grupi triestini/in triestin

[ffdt]

Ghe xe bastanza movmento in cita` de grupi che sona ... xe anche vero che i se forma e i se mola con bastanza facilita` pero` me par che no se ghe ne parla cusi` tanto e cuindi provo a verzer sto topic

Ciau

Franco

[ffdt]

Cucando in giro ogi go trovado "I Scoverciai" ... i canta in triestin e i xe braveti pero` i ga cuele do carateristiche che me par comuni a tanti grupi e che me fa pensar che ghe sia cualcosa che no xe facile de superar e che ghe impedisi a la muxica triestina de gaver i giusti riconoscimenti.

Peca` ... perche` una bona meta` de i tochi che go sentido de sti cua la xe ben sonada e anche 'l resto comuncue no xe mal

Pero` ghe xe cuele do robe che stona e cua parlo de lori ma xe un discorso che xe bon in general per tanti altri grupi ...

Una la xe che anche se i testi i xe originai la magior parte de le melodie le xe cuele de canzoni famoxe. Mi no credo che no i sia boni de far muxica, pero` el fato de cior canzoni za fate lasa l'idea che forsi no i xe muxicisti cusi` completi come che ghe podesi ocorer per gaver suceso. E xe peca` perche` se un el xe bon de sonar robe de altri alora el xe bon de farlo anche con roba sua.

La seconda roba che me par che no iuti xe che i testi i ga dentro un parlar che no xe exatamente elgante, se poso esprimerme in sto modo El fato de eser goliardici no xe bruto in se' ma de sicuro no te verzi le porte de cuei che scoltasi ma che no i ga voia de sentir linguagi poco edificanti.

E, torno a dir, anche cuesto xe peca` perche` i podesi gaver piu` suceso ... indiferente de cuanto che i ghe ne gabi adeso


Bon ... tanto per farve scoltar cuela che me par el meio toco ve meto sto link ... la canzon la se ciama la multipla e xe una remenada anche gradevole pero` la ga un poche de parolaze che forsi no iera necesarie ... ... se inveze ve piaxi i U2 alora pode` scoltar ti no te stricchi ... cuesta come muxica la xe un fiatin meno bela de l'original (i U2 in concerto i la fazeva in tuta un'altra maniera ;-D) ma la ga 'l vantagio che se pol scoltarla in publico senza vergognarse ;-D ;-D ;-D

Ciau

Franco

[AdlerTS]

se inveze ve piaxi i U2 alora pode` scoltar ti no te stricchi ... cuesta come muxica la xe un fiatin meno bela de l'original (i U2 in concerto i la fazeva in tuta un'altra maniera ;-D) ma la ga 'l vantagio che se pol scoltarla in publico senza vergognarse ;-D ;-D ;-D

Perdonime, ma "Alive and kicking" iera dei Simple minds, non dei U2

[ffdt]

Chiado venia ... me son confondesto .. pensa ti che la gavevo scambiada per una version un poco personal de"with or without you" ;-D ;-D ;-D ;-D

[scoverciai]

Ciao son un dei Scoverciai, me dispiasi smentir quasi tutte le robe che te ga dito, a parte quela delle parolaze che stemo lentamente eliminando dal nostro repertorio non perchè vol i altri, ma per nostro sentimento.Riguardo le parolazze quando el testo de una canzon ciama certi argomenti, no vedo perchè bisogna sconder la realtà, visto che ogni giorno par tuto la zente dixi parolaze! NO XE BEL? SAVEMO MA XE CUSSI' !! comunque come dixevo per nostra esigenza desso i prossimi cd che faremo sarà quasi (e sottolineo quasi) esenti da parolazze !!
Poi riguardo i tochi scopiazzai, te devi saver che noi gavemo fatto anche tochi nostri e i xe anche on-line come ad esempio questo http://xoomer.virgilio.it/le_nostre_canzoni/05.mp3 e anche altri che no xe on-line ma totalmente nostri, musica e parole.
Dopo pol piaser e no piaser certi generi e questo no se discuti, gusti xe gusti. Un saluto afettuoso da i scoverciai !!

[ffdt]

Ciao son un dei Scoverciai, me dispiasi smentir quasi tutte le robe che te ga dito[...]Poi riguardo i tochi scopiazzai, te devi saver che noi gavemo fatto anche tochi nostri[...]

A mi inveze me fa piazer de saver che fe anche muxica vostra ;-D perche` credo che sia un segno de vitalita` muxical che pol solo che portar ben ;-D Per "meo ti che mi" go de dir che la gavevo scoltada ma no conosendo tuta la produzion muxical existente no la gavevo rivada a individuar come "tuta vostra" pero` la gavevo notada e me la gavevo salvada insieme co' le altre do che go citado.

[...]Dopo pol piaser e no piaser certi generi e questo no se discuti, gusti xe gusti. Un saluto afettuoso da i scoverciai !!

