Triestina in serie D

Per cuei che ghe piasi l'Union, el Ponziana e tuti i altri ...
Regole del forum
Collegamenti al regolamento del forum in varie lingue ed alle norme sulla privacy in italiano.
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Triestina in serie D

Messaggio da Ciancele »

Caro Nini, grassie par la tua notizia e scusa se te ringrazio solo ‘deso, ma go tanti problemi. I me vol morto. Ma mi stago ben e cusì li fazo rabiar. Cioè spero de farli rabiar. ;--D
Go visto che sete squadre xe sul giro de aria e quatro zogarà contro squadre che in clasifica le xe più in alto. Una xe la Triestina. Chi vivi sperando ... Ma almeno un paregeto ... :fajepaura:


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Triestina in serie D

Messaggio da babatriestina »

SE go leto ben, el Unione ga vinto per 2 a 0... in casa col Belluno.
E i disi che i xe fora dela zona play out. Ma play out xe più che retrocessione?


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Triestina in serie D

Messaggio da Ciancele »

babatriestina ha scritto: Se go leto ben, el Unione ga vinto per 2 a 0... in casa col Belluno.
E i disi che i xe fora dela zona play out. Ma play out xe più che retrocessione?
Grasie, grasie. Qua se vedi el bon cuor del nostro Nini che ga lasà a Baba Triestina de darme una bona notizia. Ladies first. Se no xe una domanda fata par scherzo, forsi el nostro Nini te contarà come che funsiona el pleiaut. Un fato xe che le altre squadre le ga ziogado par la Triestina e le prosime tre partide le xe relativamente facili. Speremo che i greghi no fazi i moni. Bona sera a tuti. La squadra de qua la zioga ancora. Son tuto un tremor. Spero anca che quei de qua no fazi ....


Nini Naridola
distinto
distinto
Messaggi: 1496
Iscritto il: dom 10 giu 2012, 17:32

Re: Triestina in serie D

Messaggio da Nini Naridola »

Penso che el mio "bon cuor" durerà ancora per qualche settimana perché anderò assai presto a visitar "Santa Maria degli Angeli" che no xè quela de Assisi bensì l'ospedal de Pordenon con quel nome e la mia Porziuncola sarà el leto del reparto laringo-maxillo per un intervento. El campionato xè ancora longo -manca 9 giornade- e spero che BabaTs dia altre bele notizie a Ciancele fin al mio "restauro". No so come sarà la mia vose ... ma el dito sulla tastiera doveria esser salvo per meterme de novo in contatto su sto Forum!


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Triestina in serie D

Messaggio da babatriestina »

te saremo vizini in ispirito, e po le convalescenze xe ottime de passar a computer


"mi credo che i scrivi sta roba per insempiar la gente" ( La Cittadella)
Avatar utente
sono piccolo ma crescero
cavalier del forum
cavalier del forum
Messaggi: 8683
Iscritto il: ven 11 mag 2007, 14:08
Località: Trieste

Re: Triestina in serie D

Messaggio da sono piccolo ma crescero »

Sì, Nini, te semo tuti vizini...


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Avatar utente
nonna ivana
Notabile
Notabile
Messaggi: 5356
Iscritto il: lun 18 feb 2008, 22:55
Località: prov Bologna

Re: Triestina in serie D

Messaggio da nonna ivana »

Un augurio di cuore per il tuo intervento!


ivana

la curiosità è il colore della mente
VetRitter
Citadin
Citadin
Messaggi: 1165
Iscritto il: mar 13 ott 2009, 16:25
Località: Piacenza (provincia)

Re: Triestina in serie D

Messaggio da VetRitter »

ciao Nini, te spetemo presto, magari per veder finalmente una bela partida de l'Italia..
ciao.


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: Triestina in serie D

Messaggio da Nona Picia »

Nini Naridola ha scritto:Penso che el mio "bon cuor" durerà ancora per qualche settimana perché anderò assai presto a visitar "Santa Maria degli Angeli" che no xè quela de Assisi bensì l'ospedal de Pordenon con quel nome e la mia Porziuncola sarà el leto del reparto laringo-maxillo per un intervento. El campionato xè ancora longo -manca 9 giornade- e spero che BabaTs dia altre bele notizie a Ciancele fin al mio "restauro". No so come sarà la mia vose ... ma el dito sulla tastiera doveria esser salvo per meterme de novo in contatto su sto Forum!
Tanti auguri caro Nini! In bocca al lupo!


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Triestina in serie D

Messaggio da Ciancele »

Ciancele ha scritto:
babatriestina ha scritto: Se go leto ben, el Unione ga vinto per 2 a 0... in casa col Belluno.
E i disi che i xe fora dela zona play out. Ma play out xe più che retrocessione?
Grasie, grasie. Qua se vedi el bon cuor del nostro Nini che ga lasà a Baba Triestina de darme una bona notizia. Ladies first. Se no xe una domanda fata par scherzo, forsi el nostro Nini te contarà come che funsiona el pleiaut. Un fato xe che le altre squadre le ga ziogado par la Triestina e le prosime tre partide le xe relativamente facili. Speremo che i greghi no fazi i moni. Bona sera a tuti. La squadra de qua la zioga ancora. Son tuto un tremor. Spero anca che quei de qua no fazi ....
Fioi mii: I ga fato .... zero a zero in casa.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Triestina in serie D

Messaggio da Ciancele »

Nini Naridola ha scritto: Penso che el mio "bon cuor" durerà ancora per qualche settimana perché anderò assai presto a visitar "Santa Maria degli Angeli" che no xè quela de Assisi bensì l'ospedal de Pordenon con quel nome e la mia Porziuncola sarà el leto del reparto laringo-maxillo per un intervento. El campionato xè ancora longo -manca 9 giornade- e spero che BabaTs dia altre bele notizie a Ciancele fin al mio "restauro". No so come sarà la mia vose ... ma el dito sulla tastiera doveria esser salvo per meterme de novo in contatto su sto Forum!
Nini mio, ai mii amici no auguro mai gnente, parchè porto pegola e vien sempre el contrario. Podaria augurar el contrario, ma se no funziona? Se el dito no funziona, ciol un marteleto o qualche obietore de cosienza che frachi par ti. Ma noi ghe volemo ben al tuo ditin.


