Spagheti co l'astise.

[danilo43]

Messaggioda mandi_ » lunedì 11 novembre 2013, 18:46
Poffarbacco! De le russole m'enformo, ma m'interessa di più cosa se deve far per magnar sta roba succulenta. Come se pulisce? Come se cucina? Cossa se butta? Tornata adesso dal lavoro, devo inventarmi qualcosa da cusinar...

Cara Mandi, la mia abilità in cucina è pari, se non inferiore a quella di Ciancele, (perdonime C. ma i tui viz me ga fato sganasar) e ho dovuto, pertanto, prendere dotte informazioni dalla qui presente, esperta moglie:
Ti propongo due metodi classici e semplici da eseguire, ma se vuoi prodigarti diversamente, potrai sbizzarrirti a non finire, cercando altre ricette in Internet.
Il primo:In umido con gli spaghetti , che per mi se la sua morte.
Disi meine gnädige Frau, che te saluda:
Fatti tagliare a pezzi dal pescatore un astice (vivo) , butta via la testa e le zampine, poi fai un soffritto di prezzemolo e aglio; aggiungi tutti i pezzi con il loro carapace, falli soffriggere finchè diventano rossi, poi butti il pomodoro (preferibilmente pomodoro a pezzettoni Mutti) e un dado; fai cuocere circa un quarto d'ora, poi togli i pezzi dalla pentola, estrai la polpa dal carapace e dalle chele (operazione semplice perchè da cotta viene via con estrema facilità) rimetti la polpa in pentola e cuoci ancora una decina di minuti. Fai cuocere gli spaghetti e condisci!
Altra alternativa è immergere l'astice possibilmente vivo in acqua fredda, a bollore calcola 10 minuti per chilo. Quando è cotto estrai la polpa dal carapace e dalle chele e servi con mayonnaise fresca. Buon appetito!
No mal per eser una sudita de sua Maestà britanica, nata a Viena, ma la ga imparado presto ste robe sai importanti, che a casa sua de lori gnanche i se sogna.
Aggiungo io: prima de butar via le scorze, che la baba ciama in lingua “carapace”, la testa e le zate, se de ciuciar tuto, impetolandose come ludri doprando aghi, stecadenti, struca nose e in caso estremo anche el martel; te consilio de meterve un bavariol grande.....proseco, und........ Mahlzeit!
L'unico neo se el costo de sta materia prima. Mi quando che podevo, i astisi andavo a ciormeli, come ti coi funghi.
Te dirò che fin a un due ani fa andavo ancora, ma i ani scominzia a eser tanti per andar profondo con le bombole. Adeso stago insegnandoghe a mio nipote; i loghi giusti no me manca. Ciau

[babatriestina]

no go mai osado pensar de far sta roba pensando a sta povera bestia che vien copada viva...

[mandi_]

Grazie e saluti alla gentil consorte. Non avevo riconosciuto l'astice, perchè quello da te pescato xe enorme. Pora bestia! Mi me vergogno perchè purtroppo me piase magnar el pesce de mare e a volte me sento colpevole. Na me amica xe recentemente deventada vegana, ma a mi no succederà mai
Direi che la prima ricetta è squisita ed anche alla mia portata culinaria. Per la seconda me fa paura metter el pesce vivo in pentola.
So cossa vol dir , ehm, gustarse el sugo dei carapaci: xe el pu bon. Anche mi uso il Mutti, che me sembra meno acido.Però de solito uso i pomodorini freschi per el sugo.
El gusto de l'astice xe incredibile. .Prosecco no manca a casa mia, e gnanca el Pinot e l marzemin. Pesce de mare e de lago cusino mi, ma me marì sa far un ottimo caciucco alla livornese co crostini. Bei discorsi per na montanara, no?

[danilo43]

Me sento in colpa per averve contà de sta barbarie. La moglie, che da bona animalista la magna sai poca carne, de ani anorum la se rifiuta de cusinar più un astise vivo e quei che portavo mi, sparadi, i rivava a casa za morti. Più de una volta la me ga butado de novo in acqua de la barca quei che gavevo ciolto vivi co le mani. Ma cosa te vol, tuti ga le sue deboleze.

[danilo43]

Quel giorno la cambusa era ben fornita!





Per farmi perdonare vi dirò di amare profondamente il mio mare e lo rispetto. Sono molti di più gli esemplari stanziali filmati e mappati, dei pochi catturati, in luoghi sempre diversi, per non ostacolarne la riproduzione. Ma la gola, come è noto, a volte è una cattiva consigliera.

[sono piccolo ma crescero]

Butemola in rider dai...

Intanto "Viva Monsieur de Lapalisse che un quarto d'ora prima di morire era ancora vivo"

no go mai osado pensar de far sta roba pensando a sta povera bestia che vien copada viva...

Forse BT voleva dire "che vien copada davanti de mi..."

