Vespasiani

[molighe el fil]

Una volta, quando iero mulo, no iera problemi per trovarne uno co se gaveva bisogno.
Me ricordo de quei soteranei in piaza dela Borsa e in piaza dela posta, e ani dopo anca un su le rive davanti al Lloyd.
Sti tre gaveva anche el reparto done.
Uno iera al do de via san Francesco, drio el canton del ristorante Dante, anca questo con el reparto done.
Me ricordo de altri tre in muradura, un soto la scala dela via delo scoglio /el xe ancora ma stropà con un muro de matoni ), un un via Giotto dove adeso xe una cabina per far foto tesera e uno un principio dela androna dei orti in zitavecia.
Dopo ghe iera i casoti de lamarin con i paredi che no rivava fin per tera e se vedeva se el logo iera ocupà.
De questi ghe ne iera tanti ma me ricordo el posto de do soli.
Un iera al incrocio de via Rossetti con via Revoltella, drio la edidola de siora Jolanda e l'altro ala rotonda del boscheto dove adeso xe un parghegio per auti.
Gaveria piazer se qualchiden se ricorda de altri e trova qualche foto, specialmente de quei de fero.
Adeso resisti ancora un in via catedrale vizin i scalini, ma ultimamente sula porta xe un cartel che disi de rivolgerse in castel.
Che i seri anca sto qua?

[babatriestina]

Ciarimo el termine: vespasiani de solito xe semiaverti e solo per omini... el ultimo che me ricordavo, con una spuzza che se diffondeva per un raggio de alcuni metri intorno ( se vedi che no i gaveva acqua corrente) iera quel del piazzal de Barcola là dela fermata del 6.
Serado quel de piazza dela Borsa, quel de Ponterosso xe tutora in funzion, ma xe servizi soterranei e no vespasiani insoma pisadori per capirse!
quel de via dea Catedrale che no xe vespasian ma servizi completi qualche volta li vedo verti e qualche altra serai, in castel no manca, xe un al ingresso prima dela boglietteria e un dopo in cortil dele milizie.
Tanti se lamenta de quei de Miramar, son stada un per de giorni fa e o me par che sia de lamentarse digo quel al ingresso. po xe un drio del cafè del parterre
Me ricordo anche un in Barriera, soterraneo, Mi no ghe andavo mai, no me fidavo del stato de pulizia.. un cafè costa 1 euro e in tanti posti che vado in giro in Europa i fa pagar anche 10 centesimi solo per entrar ai servizi

[molighe el fil]

Te ga ragion, inveze de vespasiani dovevo dir cesi publici.
No me ricordavo de quel de bariera, de quel de ponteroso e de quel de Barcola.
Me par che quel de Barcola sia in muradura.
Nel parco de Miramar soto le scale per andar in porto ghe xe altri cesi (go fato le porte nove un quindise ani fa), ma l'altro ano go visto che i li dopra per magasin.

[babatriestina]

Nel parco de Miramar soto le scale per andar in porto ghe xe altri cesi (go fato le porte nove un quindise ani fa), ma l'altro ano go visto che i li dopra per magasin.

sì, i li ga dismessi de bastanza anni. iera anche un là del piazal che iera la statua de Massimilian.. serado de credo oltre venti ani

[babatriestina]

qua el accesso averto a quel de piazza Ponterosso

[Ciancele]

Baba Triestina ga scrito:
“... un cafè costa 1 euro e in tanti posti che vado in giro in Europa i fa pagar anche 10 centesimi solo per entrar (vol dir: andar drento? ) ai servizi”
A mi me tien. Dime dove che xe, dove che se paga cusì poco, che coro subito.
I 10 centesimi iera de una volta. Qua se paga 50 cent, 1000 lire de una volta solo par spander aqua. In qualche logo 70. Dopo i te li scala dela consumazion. Ma se te consumi, te se consuma el tacuin. La consumazion più picola, un espreso, costa però un euro e 50. Insoma costa meno farse ‘doso.
Te sa che son vecio tumbaro e che no capiso gnente. Spieghime quel del solo per entrar. Co’ te son drento, te devi pagar de novo? I 10 centesimi xe, par modo de dir, solo par visitar ? Se pol fotografar? Mama, cos’ che xe dificile!

[babatriestina]

scusa, go digitado mal: xe de 40 a 50 centesimi. E no sempre i scala dela consumazion, solo in certi autogril tedeschi go visto mi . Volevo dir ma se vedi che no so scriver che el ingresso xe a pagamento, po cossa che te fa dentro xe afari privati. De noi in Italia el cafè no ga i prezzi asurdi che ga in giro, perchè se i metessi quei prezzi che te disi ti i faria la rivoluzion.

[Ciancele]

Baba Triestina, ogi son magnaanime (per i non triestini: magnanime) e te perdono. Ma, parlando de cafè, no xe el prezo che me spaventa, ma la qualità de l'espreso. A Trieste i lo defineria: sotosbicia. Gnanca sbicia! Ma mi, col mio mitridatismo e la mia esperienza de asagiatore e utente dela Tot e dela cusina inglese in caserma, bevo anca quel!

[sum culex]

Oltre al elenco che ga scrito molighe el fil.... me riordo che ghe ne iera ancora uno soto al teatro Verdi dal lato de via Arsenale (guardando de marina, sula sinistra del teatro).