Avatar utente
sum culex
no montar in scagno
no montar in scagno
Messaggi: 5945
Iscritto il: ven 20 gen 2006, 15:45
Località: Trieste - Rozzol

Re: Triestina in serie D

Messaggio da sum culex »

Nona Picia ha scritto: Tanti auguri caro Nini! In bocca al lupo!
El lupo che crepi e inveze che ti te staghi meio de prima: tanti auguri!!!!
ciao
sum culex


Nini Naridola
distinto
distinto
Messaggi: 1496
Iscritto il: dom 10 giu 2012, 17:32

Re: Triestina in serie D

Messaggio da Nini Naridola »

Nell'infrasettimanale sconfitte fora casa tutte e due le giuliane per 2 a 1. La Triestina a Montebelluna e el Monfalcon a Fontanafredda ... e forsi (senza portarghe via el piazer a BabaTs!) rivo anche a dar el risultato de domenica prossima.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Triestina in serie D

Messaggio da Ciancele »

Nini Naridola ha scritto: Nell'infrasettimanale sconfitte fora casa tutte e due le giuliane per 2 a 1. La Triestina a Montebelluna e el Monfalcon a Fontanafredda ... e forsi (senza portarghe via el piazer a BabaTs!) rivo anche a dar el risultato de domenica prossima.
Nini mio, bongiorno. So che te pensarà: Mi me rompo par farghe 'ver i risultati e quel porco no disi gnente. Nini, quel porco xe ciapà. Un altro, il cui nome faceva rima con "te ne ga guà pulito", iera operaio, pastore, costruttore e guerriero. Mi son autista, cogo, fachin, badante e chi più ne ha più ne metta. Notizie tipo "la Triestina" ga perso o "la squadra de qua va in B" (stamatina i ga scazà l'alenador) xe bele notizie rispeto a quele che ciapo qua. Ma, come che su usa dir a Trieste, basta salute.

Atendo impavido la feral novela per stasera.


Nini Naridola
distinto
distinto
Messaggi: 1496
Iscritto il: dom 10 giu 2012, 17:32

Re: Triestina in serie D

Messaggio da Nini Naridola »

Mio impavido "tuttofare", visto che te l'aspettavi, ecco la ferale: el Ripa, che iera in più brute acque de noi -la gaveva in classifica un punto de meno, la ga "espugnà" el campo de Valmaura: 0 a 1. Anche el Monfalcon ga perso in casa.
No so ti, ma mi son contento che la squadra del Venjulia Trieste rugby ga vinto a Prosecco col Montebelluna: 28 a 12.
Stame ben!


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Triestina in serie D

Messaggio da Ciancele »

Son contento par ti. Almeno un che ga vudo sodisfazion. Sesanta ani fa dopo la partida a Proseco se 'ndava dele sete sorele a bever bianco e magnar strucolo de pomi. Forsi i xe 'ndadi anca lori.


Nini Naridola
distinto
distinto
Messaggi: 1496
Iscritto il: dom 10 giu 2012, 17:32

Re: Triestina in serie D

Messaggio da Nini Naridola »

Anche noi, dopo qualche partida de balon a Prosecco, qualche volta andavimo alle 7 sorelle; nonostante le mie indagini no go mai capì chi che iera ste sette sorelle! No ghe ne go vista mai gnanca una! Preferivimo andar là vizin de Luxa anche deta "de la tetona" ... e quel mistero lo gavemo capì subito! Se "ela" no iera drio el banco, al marì (sempre incazà) ghe domandavimo:- "Xe qua ale 7 sorelle? E andavimo via.
Nel campo de rugby de Prosecco xe attivissima la "House club rugby" con un per de griglie che spandi l'odor de cevapcici e luganighe sule tribune e nei spogliatoi e ...birra a gogò!


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Triestina in serie D

Messaggio da Ciancele »

Dele sete sorele 'ndavo de picio con mio papà. Più grando, ultratrentene, vignivo zo a trovar i mii e putela e mi andavimo a far bagno al Ginestre e dopo ale sete sorele un sanduic de parsuto. A casa no gavevimo più tanta fame e mama povareta diseva: Eh, i muli iera al bagno e el sol li ga copai. El sol dele sete sorele.


Nini Naridola
distinto
distinto
Messaggi: 1496
Iscritto il: dom 10 giu 2012, 17:32

Re: Triestina in serie D

Messaggio da Nini Naridola »

Povera Triestina: a Valmaura colla Sacilese, ultima in classifica, no i riva far meio de un 0 a 0.
Inveze el Monfalcon ga vinto per 0 a 1 a Belluno 4° in classifica!


Nini Naridola
distinto
distinto
Messaggi: 1496
Iscritto il: dom 10 giu 2012, 17:32

Re: Triestina in serie D

Messaggio da Nini Naridola »

So de aver un debito de parola con Ciancele: pel momento preferisso darghe solo bone notizie: a Castelfranco l'Union ga vinto per 3 a 1 col Giorgione. Anche el Monfalcon ga vinto in casa col Mestre per 4 a 2.


Torna a “Balon”