Altre fosche nubi

Cosa volemo per la cità  dei nostri fioi?
Proposte e discusioni su quel che i sta fazendo e quel che volesimo sia fato
Regole del forum
Collegamenti al regolamento del forum in varie lingue ed alle norme sulla privacy in italiano.
Piereto
eximio
eximio
Messaggi: 2935
Iscritto il: ven 24 set 2010, 19:38

Altre fosche nubi

Messaggio da Piereto »

Go leto che i Cinesi costruirà una autostrada che da Belgrado anderà a Budapest. I ga proprio ieri inaugurà a Belgrado el novo ponte sul Danubio costruido dai Cinesi . El capitalismo cinese a diferenza de quel ocidentale gà come punto de partenze el lavor. Se se vol lavorar e conseguentemente sfamarse , bisogna aver el sostegno dei capitali. Xe l'ocidente ,che sicome tanto xe sta za fato in Europa, el se gà sentà, e el vol che el denaro produci solo altro denaro. Alla fine del 2013, infatti, el governo serbo gà sotoscrito con el gruppo cinese Shandong Hi-Speed Group Corporation un contrato per la costruzion de alcuni segmenti dela futura autostrada. El total dei investimenti promessi da aziende cinesi per la realizazion del Corridoio europeo 11, battezzato “Corridoio cinese”, ga za superado el miliardo de euro. El novo “Ponte cinese” sul Danubio fa parte de un asse che collegherà sai meio la Serbia, ma da Belgrado l'autostrada riva za deso fin Salonico. ( la xe vecia e la xe in tanti punti de radopiar). Perchè fosche nubi ? . Za nel 1912 ,quando che ierimo soto la defonta, che xe stadi migliori collegamenti per el porto de Salonico, tanti trafici centro europei gà preferì andar a Salonico che no venir a Trieste. Se guardemo la cartina de europa Suez- Salonico xe sai più curta de Suez -Trieste, e se anche le ferovie vien potenziade dai cinesi, staremo a veder.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: Altre fosche nubi

Messaggio da Piereto »

Ve zonto una foto del novo ponte ( se la gà copyright sgancelela).
Belgrado novo ponte .jpg
Belgrado novo ponte .jpg (17.58 KiB) Visto 2723 volte


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Altre fosche nubi

Messaggio da babatriestina »

el pericolo giallo, diseva el Kaiser, anche se no me ricordo se el se riferiva ai Cinesi o ai Giaponesi. Sti ultimi xe un poco dimenticai.. i Cinesi inveze sta invadendo el mondo. I xe tanti, i lavora come mati e no i ga ancora provado le comodità dela democrazia, libertà. Solo i schei del capitalismo, che però i disi che no xe rivado nele campagne.. i ga 3 mila condanne a morte al anno ( el paese che ghe ne fa de più in tuto el mondo, anche perchè i xe in tanti), a HongKong i stronca le proteste, e ghe riva bori per andar in giro per el mondo inveze de serarse drio dela muraglia cinese i ga deciso de venderghe roba ai diavolis tranieri.
Se i fa un coridoio de Salonicco verso Budapest, intanto spetemo che i fazi strade e ferovie, oltre che el ponte... sarà quel che gavevo visto mi nei Balcani... no iera propio bubane come trasporti.. certo ghe xe i coridoio anche de noi un orizzontal e coridoio 5 e un vertical che no me ricordo el numero che se incrosassi propio de noi. o dio, magari a Opcina e no propio in centro cità.. ma te ga presente? qua co te disi una roba simile te riva i NOTAV che lo scrivi anca per tuti i muri e se ferma là. te voio i notav coi cinesini nei Balcani.. lori no ga riguardi de ecologia et similia..

Suez Salonico xe indubiamente più curto che Suez Trieste, se x e per quel anche Suez Gioia Tauro.. po dipendi de quel che convien per mar e per terra... se una portacontainer scariga a Salonicco, dipendi del tempo che po el tir o la ferovia ghe meti a risalir la penisola balcanica.. oviamente stemo dando per scontado che la Balcania sia deventada del tuto tranquilla.
Come che digo sempre, el porto xe importante, ma xe altretanto importanti i collegamenti del porto col resto. La roba no resta più come fin ametà Ottocneto, nel porto emporio a spetar che rivi la gente a comprar nei magazzini.. e xe là che dovemo insister, che semo in un budel che iera serado fin che no xe rivada Europa e Schengen a rimeterne colegai col resto ..


