Largo Barriera

de Trieste, cenni storici, immagini vece e nove, ricordi..
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Largo Barriera

Messaggio da AdlerTS »

Uno stralcio de una foto de mia mama picia: sarà i anni 60.

Immagine


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Bel? :roll: el distributor no savessi, me ricordo le colonete spartitraffico. Per inciso: sul muro dove che adesso ghe xe el sorriso dei politici, co no xe la reclam dela mula in costume de bagno, xe el dentifricio Binaca, che me ricordo co iero picia, una reclam ancora de sto qua xe su una drogheria su un canton se no sbaglio in via Settefontane o comunque in zona.
Me ricordo che el simbolo del Agip, con 6 gambe, mia nona lo ciamava "el can con otto gambe"


refolo

Barriera vecia

Messaggio da refolo »

:x :x :x
Volevo rimetter la poesia della Barriera Vecia, anche perche' go' nota' che Nevada la abita la'?
ma non trovo el sistema de domandar el permesso, dopo chel Trieste-Mia xe stado chiuso????????????? i se ga' tegnu' tutto quel che non iera suo.
Bisognava, secondo el regolamento tegnirse fora dai PLAGI? d'accordo, questa fa' parte della mia famiglia come che xe parte quela de Umberto Saba....pensavo che gave' capi' chel xe un mio parente perso nella storia.
se posso rimetter de novo con la rispettiva foto non fe' altro che avisarme.
ciao Maria


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Questo xe un novo forum, e no gavemo i archivi de Triestemia. Se te ga ancora i tui post, salvai, riposta pur. Sergio dovessi gaver salvado i veci post e el ga dito che el xe disposto a trovarli, quel che ga postado ognidun.
El regolamento no parla assolutamente de plagi. Al massimo ricordemose de star atenti ai diritti de copyright.


Nevada
vilegiante
vilegiante
Messaggi: 99
Iscritto il: mer 4 gen 2006, 16:35
Località: Barriera Vecchia

Re: barriera vecia

Messaggio da Nevada »

refolo ha scritto::x :x :x
Volevo rimetter la poesia della Barriera Vecia, anche perche' go' nota' che Nevada la abita la'?
ma non trovo el sistema de domandar el permesso, dopo chel Trieste-Mia xe stado chiuso????????????? i se ga' tegnu' tutto quel che non iera suo.
Bisognava, secondo el regolamento tegnirse fora dai PLAGI? d'accordo, questa fa' parte della mia famiglia come che xe parte quela de Umberto Saba....pensavo che gave' capi' chel xe un mio parente perso nella storia.
se posso rimetter de novo con la rispettiva foto non fe' altro che avisarme.
ciao Maria
Esisti una poesia su barriera ?


Ciaooo Caty.-
refolo

Barriera Vecia

Messaggio da refolo »

Che no i me parli de la via Toledo,
Dei bacani de Londra o de Parigi;
per carita', che no i me vegni fora
Con Babilonia, Sodoma e Gamora,
coi urli de le done e dei putei
Quando el vulcan ga sofia' Pompei:
Chi vo veder l'Inferno in miniatura
E fra quel tananai perder la recia,
Che fazzi un salto a la Barriera Vecia.

Qua' soprani e baritoni stonai
Che cantando: "RAVE! PETORAI"
El conzalastre! el Gua! Conzapignate"!
Qua mandole, susini, qua patate,
Luganighe, persuto e castradina,
Da la roba piu' scarta a la piu' fina;
Frittole, peverini e mandorlato,
Dai bocconi de lusso a quei del gatto.

Se no ve basta el son de la manera
Ch'ogni momento fa stremir la tera,
I zighi sentire' de qualche mulo
Che mostra i quarti d'ombolo e straculo;
Un susuro de babe che va' in giro
tastando fruti,panlardo e butiro;
Le sguatere che sbraia, che tempesta,
E se sgrafia e se petina la testa.

