Triestina in serie D

[Ciancele]

Nini, bongiorno e grassie. Go vardà in internet la clasifica e vedo che drio de noi xe Monfalcon, ma davanti xe anca pisdrui (piccole squadre). In testa Venesia. Ma Venesia xe stada sempre preferida. Vedi altro post su El porto e le navi, porto vechio.

[Nini Naridola]

Vano assedio dei veneti alla rete rossoalabardata. A Valmaura Triestina - Este 0 a 0.

[Ciancele]

Vano assedio dei veneti alla rete rossoalabardata. A Valmaura Triestina - Este 0 a 0.

L'asedio qua no xe stato vano. Gavemo ciapà zinque a uno. In casa! Adeso i parla de momenti teribili. Xe crisi? La squadra se ciama (nela traduzion) anca Unione. No te par che spandemo col gemelagio?

[Nini Naridola]

Tuto ciapà del rugby stavo per dimenticarme de Ciancele: a Belluno 2 a 2. Inveze el Monfalcon col Noale ga perso per 2 a 1.
El prossimo sabato a Twickenham per la finale del campionato del mondo se incontra Australia e Nuova Zelanda. Sarà divertimento, sarà spettacolo, sarà battaglia, sarà Rugby ...

[Ciancele]

Tuto ciapà del rugby stavo per dimenticarme de Ciancele: a Belluno 2 a 2. Inveze el Monfalcon col Noale ga perso per 2 a 1.
El prossimo sabato a Twickenham per la finale del campionato del mondo se incontra Australia e Nuova Zelanda. Sarà divertimento, sarà spettacolo, sarà battaglia, sarà Rugby ...

Nini, no savevo che te son ciapà. Go pensà che te se ga dismentigà de mi. Domando pardon, de santo baston, de santa bacheta, mia mare me le peta. Te baso. Bona note.

[Nini Naridola]

Altro tonfo de l'Union in casa: el Montebelluna ghe fis'cia 4 balini contro due dei nostri. Anche el Monfalcon ga perso in casa col Fontanafredda per 0 a 2.
Ciancele! sei sempre nei miei pensieri!

[Ciancele]

La squadra de casa ga paregià in casa col Bayern Monaco. I se ga lamentà che catenacio. Dighe a l'alenador dei greghi ch'el vardi ala television come che ga zogà la mia squadra. Imparar non nuoce. Grazie che te me ga sempre nei tui pensieri. Pensa de 'ndar in cesa a pregar che no me vegni un colpo.

[Nini Naridola]

Ormai no go più paura de rovinarghe le domeniche a Ciancele! Altra batosta per l'Union 2 a 1 in casa del Fedora. I gaveva giogà ieri e el Monfalcon, pur paregiando 1 a 1 el xe sempre ultimo in classifica.

[Ciancele]

Ormai no go più paura de rovinarghe le domeniche a Ciancele! Altra batosta per l'Union 2 a 1 in casa del Fedora. I gaveva giogà ieri e el Monfalcon, pur paregiando 1 a 1 el xe sempre ultimo in classifica.

Caro Nini, co' legio la tua feral novela la domeniga xe za pasada. Ma te ga ragion, no te me rovini più le giornade. Xe za do ani che no te fa che mandarme notisie brute, de portar luto. Ma in do ani te me ga fato "resistente". Terminus technicus. Go on. Weiter so.
Ti che te son vizin, va sul sentiero Rilke e godite el paronama anca par mi. Stame ben.

[Nini Naridola]

Più che "resistente" diria che te rasenti el masochismo!
Andavo spesso sul Rilke fin che abitavo a Sistiana, adesso che stago a Ronchi e che anche no go più avudo el rinnovo del patentin de guida causa la vista, sul Rilke e nel castel de Duin son andà una volta sola coi nipotini. Son drio de far ricorso e intanto meterò a posto la bicicleta che iera ferma de almeno un 10 anni.
Stame ben! Nini

[Ciancele]

Ciancele, il masochista! A proposito de masochismo. Tempo fa go scrito una letera aperta al giornal e me go dito "masochista politico" parchè voto sempre pal steso partito anca se so che i me inc...ocona de monade e floce. Curta ma breve, i la ga dita!

[Nini Naridola]

Valmaura: terra de conquista! Anche el Giorgione vinzi per 2 a 1 al Rocco!
Ciancele, no te farà ben a sofrir tanto!

[Ciancele]

Valmaura: terra de conquista! Anche el Giorgione vinzi per 2 a 1 al Rocco!
Ciancele, no te farà ben a sofrir tanto!