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Altre fosche nubi

Messaggio da Piereto »

No go ancora dito come che riva i cinesi sul posto. I fa no solo el progeto, ma i riva coi ingegneri, i impiegati, e i operai le ruspe i camion e le materie prime. Cioè se trata de un neocolonialismo del 3° milenio . Po magari dopo che i se ga fato ben voler in un paese, i meti su anche de le società de gestion , sempre con personale cinese . El problema per lori no xe che el capitale rendi, ma che se ghe dia de magnar a un miliardo de cinesi. Le fosche nubi no riguarda solo la società triestina ,ma quela europea. Uno dei risultati de la seconda guera mondiale ( ma mi la ciamasi europea ) xe sta quela de estirpar el spirito coloniale e imprenditoriale europeo, cioè el motor de la crescita otocentesca. Xe rimasti a far el colonialismo i USA , l'URSS ,e ogi la Cina e el Giapon , e i arabi coi lori ingenti capitali. I unici che se da ancora de far in Africa xe i francesi nel ricordo de una certa grandeur. Ma a ben guardar un bel esempio de primo colonialismo xe sta quel dei veci romani. Fate le guere i se ga insedià coi legionari in pension, e i gà costrui strade e ponti e cità. No i gha reto, proprio come noi ogi, a la invasion de popolazioni che no iera po tanto barbare, ma numericamente un poco meno de quele romane. I africani e i arabi ( musulmani) scampa per vinir da noi, perchè noi no semo più andadi de lori, e li gavemo lasadi in man de clan familiari che se fa la guera un co l'altro. Cioè no basta far i turisti. Se chi che scampa vien da la Libia, l'avicinamento italian a Ghedafi se stava concretizando proprio per crear nove condizioni de miglioramento ne la vita libica e a vantagio anche nostro. No solo l'Eni, ma doveimo farghe la rete autostradale e idrica . Tuto andà in fumo, perchè americani e francesi no voleva. Bisognava butar zo le ditature e sostituirle co la "primavera araba". El risultato xe che ga ciapà el sopravento de novo i clan familiari. L'Europa devi tornar a eser presente nel mondo,e no certamente co capitalisti in ordine sparso che pensa solo a le loro rendite,e no ghe frega se i crea disocupadi da noi. Torno a dir che i europei guarda sai ai capitali che rendi, e i stati nazionali per viver i tassa le rendite, e se come de noi se aumenta tanto le tasse, se resta tuti, anche i politici in braghe de tela.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: Altre fosche nubi

Messaggio da Piereto »

In braghe de tela e co la velada a pindolon, e lavorar per arabi e cinesi che compra tuto quel che noi svendemo.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Altre fosche nubi

Messaggio da babatriestina »

te disi che i cinesi però continuerà a esser contenti del loro modo de viver? dele loro condizioni operaie ( che permetti de tignir cussì bassi i loro costi de lavoro?)


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Altre fosche nubi

Messaggio da Ciancele »

Ve la conto come che la go crompada. Ieri ala television i ga dito che i cinciuncian finanzia la costruzion de un novo canal de Panama: el canal de Guatemala. Guatemalteco. I devi eser batui de bori. Gavè sentì anca voi qualcosa?


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Altre fosche nubi

Messaggio da babatriestina »

no me ricordo per chi, ma xe tuto el anno che de Trieste parti tochi per sto novo caal, me par che gavemo messo un per de foto.. imagino che de Panama-bis sia un solo..


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Altre fosche nubi

Messaggio da Piereto »

Me par che le porte de fero che servi per le chiuse e che le parti e le xe partide de Trieste le va a slargar el novo canal de panama che el se affianca a quel precedente. Se trata de un canal più profondo del precedente e che lasa pasar navi longhe più de 300 metri. El canal del Guatemala xe una nova roba tuta ancora de costruir e che i Cinesi xe pronti a finanziar e logicamente a mandar tuta la tribù de tecnici e operai e machinari. Esendo più a nord de Panama alla fine el ghe vinisi a portar via trafico. Ma sicome che i Cinesi credi che i trafici da la Cina e el Giapon verso l'Europa aumenterà ancora, nol ghe farà concorenza, e el Guatemala che xe un dei paesi più poveri del sudamerica, nol pol perdere sta posibilità de svilupo.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: Altre fosche nubi