A adesso ve conto la mia esperienza con, no steme domandar se xe la stesa roba e no so cosa che fusi, astice o aragosta.

Come scola gavemo, tanti anni fa, collaborà a l'organizzazion de un evento in cità e i organizzatori me ga, visto che la collaborazion iera gratuita, offerto una zena. Menù fisso: astice o aragosta (no so, ribadiso cosa che fusi o se ghe xe differenza).

Savè che no me ricordo gnente de quela zena? So solo che me son trovà davanti le tanaie (chele) e un ordegno per verzerle. Ordegno che no gavevo mai doprà. Go vardà i altri per capir come che i lo doprava: go visto che tuti i saveva doprar sto ordegno: i lo ciapava con una man, i strenzeva la "chela", i ghe dava dentro, e per magnar i se sbrodolava tuti, ma mi, povero profesor, me son sentì in sogezion, no volevo sbrodolarme, ris'ciar de schizar quel che iera sentà vizin de mi, far figuraze... Insoma con davanti un piato che gaveria fato la felicità de tanti ... go fato digiuno!

Xe vero, son originario de un paese de pescadori, go parenti streti che iera pescadori, ma a casa nostra se magnava guati e co la andava ben sardoni, per evidenti ragioni ... economiche. Quando gavemo comincià a star un poco meio, mia mama ga comincià a comprar anche scombri ... e el pese no me ga piaso più.

Inveze andavo mato per l'astse dei poveri: le canoce...

[babatriestina]

sì, gavessi dovudo dir butado a boir vivo.O cusinado a partir de vivo. Insoma no eutanasia per sto povero astise.Quel che magno a casa mia riva za morto, de solito. Povere canoce, anche quele le se agita sul bancon e no le ciogo..

[mandi_]

A volte però non pensiamo che ogni animale che mangiamo ha pari dignità e prima de esser morto iera vivo.
Ad esempio me fiola me ga tormentà per anni che la voleva en coniglietto en casa da cocolar, come animale da compagnia.Go resistido fermamente. Quando cusinavo polenta e cunel prima la storzeva el nas, dopo "più che l'onor potè il digiuno" o la gola.
Ricordo ancor che me papà alevava cuneleti e me piaseva vardarli e portarghe l'erba. Ma ricordo anca che na volta xe andà in cantina a coparli e mi son scapada per no vardar e go pianto tanto.
Stessa roba per i polli.
Me marì pesca trote e a mi toca netarle, perchè a lu no le ghe piase, a mi sì e no le voglio sprecar. Ma odio vardar le trote nei oci.
Tornando a bomba, pensando a Piccolo alle prese co l'astice me ricorda la povera Pretty Woman, in abito da sera, quando la finge de averghe el bon ton e la perde rovinosamente la sua battaglia con les escargots à la bourguignonne, che le svola dal piatto.
La pinza per manovrar el crostaceo xe un caso di pinza a pressione inversa: si allarga quando la stringiamo, per serar la morsa quando la rilasciamo, tutto così complicato che se la lumachina o l'astice no xe infiladi ben se rischia de far volar en giro.

Danilo, ma dove te gai pescà (ahem, sbarà) a l'astice? Ghe n'è nell'Adriatico? Bele le foto, che ne permette de osservar come xe fato...

[babatriestina]

Difatti, mai mangiato coniglio a casa mia. e tranne una volta per esplicito ordine della veterinaria, nemmeno nelle crocchette per gatti.

[Nini Naridola]

Scometo che Danilo ga ciapà quei astisi là della tressa de la "mula de Muja".

[Ciancele]

Danilo43 te me abati. Cosa devo far? No xe colpa mia se mi son più bravo a magnar che a cusinar. Qua se usa dir in inglese: Nobody is perfect. Nisuno è perfeto. Un esere umano ga difeti. E se mi conto (addiziono) i mii difeti, trovo che nisun al mondo xe più umano de mi. Ciancele, the human! Astici (o aragoste) xe dificile trovar. Go magnà in Francia (costa azura) e ala costa de diamanti (melio conosuda come Sistiana!). Funghi se trova qua in Baviera e nei boschi della selva boema. I finferli i vien dela Lituania. I finferli, quei come ciodi che forsi par talian se disi anca ciodini, te li trovi qua. Ma al mercato coperto. Prataioli e porcini. Ma anca tanti altri. In una mia vita precedente iero forsi asagiatore. Adeso no più. Ti e Mandi dovè zercarve un altro per provar se i funghi xe velenosi o no.

[danilo43]

Scometo che Danilo ga ciapà quei astisi là della tressa de la "mula de Muja".

Nini te rispondo robando dal Forum: se fusi cusì facile fazesi tuti!