Le preferenze in campo muxical le xe sai personali e 'l fato che le ghe sia pol portar anche a interesanti "gare" come tra i Beatles e i Rolling Stones ... sinceramente me piaxesi de veder che ghe xe grupi triestini che i riva a divider el publico come che ga fato cuei do grupi la` ... in fondo noi se dimentichemo tropo speso che anche se xe vero che cantando in dialeto i ne capisi solo che in veneto, ghe xe pur sempre tute le americhe indove che xe carigo de gente che pol riconoser bastanza de la nostra lingua come simile a la sua. Secondo mi el mercato natural per la muxica in triestin la xe la zo`, no tanto cua de noi.

A gavendo un ocio per le esportazioni (e co' 'l internet xe facile) e a gavendo una produzion completamente original se pol anche pensar de rivar de cualche parte ... in fondo i Pitura Freska i xe rivadi fina in Florida ... e se i ga fato lori pol far anche altri.

Xe de dir che 'l disco che li ga portadi in te 'l mondo el xe un disco de un bon livel sia come muxica che come testi ... e cuesta la xe si` una critica a la muxica triestina in genere, ma la vol eser una critica che da` un spunto per rifleter. A mi me par che se un grupo nostran el rivasi a farse conoser fora fusi una bela roba ... cuindi, muli deve de far, ah ;-D

Auguri

Franco

[Bilbo]

i me ga pasa da poco un disco co le canzoni de sto grupo.

ben no me dispiasi el testo rifato su brani famosi, mi me piasi.

certi brani se sai bei, del me vine in mente el vigile urban, ma altri inveze no me gusta gnacna un poco.

no me piasi le trope parolaze, no digo che no ghe devi eser nisuna, ma certi brani xe tropo stile "laidos"

e anche no me piasi come i canta in "I scoverciai no mola mai" almeno questo xe el titolo che go trovà


ma i lori cd dove se pol trovarli e/o scarigarli se non i xe protetti da copyright? sul sito de lori xe qualcosa, ma a qualità scarseta....

[scoverciai]

Ciao a tuti voi, dopo sei anni de colaborazion coi scoverciai me son meso in propio.....si ma no go mola i scoverciai, xe solo una parentesi musical che go voludo provar, se volè sentir el toco de apertura del cd podè andar qua http://rikimalva.4000.it/ in alto a sinistra xe scrito "scarica anteprima" eco....clicar la e dopo ve porta in una bela pagineta dove trove testo e mp3 dela canzon! Parla del dialeto triestin, e penso che molti de voi aprezerà.

Speto i vostri comenti e anca critiche, un baseto....riki malva dei scoverciai !!

[ffdt]

scoltando la canzon che comentavimo cua me pareva cuaxi che a la fine ghe fusi cuele voxete che dopra i scoverciai .... ... save` miga se sto sior Riki Malva el fa parte de cuela banda?

[ffdt]

varda la` ... stavimo scrivendo insieme ;-D ... ben, bon, son contento de gaver ancora cuel poco de zervel che basta per riconoser un stile

[ffdt]

[...]Parla del dialeto triestin, e penso che molti de voi aprezerà.[...]

una de noi la gaveva za trovada e ghe ne gavevimo za parlado ben ... vedi el link de 'l mio post cua de sora

auguri per la tua parentexi de solista ... se te fa concerti o simili vien pur a dirnelo in te la sezion EVENTI

[AdlerTS]

el testo xe giusto per noi

[rikimalva]

[...]Parla del dialeto triestin, e penso che molti de voi aprezerà.[...]

una de noi la gaveva za trovada e ghe ne gavevimo za parlado ben ... vedi el link de 'l mio post cua de sora

auguri per la tua parentexi de solista ... se te fa concerti o simili vien pur a dirnelo in te la sezion EVENTI

El cd xe pronto per giugno, oviamente sara tuto on-line sul mio sito,serate e concerti per el momento no, penso che se faremo qualcosa sara coi scoverciai, quindi uniremo le due cose, ma non a tempi brevi!!

[ffdt]

[...] El cd xe pronto per giugno, oviamente sara tuto on-line sul mio sito [...]

scolteremo volentieri

[AdlerTS]

Doman 17-02 sarà el grupo Vecia Trieste che sonerà in Tergesteo alle 10.30.
Xe un gruppo che va anche 'sai in giro pel mondo (anche Argentina e Australia) a sonar musichete domace per i emigrati (anche se i ga amesso che siccome li va veder altri emigrati non triestini, tra un tram de opcina e una mula de parenzo, all'estero i sona anche "luna rossa" e "oh sole mio")

[rofizal]

Go visto ieri una parte de una trasmision a lori dedicada su Tele4. Bastanza cocoli.

[rikimalva]

intanto ecco un'anteprima.....la canto in italian perchè xe in risposta ad un gruppo demenziale italian (gem boy) ma nel novo cd in arrivo la sarà completamente stravolta sia come testo (parlerò de un immigrado triestin che torna nela sua bela città ma non la riconossi più perchè tutta cambiada) e ovviamente in PURO DIALETO TRIESTIN !!


http://www.youtube.com/watch?v=ZUaKviFHORc