Framezo a i picapiere in gran funzion,
che V'orba un ocio e sporca el ghiacheton,
Scovandoghe le braghe a qualche sior,
Qua' vedera' passar la filastroca
Dei soldai che se porta la pagnoca;
I zivizi pompieri in piena festa
Col spedo al fianco e col stagnaco in testa;
Batizi, matrimoni e funerai
Buli, meza vigogna e disperai.

Zo'd'ogni banda capita una fola
De minudaja che vien via de scola;
Clape de machinisti e ,arangoni,
Fachini, lavoranti e de garzoni;
Tintori, pegoloti, calafai;
Boteri, farinoti e manovai.
Modiste, sartorele e sessolote
Che porta i fiochi su le scarpe rote.

Varde' che confusion, che sera sera!
Par che se movi tuta la Bariera
Drio sta furia de cari, de cavai,
De manzi, muli, d'asini e castrai,
Che se sbanda, che buliga, che salta,
E se sburta da orbi e se ribalta.
Svola i cazzoti, canadindie, ombrele;

Tombola caretai, vasi e mastele;
I se grampa, i se rodola per tera
Come la tigre e come la pantera;
I mena zo' el cortel da disperai
Fin che adosso ghe piomba i pilizai,
E fra' una zurma che ghe fiss'cia in schena
I me li rangia e in cheba i se li mena,
Intanto che se vedi portar via
Caco...a San Giusto, Alzide in spezeria.

1) Alcide= el centauro ucciso da Ercole
2) alla capella dei Morti.
ciao Maria che non pol aggiunger la foto!!!!!!!!!!!
Intanto che se vedi


Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

Anca a mi me manca le 6 o 7 pagine che iera su Barriera in Triestemia :(
De special ghe iera diverse foto de prima dele demolizioni nela zona che le xe, credo, bastanza dificili de trovar.

Anca mi son de Bariera, za che son nato in via Solitario che oggi se ciama via Gabriele Foschiatti e i mii primi ricordi xe propio de sto rion – la gelateria, i cine Massimo e l'Alabarda, la cieseta de via Vasari ecc

Un par de anni fa, un amico me gaveva mandado qualche foto che oggi aprofito de postar.
Allegati
bariera01.jpg


Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

E vardando verso Piazza Garibaldi...
Allegati
bariera02.jpg


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Sta ultima xe el canton che xe stado più recentemente pavimentado. Per giorni i automobilisti xe diventadi stupidi per la strettoia che ne derivava.

La foto più vecia che go dela zona xe questa



Immagine


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Una simile, ma meno bella (sempre le cartoline dei maestri cattolici, qualità fotografica modesta, ma interessanti come documento e le note a retro)
Immagine


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

ancora una , ma nel verso opposto, se vedi la casa butada zo per far la UPIM
Immagine

Per mi, xe el ricordo de quela scrita STOCK rossa luminosa che vedevo de sera co se metevimo in pergolo in via Carducci, che quela volta se podeva star a ciapar aria.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

e eco Barriera in gennaio scorso, coi primi alberi piantai e al posto dela casa bizantina, la reclam dei costumi da Anna club, che una se lamentava sul Piccolo che al loro posto ghe xe adesso el solito sorriso del solito politico :wink:
Immagine
Son curiosa de veder come che sarà co i alberi meterà un poco de verde.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

macondo ha scritto: , la cieseta de via Vasari ecc

.
ecotela in version bianconero anni 50
Immagine
e una de l'anno scorso mia
Immagine


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

babatriestina ha scritto:e eco Barriera in gennaio scorso, coi primi alberi piantai e al posto dela casa bizantina, la reclam dei costumi da Anna club, che una se lamentava sul Piccolo che al loro posto ghe xe adesso el solito sorriso del solito politico
I lo ga za cavado: adesso de publicità de Universaltecnica :-D


refolo

via vasari

Messaggio da refolo »