Messaggio da Piereto »

I Cinesi ga tanti soldi perchè pur esendoghe dei neocapitalisti cinesi e solo una otantina de milioni de cinesi con redito elevato ( a liverllo ceto medio-alto europeo) e un miliardo che vivi con sai pochi schei, el controlo del partito se esercita anche su de lori, oltre che sul impor con la forza de la galera le linee de svilupo nazionali. Po i cinesi gà un mar de miliardi de dolari in portafolio, soldi che ghe vien sia dai comerci coi americani sia per averghe imprestà bori. I USA gà inondà el mondo per più de sesanta ani de miliardi de Dolari, e quando che la moneda e la loro economia scantina i ghe ne stampa altri. Tute robe che l'Italia no pol più far.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Altre fosche nubi

Messaggio da babatriestina »

Piereto ha scritto: I USA gà inondà el mondo per più de sesanta ani de miliardi de Dolari, e quando che la moneda e la loro economia scantina i ghe ne stampa altri. Tute robe che l'Italia no pol più far.
però ogni volta che i stampa più moneda, de quando che i ga svincolado el dolaro del oro, el dolaro se deprezza sempre de più, el dolaro va zo, el euro e le altre monede va su: e quindi convien de fora comprar roba in dolari, che per un euro te bechi più dolari de prima, e alori noghe ocnvegnissi comprar roba in euro. ma i ga za tuto ( o quasi--) e no i ga bisogno de comprar de noi...
el Italia sì, stampava più moneda e se ricordemo benissimo quanto he valeva le nostre lirette co andavimo al estero: solo el dinaro jugo iera pezo messo.. per no parlar de el inflazion, tuto aumentava de prezzo, i botegheri aumentava i prezzi e chi che gaveva reddito fisso.. pezo per lu.. po no irivava gnanca a stampar lire, ierimo ridotti coi assegnini de carta e mancava anche le monedine che i te dava le caramelle per resto o se pagava con gettoni telefonici..se tut bastanza veci per ricordarve, penso.


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Altre fosche nubi

Messaggio da Piereto »

Tuto vero BT, per cui da un lato capiso che faria piazer tornar a la Lira, cusì fusimo forsi ancora competitivi co le esportazioni continuando a svalutar , ma dovesimo comunque comprar le materie prime pagando in dolari o in euro, ma per i lavoratori a redito fisso la saria sai più nera de ogi. Eco per cui mi no vedo de bon ocio el ritorno alla lira. L' euro no te svaluta i tuoi risparmi, xe solo el fisco che te li mania. El problema no xe la Germania o l'euro, xe i governi che gavemo.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: Altre fosche nubi

Messaggio da Piereto »

Le fosche nubi continuerà a eserghe perchè ghe xe solo la moneta quasi unica ( xe fora parechie altre monede che fa parte de la UE che però le cambia a tasso fisso ) per cui sembra fin adeso una specie de agevolazion fata solo per le banche, e no se pol parlar de unione se no ghe xe omogeinità in altri campi de la vita comunitaria. Mi credo che alcune caratteristiche devi eser uguali per tuti i Stati. Quindi la crisi economica de la perdita dei posti de lavoro continuerà a esister perchè esisti ancora sistemi fiscali e organizzazion del lavoro diversi tra singoli Stati. Esisti cioè una concorrenza fra Sati interni che no xe più tollerabile in quanto la va contro gli interessi dei cittadini, ma la fa i interessi dei soliti imprenditori. 200 milioni de europei contro 1 milion de imprenditori e capitalisti. L'Italia po se distingui con ancora più divisioni interne da quando che esisti una diversa tassazion imposta dei singoli comuni. Altro che stati nazionali, semo tornai al pieno medioevo quando co le gabelle imposte dal singolo signoroto e scambi comerciali fermi . Cusì dove vado a verzer la mia atività ? Dove evidentemente pago meno tase, e dove xe meno delinquenza. Me convien andar in Croazia, o in Bulgaria opur in Lituania o fora de la UE in Albania o in Moldavia ? E dove vado a abitar ? Meio Tarvisio o Sgonico piutosto che Trieste ?


