era un grande pollaio, ivi si recava e beveva le uova appena uscite dalla gallina; ma, come accade, il tempo dando consiglio, dopo qualche giorno di questa cura il baccellone cominciò a ragionare: «Se due uova fanno bene, quattro faranno meglio» e giù quattro uova. Poi: «Se quattro fanno bene, sei faranno meglio che mai» e giù sei uova per mattina; e con questo crescendo arrivò fino al numero di dodici o quattordici al giorno; ma finalmente gli fecero fogo, e un forte gastricismo lo tenne in letto non so quanto tempo a covar le uova bevute.
Ma più che te va al nord e meno problemi te ga col graso. Pensè che co’ iero picio no go mai magnà a Trieste carne de porco tipo ‘rosto o costoleta. Solo dopo la guera a Tarvisio. In Germania magno carne de porco e stago nome che ben. (No, no ve mando una mia foto in profilo!) A Baba Triestina che digo e auguro de far sempre, co’ la va in giro, una bela merenda, anca con l’ovo. Una volta i dava in albergo un toco de pan, buro e marmelata pesai fina al microgramo. Nel 1957 iero a Amsterdam e in un albergo go fato merenda, par la prima volta in Olanda. Fioi mii, un bufet che bastava par un pranzo de giovine famà. A Trieste, o in Italia, un tochetin de pan e un espresso. No go ‘sai esperienza coi alberghi italiani (a Trieste ‘ndavo sempre a Opcina, sempre de quel), ma solo al Jolly a Trieste go fato una merenda decente. Con quei soldi gavaria podesto però crompar una porziteria (salumeria) intiera. Co’ i mii nipotini dormi de mi e i fa merenda, ghe devo far sempre ovi friti con le fete de bacon. Po i magna magari solo el bacon e mi me toca magnar do ovi. Un ano de cusina militar inglese me ga imparà anca a magnar ovi. Continental breakfast, i me diseva, e i rideva. Per serar: Scolteme a mi, scoltè solo quel dotor che no ve proibisi gnente. Se no magno quel, no magno quel altro, sarò san, ma suto come un spin. Mi mia mama me lo dava sbatù. Anca al mio amico Nino (purtropo el xe morto qualche ano fa) su mama ghe dava un ovo sbatù. Mio papà se beveva par merenda l’oveto. Quando se parla de bever oveti, me vien sempre inamente la lezion de paracadutismo. El colonelo ghe domanda a un: Salti. Cosa fai? El mulo: Tiro la cordela e el paracadute se verzi. El colonelo: Non si apre. ‘lora tiro la seconda cordela. Non si apre. La baraca se mala. Me bevo un oveto. El colonelo: Sei scemo? Sei caduta libera e bevi un uovo? Sì, mia mama disi sempre: Bevi un oveto ch’el te tien su.