PENSIERINI POST NATALIZI

[Ciancele]

Nadal xe pasà. Auguro a tuti i amici e nemici del forum de ‘ver pasà le feste come nei desideri. Mi son quel che comincia za ala fine de novembre a far una lista dei quei che devi ciapar i aguri. Po per una ragion o l’altra vien le feste, le pasa, e mi go sempre ancora de far i aguri. Par questo ve auguro de ‘ver pasà ben le feste. A dir la verità xe un plagio, come tanti mii, parchè iera el mio capo vendite, gnoco, che diseva sempre cusì. Le feste xe pasade e gavarè za discartà i regali. Le babe forsi le xe stade contentade. A noi omini a Nadal se regala sempre SOS. SOS xe un acronimo. Savemo, dirè: Save our souls. No, digo mi: Schlips, Oberhemd, Socken. No so come tradur par talian. Forsi: i tre C o CCC (Cravata, Camisa, Calse). Son ‘ndà OT, come al solito. Scuseme. Stavimo parlando dela lista. Ogni ano la xe più curta. Ogni ano dopo le feste vardemo chi che iera e vedemo che sempre manca qualchedun. Nei nostri pensieri, soto le feste, ma anca in qualche altra ocasion, i xe però sempre presenti. Te te ricordi che ridade con lu/con ela? E forsi vien una lagrimuza. Mi volaria eser la speranza. Parchè? Ma parchè la speranza xe sempre l’ultima a morir. Auguremose che tuto vadi ben e che tra un ano semo ancora tuti qua a contarsela, in salute. E in valute: patus che ‘rivi almeno par qualche otavo (calice) o rodoleto de limpida (grappino). Sero augurando a tuti bon ano. Qua se augura: Einen guten Rutsch (ins Neue Jahr), cioè una bona sbrisada (in te l’ano novo). ‘lora sbrisemo, ma sensa tombolarse.

[babatriestina]

Tuti pianzi che no xe patus, ma visto quel che vedo che la gente meti in tavola per Nadal, no xe ancora cussì tremendo..
Sazi tuti come porchi? mi go profittado per mandar auguri, saludini e messaggini a tanti cugini che no se vedemo mai e xe bel ricordarse che gavemo famiglia , un poco qua e là per el mondo, le notizie dei cugini, dele vece zie ancora vive.. per i regalide omo, mio papà che se li spetava ( ma iera anche savoni, dopobarba e simili- per noi sali de bagno, crema per el corpo, bagnoschiuma) el fazeva una lista che el bateva amachina in tripla copia cola carta carbon: una per mama, una per nona e una per mi, perchè in dicembre cascava anche el suo compleanno: "per le prossime feste il sottoscritto desidera...."
zerto anche sto ano xe qualchedun de meno.. mi me vien in mente quela sinfonia de Haydn, el paron no ghe pagava e alora al ultimo tempo i fa ancora, i sonadori vien in scena cola candela, a ogni ripresa del motivo un de lori se alza, distuda la candela e va via e quei che resta continua a sonar sempre in meno e sempr epiù in scuro... finchè ala fin resta un solo che distuda la sua candelina. per fortuna noi gavemo fioi e nipoti, chi che ga..

[Nona Picia]

Anche le nostre famiglie se ga parechio asotiglià, una volta a casa mia per Nadal, senza esser tuti, ierimo una ventina...e mi che savevo apena cusinar!Po' iera i amici che vigniva el giorno dopo e ognidun portava qualcossa....Ogi per fortuna xe fioi e nipoti e anche se no se xe più cussì numerosi, le nipti e i nipoti de zia ga la sua famiglia de curar, , semo ancora bastanza e la festa in famiglia xe bela lo stesso....E con i amici se se vedi un altro giorno....

[sono piccolo ma crescero]

Vorrei segnalare, come pensiero postnatalizio questo articolo del regista statunitense Michael Moore (quello del film Bowling for Columbine) Celebrating the Prince of Peace in the Land of Guns.

Per chi non ha la pazienza di tradurlo o la conoscenza dell'inglese necessaria segnalo l'articolo di Repubblica che lo riassume: http://www.repubblica.it/esteri/2012/12 ... ef=HRER2-1

L'augurio postnatalizio che faccio a tutti è, quindi, che, nella nostra smania di imitare ciò che viene dagli Stati Uniti, non corriamo tutti su quella stessa strada, anche se vedo segnali inquietanti.