[danilo43]

Caro Ciancele, no te ga de abaterte. Ghe gavevo spiegà a Mandi che la mia abilità in cusina la xe pari o inferior de la tua. Ma no se vero gnianche questo perchè, me confeso che al contrario de ti, son bravo solo a magnar.
Pensando a la tua vita precedente da asagiator, me vien in mente un altro viz de Le Maldobrie:
“anche la scienza ga i sui limiti” che rido solo a pensarghe!
Qualchedun se rabierà, per non far nomi Baba e anche Mandi, ma qua de noi xe uso (o diceria) de farghe zercar, nel senso de asagiar, i funghi al povero gato. Bona note.

[babatriestina]

I finferli i vien dela Lituania. I finferli, quei come ciodi che forsi par talian se disi anca ciodini, te li trovi qua. Ma al mercato coperto.

i finferli in italian se ciama finferli
http://it.wikipedia.org/wiki/Cantharellus_cibarius
e i ciodini xe chiodini
http://it.wikipedia.org/wiki/Armillaria_mellea

[sum culex]

no go mai osado pensar de far sta roba pensando a sta povera bestia che vien copada viva...

Dime ti quala bestia no vien copada viva? Bestia o cristian che sia; cola sedia eletrica cola pistola o altro, co un vol copar, maza sempre qualcossa de vivo, altrimenti no ga senso.
Tuta la carne che magnemo, che sia manzo, vedel, cunin, pollo o qualunque altra, pessi compresi: la bestia da cui la deriva vien copada viva; al mattatoio per le più grandi, in polaio o anche in cantina o vivai che sia per le più pice.
No go mai pensà che sia possibile copar una bestia zà morta, pechè vol dir che la xè stada za copada prima de qualchedun altro.........
E adesso no far la cannibale copandome a mi per vendicarte de ste mie batude.
ciao
sum culex

[sum culex]

no steme domandar se xe la stesa roba e no so cosa che fusi, astice o aragosta.

La diferenza xè questa:
L'astise ga le chele mentre che l'aragosta no la le ga.
Per inciso: mi no go mai magnà nissuna dele due e no go la più palida idea de che gusto che le gabi.
ciao
su culex

[Ciancele]

I finferli i vien dela Lituania. I finferli, quei come ciodi che forsi par talian se disi anca ciodini, te li trovi qua. Ma al mercato coperto.

i finferli in italian se ciama finferli
http://it.wikipedia.org/wiki/Cantharellus_cibarius
e i ciodini xe chiodini
http://it.wikipedia.org/wiki/Armillaria_mellea

Baba Triestina, grazie par la conferma. Ma, come al solito, el problema xe un altro. I finferli te li trovi, come che go dito, al mercato coperto. No ocori che te cioghi un mutuo par pagarli, ma no i xe 'sai a bon prezo. Quei che xe a bon prezo, ga una qualità mai vista. El termine tecnico xe "spazaglie" (spazzaglie). Co' te scovi la stiva e te ingrumi le scovaze. I ciodini te li trovi solo al mercato coperto, sui 15/20 euro al chilo. Par fortuna che basta solo diese deca (100 grammi) per coverzer la fetina. Al mercatino (martedi e venerdi) te trovi, se te va de matina presto, anca quei grosi funghi, che no me vien el nome, per far sula piastra co' l'aio. Se te va tardi, te ciapi anca là i vanzumi (avanzi). I più meo go magnà in un logo drio Misurina (go salvà el biglieto con l'indirizo) e a Meran, soto i portichi. Co' la polenta. Se no me vien un colpo, spero de andar in primavera. E se me vien un colpo, son in paradiso e tuti i desideri vien esaudidi. Also, no problem.

[Ciancele]

no steme domandar se xe la stesa roba e no so cosa che fusi, astice o aragosta.

La diferenza xè questa:
L'astise ga le chele mentre che l'aragosta no la le ga.
Per inciso: mi no go mai magnà nissuna dele due e no go la più palida idea de che gusto che le gabi.
ciao
su culex

Penso che sia question de gusti e se te disi che no te piasi l'aragosta (l'isteso val par le ostrighe) i te disi che no te capisi gnente. Mi go magnà una volta a Castelregio, più de 40 ani fa, col mio amico american. Bisogna forso saverla cusinar. Mi go paura che, come in tanti altri casi, te gusti solo la salsa o quel che struchi sora. Voi se testimoni che mi no go proibì a nisun de magnar aragoste o astichi (come xe al plurale?).

[Zigolo]

no go mai osado pensar de far sta roba pensando a sta povera bestia che vien copada viva...

Ghe xe solo un modo per magnar roba bona de origine animale senza copar la bestia: liposuzione!

Se un ciol un porco ben s'gionfeto e con un bel siringon se ghe ciucia fora un fià de grasso, che prontamente se buta in tel oio bolente. In sta maniera noi magnemo bone frize e el porco resta vivo, anzi in bela forma senza gnanca far palestra

Ve lo disi un squasi vegetariano (el squasi xe dovudo al fato che me piasi tropo el grasso de porco).

[babatriestina]

e spetar che i mori de veciaia?