Desso ve mostro quel de Barcola, penso che sia l'unico rimasto (el iera zà sta messo in Trieste de ieri, ma le foto xè sparide). Iera un vero 'PISADOR' = orinatoio: (nota per SPMC: altra parola de zontar nel nostro vocabolarieto, anche se la xè volgarucia, ma resta pur sempre una parola del nostro 'idioma'; varda che finoto che son diventà tuto in t'un colpo ).







ciao
sum culex

[sono piccolo ma crescero]

Iera un vero 'PISADOR' = orinatoio: (nota per SPMC: altra parola de zontar nel nostro vocabolarieto, anche se la xè volgarucia, ma resta pur sempre una parola del nostro 'idioma'; varda che finoto che son diventà tuto in t'un colpo ).

Messo e za che iero anche qualche altra parola derivada. E visto che gavevo sistemà el "de fin" go sistemà anche el "de grosso".

Però, za i giorni scorsi, legendo me xe vegnuda una perplessità: perché i vespasiani xe stai fati da Vespasian solo pei omini e no anche per le done?

[babatriestina]

perché i vespasiani xe stai fati da Vespasian solo pei omini e no anche per le done?

perchè ai tempi de Vespasian le babe stava a casa?

[Piereto]

Per continuar l'elenco de molighe el fil, iera un pisador in muratura tacà el muro del ponte de Roian ( entrando a Roian a sinistra prima dela atuale ASL ) che saria sta quela volta Stock. Coi i ga colegà el tubo del aquedoto che vien zo de Greta e el va in via tor San piero , po el gira soto el ponte de roian e su per via di roiano e el va a finir in tel rifugio galeria, i gà elimina el pisador che iera za ani che nol funzionava più.

[molighe el fil]

Bele le foto del pisador de Barcola, ma quei de fero che iera una volta i gaveva i paredi curvi

[sum culex]

perché i vespasiani xe stai fati da Vespasian solo pei omini e no anche per le done?

perchè ai tempi de Vespasian le babe stava a casa?

No, no xè che le babe stava a casa, ma perchè quela volta le done come le nostre iuze de una volta no le gaveva mudande (IUZA = Contadina slava, per lo più giovane, dei dintorni) altra parola triestina che no xè sul nostro vocabolario. Le iuze iera le babe che portava el contenitor (bidon o tanica: no me vien come che se disi in dialeto) del late sula zuca (= testa) anche questa parola sul nostro vocabolario no xè.
Me ricordo una scena de tantissimi ani fà in via Rossetti: una che, senza alzarse le longhe cotole più che tanto, stando in pie e slargando un fiatin le gambe la ga fato pipì soto un albero. Eco perchè i Vespasiani no ghe seriva!
ciao
sum culex

P.S.: per restar in tema de 'zuche': zontemo sul vocabolario alche la frase: 'ZUCA BARUCA' = Sciocco, tardo ? (anche se sui vocabolari no trovo sto significato, ma a casa nostra se lo usava)


:

[alastair]

Un altro cesso publico iera soto piazza Puecher (che al tempo se ciamava piazzetta Giuliani), se tratava del solito tipo soteraneo con do entrate nel muraglion che sostien la piaza. Le porte murade iera visibili fin do ani fa quando i ga rifato la piazeta; anche se no te volevi te se acorzevi del posto per via del forte odor de disinfetante, che i butava dentro i locai ormai seradi, da una finestrela.
Un altro vespasiano de fero verde inveze me par de ricordarlo al principio de pass. S. Andrea, precisamente subito dopo el cancel del parco feroviario de Campo Marzio (dove che entrava el treno del rive).

[Zigolo]

Go recentemente fato, dopo tanti ani, do viagi in treno. Bon, nele stazioni de Mestre, Bologna e Milano, andar in cesso costa un euro!

Robe che, tornando a Trieste in stazion, xe de corer a farla anche se no tien, fin che xe a gratis

[babatriestina]

una volta iera 40 centesimi...

[Ciancele]

Go recentemente fato, dopo tanti ani, do viagi in treno. Bon, nele stazioni de Mestre, Bologna e Milano, andar in cesso costa un euro!
Robe che, tornando a Trieste in stazion, xe de corer a farla anche se no tien, fin che xe a gratis

Anca mi go fato dopo tanti ani un viagio in treno. Adeso speto che pasi de novo tanti ani.

A farla, costa su l'autostrada, drio la graia (cespuglio), gnente. A l'area de servizio 50 cent o, qualche volta, 70. Ma i te scala i soldi se te ciol una consumazion. In cità, xe roba automatica come a Colmar (Baba Triestina, te ga visto?) e costa 50 cent.
De quel che conta Zigolo xe meo farsela in braghe.

[Ciancele]

perché i vespasiani xe stai fati da Vespasian solo pei omini e no anche per le done?

perchè ai tempi de Vespasian le babe stava a casa?

No, no xè che le babe stava a casa, ma perchè quela volta le done come le nostre iuze de una volta no le gaveva mudande (IUZA = Contadina slava, per lo più giovane, dei dintorni) altra parola triestina che no xè sul nostro vocabolario. Le iuze iera le babe che portava el contenitor (bidon o tanica: no me vien come che se disi in dialeto) del late sula zuca (= testa) anche questa parola sul nostro vocabolario no xè.
Me ricordo una scena de tantissimi ani fà in via Rossetti: una che, senza alzarse le longhe cotole più che tanto, stando in pie e slargando un fiatin le gambe la ga fato pipì soto un albero. Eco perchè i Vespasiani no ghe seriva!
ciao
sum culex
:

Son Picolo Ma Creserò: adeso te sa parchè. Se no te sa 'ncora, te spiego in privato.

[Zigolo]

una volta iera 40 centesimi...

In stazion a Trieste? No so, forsi per le signore, pei omini xe ancora a gratis.

E anche in autostrada, a diferenza che in Germania come che ne conta Ciancele, xe a gratis.