la cesetta, de via Vasari Distrutta dal fogo.........el mio vecio prete xe morto la' dentro !
Prima de partir go' messo le pubblicazioni per el mio matrimonio, dopotutto iero in Via Caccia per quasi 17 anni, e quella xe stada la mia Parocchia.
El giorno del matrimonio, (festa e baldoria, solo mancava i sposi!) che tra l'altro xe sta' tutto un pastroc, perche' ierimo e semo avanti de quasi 10 ore, cussicche' xe stado un scombumento, e xe fini' in ridade. Noi ierimo za sposadi e ballavimo, a Trieste la cerimonia doveva ancora cominciar...Tra' el 1946-49 la Diocesi, ga' permesso de dar in affitto la sezione de destra (sabato solo) al studio delle Torri de Giova! ( Jehova Withness).
Mia povera nonna che non la saveva el perche' de tutta sta gente straniera, Americani i primi......la xe corsa fora disendo....come tutte le babette veciotte;
""COSSA CHE ME TOCA SENTIR,PRIMA DE MORIR""........niente critiche solo conferme.
Refolo


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: via vasari

Messaggio da babatriestina »

refolo ha scritto:la cesetta, de via Vasari Distrutta dal fogo.........el mio vecio prete xe morto la' dentro !
...Tra' el 1946-49 la Diocesi, ga' permesso de dar in affitto la sezione de destra (sabato solo) al studio delle Torri de Giova! ( Jehova Withness).
Refolo
quando ga ciapado fogo?
per i Testimoni de Geova, adesso i xe sempre in zona, ma al ex Cinema Aurora in via del Bosco ( se no me confondo, che xe anche i Avventisti de quele parti, un poco più su verso viale Sonnino).


dcobau
vilegiante
vilegiante
Messaggi: 92
Iscritto il: mar 3 gen 2006, 3:34

Messaggio da dcobau »

macondo ha scritto:Anca a mi me manca le 6 o 7 pagine che iera su Barriera in Triestemia :(
De special ghe iera diverse foto de prima dele demolizioni nela zona che le xe, credo, bastanza dificili de trovar.
Credo de aver salva tute (o quasi) le foto de Ts che se trovava su TriesteMia come che salvo tute quele che trovo nei diversi siti. Xe forsi sta qua che te se riferivi?

fame saver de quale/i te se riferivi e, se la/le go, le meto su (sempre che non de sia el copyright involto)

saluti

Dave
Allegati
Barriera1950s.jpg


refolo

barriera

Messaggio da refolo »

:'-( :'-( :'-(
son stada sempre criticada....ma come ditto sempre ""VOI NO IERI ANCORA NATI!!!!!!!!!!!!!!!!!!!
dove che ghe xe????cossa un tubeto de dentifricio? ghe iera la contraerea dei Tedeschi! La scritta iera BORSALINO! la fabbrica dei capei e la rivendita drio el canton in Via Carducci!
Ne go' viste de pirole e de mitragliade! durante el RAID!
mi go' ancora el bar- gelateria Alzetta next del Cine Massimo.....
quella iera la mia via la mia vita la mia gioventu'....per poco che son stada a Trieste rispetto i anni che son qua'. El Mussoler tra via Caccia e l'uscita del cine, la bottega de alimentari sull canton de Via Vidali, la caserma delle guardie del Radicio?.........son ancora la'!
Tutto se dimentica? niente ""NOSEPOL!""
ciao Maria


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: barriera

Messaggio da babatriestina »

refolo ha scritto:dove che ghe xe????cossa un tubeto de dentifricio? ghe iera la contraerea dei Tedeschi! La scritta iera BORSALINO! la fabbrica dei capei e la rivendita drio el canton in Via Carducci!
evidentemente xe periodi diferenti, perchè el tubeto xe de dopo che i tedeschi xe andai via, te lo vedi nela foto de sora, e el xe un Binaca e el dentifricio Binaca ti te lo ricorderà anche ti del primi anni 50, el gaveva el tubetto bianco e giallo, me par..


Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

dcobau ha scritto: fame saver de quale/i te se riferivi e, se la/le go, le meto su (sempre che non de sia el copyright involto)

saluti

Dave
Dave, grasie. Me piaseria precisamente quele 2 0 3 foto ciapade dentro la zona prima e durante le demolizioni. In una se vedi le macerie de una casa demolida, nel altra(e) se vedi una via che za no esisti piú.


Torna a “Quartieri e rioni”