Caro amico, ti te son l’ambasiatore che no porta pena. Mi son Giobe. Legi su Wikipedia la sua storia e te trovarà che xe un poco la storia mia. Solo cative notisie, colpi bruti de qua, colpi bruti de là. Ma mi no perdo la pasiensa e soporto tuto ringrasiando pai colpi che ciapo. Un giorno i xe inacorzerà che no me la ciapo e i dirà che no xe gusto far rabiar Giobe, ma no Giobe: Ciancele, che no se rabia. De quela volta in qua la Triestina vinzerà sempre, contro tuto el mondo, e mi sarò felice e contento.

[Nini Naridola]

Finalmente! Ciancele spetava la bela notizia de tanto tempo! L'Union ga vinto a Verona contro una dele prime in classifica per 2 a 1. Anche el Monfalcon ga vinto per 1 a 0.

[Ciancele]

Finalmente! Ciancele spetava la bela notizia de tanto tempo! L'Union ga vinto a Verona contro una dele prime in classifica per 2 a 1. Anche el Monfalcon ga vinto per 1 a 0.

Nini, te domando scusa. Go dubità de ti. Me vergono. Ma a leger la notisia, la prima impresion xe stada: El me conta bale. Triestina vinzer? Imposibile. E son 'ndà a varda in internet. I ga confermà. Scusa. Pardonime. Noi gavemo perso in casa, contro una bona squadra. Un colpo ala bote un colpo al cercio, se diria. Mi go un poco de pansa ma no son bota. Insoma no ancora. El colpo ala bote xe un modo de dir.

[Ciancele]

Ciao Nini Naridola e un bongiorno. Son sicuro che te ga capì che el mio post sula Triestina iera un scherzo. Anca qua i perdi partide cosidete facili e i vinzi quele dificili. Sabato gavemo perso contro el Bayer Leverkusen. Ma Bayer xe la famosa Bayer, quela de l‘aspirina. Come Wolfsburg xe la Volkswagen. Dopo gavemo altre do o tre in man de privati. Tipo, par esempio, Amburgo. ‘sti privati xe povareti, pensionai. I riva forsi a qualche miliardo. No de lire, de euro! I crompa un. Quanto el costa? 36 milioni? Bon, i arotonda a quaranta. Bayern de Monaco ga crompà un par più de trenta milioni: come riserva!!! No’l devi zogar. El devi spetar che un vadi in pension e po el zogara, forsi. Par oltra trenta milioni? Te te imagini? Anca sensa campanilismo Trieste xe una cità granda. Un quarto de milion de abitanti. No digo copa del mondo, ma almeno serie B sempre in alto. Zogar contro el San Dorligo o el Zaule, nulla injuria, xe l’altro estremo.
Fazemose coragio. Stame ben.

[Piereto]

La nostra triestina vivi da ani de una crisi de ...bori, e oltre i afecionados no xe nisun che impresta schei. El nostro presidente dei industriali triestini Giorgio Razeto el ga dito che investir soldi ne la Triestina no xe un afar, no se ghe guadagna niente. Se vedi che nol xe triestin. Ma mi digo un apasionà de balon el meti mille euro , e el xe contento se i ghe torna de novo in scarsela. Semo una squadretta, miga un squadron dove che te meti mille per guadagnarghene domila.

[Ciancele]

La nostra triestina vivi da ani de una crisi de ...bori, e oltre i afecionados no xe nisun che impresta schei. El nostro presidente dei industriali triestini Giorgio Razeto el ga dito che investir soldi ne la Triestina no xe un afar, no se ghe guadagna niente. Se vedi che nol xe triestin. Ma mi digo un apasionà de balon el meti mille euro , e el xe contento se i ghe torna de novo in scarsela. Semo una squadretta, miga un squadron dove che te meti mille per guadagnarghene domila.

Caro Piereto mio, go paura che no se capimo. Nel balon no se investi soldi, se li spendi. Quei povari pensionai che go dito i investi mile euro par spenderne subito dopo altri domila. E più che i spendi più contenti i xe. Un che no conta i soldi, ma li pesa o li fa stimar, ga tanti modi de spender (e spander) soldi. El va a babe, el zoga a carte. El fa el giro dele osmize ecc. Questi li "investi" nela squadra. No i ga mai visto un indrio, ma se ga l'impresion che i se rabieria se i guadagnasi. E se per caso i guadagnasi, i spenderia (investiria) subito el dopio. Se quei che tira fora el patus pa'la Triestina i disi che i investi soldi, i xe sbaliai. Darghe subito una piadona e spetar un che vol spender soldi senza volerli indrio. Altrimenti zogaremo sempre nel torneo bar o pizzerie. Le squadrete xe sempre pice. Ma nulla si crea e nulla si distrugge. I squadron xe grandi e batudi de patus parchè cuei che li dà no i vol indrio.

[Piereto]

Ciancel te ga ragion. Un bel piadon a tuti e viva la e po bon.

[Nini Naridola]

I Greghi xe impazzidi: altra vittoria in trasferta a Sacile. Secco 4 a 2!
Ciancele: xe vero, no conto floce per farte contento!