Stampe antiche

[sum culex]

El titolo de sto argomento domanda roba che riguarda Trieste. Mi go scanerizà alcune stampe antiche de cui no conosso l'origine e che probabilmente no centra con Trieste: le meto lostesso qua perchè no saveria dove altro meterle (in salotin no me par che vadi ben). Se i 'admin' credi oportuno de spostarle in un posto più idoneo, no go gnente in contrario.
Dovessi esser roba dela seconda metà del 1800 (primi ani del '50): se trata de 12 sogeti.
Comenti mi no son in grado de far; ghe lasso sto onere, ringraziando sentidamente, a chi che pol o vol farlo.

Qualcossa più de 50 ani fà go disfà un vecio libro per tirar fora ste stampe e meterle in cornisete per decorar l'armadio a muro de mia suocera. Per tantissimi ani le ga fato la sua bela figura e dopo che el quartier xè stà vendù, le go ricuperade. Zercando altro in sti giorni le me xè vignude in man e go pensà de mostrarvele.

[sum culex]

[sum culex]

[babatriestina]

http://www.treccani.it/enciclopedia/gia ... ografico)/

[sum culex]

I originai xè più 'morbidi'. ma sicome che i xè assai ingialidi li go scanerizai come 'bianco e nero' e no son rivà a migliorarli più de cussì.
Spero che una roba tanto vecia ve gabi piasso comunque lostesso almeno un poco.
ciao
sum culex

[babatriestina]

te go messo un riferimento se le xe originali altro che Otocento! fin del Cinquecento!
soggetto mitologico in general, se te vol te le comento una per una per el argomento

[sum culex]

Grazie per el riferimento, ma no'l me vien su: el me disi: page not faund.
No saveria dirte se xè originai o stampe sucessive; xè ancora roba de mia mama fra quele rare robe che se ga salvà.
Per quel che riguarda i comenti, se te ga tempo e voia beata l'ora; no posso far altro che ringraziarte, anzi de più: son curioso anche mi de saver qualcossa che completi tuto quel che mi no so de quele stampe; in efeti mi no so praticamente gnente: le go trovade per combinazion a casa fra altre stampe vece.
Se trata de tre libri, disfai anche quei, che ga un futio de pupoli. Te meto le tre foto dela prima pagina de ognidun







Dime se te interessa qualcossa.
ciao
sum culex

[babatriestina]

SpnoPiccolo ga coretto el link, adesso te dovessi veder
Dovessi esser le tavole dele Metamorfosi di Ovidio
I ultimi paressi stampe de quel medesimo Meyers che ga fato un enciclopedia a fin Ottocento

[sum culex]

SpnoPiccolo ga coretto el link, adesso te dovessi veder

Sì, adesso vedo.
ciao
sum culex