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Altre fosche nubi

Messaggio da babatriestina »

Esatto, e secondo mi saria meio che, se volemo migliorar, no podemo che armonizzar anche la tassazion a livello europeo.
Non son dacordo che la moneta unica sia comoda slo che ale banche. Anche a noi, se andemo fora d e l'Italia restando in area euro. Basta solo andar a Capodistria o a Vienna.. inveze che impignirse el portamonede de valute estere e far ingrassar i cambiavalute


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Altre fosche nubi

Messaggio da Piereto »

Te dirò de più ; prima vien tasse e aliquote uguali e sistema de esazion che devi eser uguale per tuti i Stati dell'union. Po devi vinir la Sanità che devi aver i stesi costi in tuta la UE. Po vien la giustizia che devi aver regole procedure e pene uguali in tuti i Stati per no dover ancora leger sui muri che la legge è uguale per tutti. Niente più differenze tra Stati e norme interpretative diverse. Quarto la UE devi dotarse de un esercito comune. El resto devi eser lasà star, in quanto fa parte de la cultura dei singoli popoli europei come la lingua. Devi eserghe le differenze anche per no andar contro la storia. Solo dopo se rivasi, mi credo, a risolver el caos attuale. El lavor che manca una volta sistemade le tasse, no dipendesi più da la dislocazion de le aziende, cioè restasi el problema de chi che va a verzer fora dela UE. Ma se se torna a ragionar in termini autarchici, cioè europei, se ghe ne vien fora. Esisti el mercato interno che val 250 milioni de anime. Perchè dovemo compar eletronica cinese o giaponese , le conoscenze informatiche, i telefilm la musica made in USA? Podemo far de soli come se ga fato in pasato, perchè zervel e materie prime le gavemo ancora.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: Altre fosche nubi

Messaggio da Piereto »

No so se za savè, ma i sta fazendo un accordo per far un mercato unico tra USA e i 28 stati della UE. Xe una comission che noi no gavemo votado, e de cui no se conosi i partecipanti italiani , solo perchè i nostri media noi te conta, i quali dovesi eser esperti de commercio, e probabilmente inveze xe solo dei quadri - burocrati e no imprenditori che i fa un acordo quasi segreto, e che po el parlamento de Bruxelles xe ciamado a approvar. Cioè o si o no. Nissuna discussion. Quindi comission e trattative sconosciute. Cosa cedi la UE e in cambio cosa la otien ?, cosa cedi i USA e in cambio i otien ?. Una roba xe certa che l'acordo se fa perchè metendo insieme USA e UE se fa un mercato de 800 milioni de persone e tute in media dotade de bori per far la spesa. Cioè xe le multinazionali americane che premi più de tute perchè le gà dificolta a vender i sui prodoti. El primato del dollaro, e dei USA che fa de gendarme mondial, da come che se ga delineado coi accordi de Breton woods su l'economia mondiale nel 1942, e che tien fino a ogi , el xe meso in discussion dallo steso dollaro. Xe miliardi de dollari che no xe in man americana , dolari che ga in man cinesi e arabi coi quali i compra quel che l'occidente vendi, ma anche i te fa credito con chi sa po' che interessi. L' alta borghesia mondiale xe poca roba,xe forsi 300 milioni de acquirenti contro tre miliardi che vivi con poche centinaia de dolari all'anno. La borghesia europea fa sai gola e le multinazionali vol abbater i protezionismi. El pericolo xe che la UE ga dei standard de produzion sicurezza e qualità più alti de quei dei USA. Esisti nel mondo prodotti italiani fati in italia e prodotti dal nome italian fatti in UE che no rivemo a meter fora lege e che ne fa concorenza. Esisti una caterva de prodotti a nome italian prodotti anche nei USA e che se pasa sto acordo economico i ne eliminerà ancora de piu dal mercato. Se trata de colossi dell'almentazion USA tignudi ogi a bada dal protezionismo e che domani ne invaderà. No ve digo de OGM, de sostanze farmaceutiche profuse a manade nei alimenti de oltreatlantico e che da noi xe vietade forsi ancora per poco, se sta comision cala le braghe. Za la UE no vol che su le etichete appari el paese de origine, roba che dovesi eser sacrosanta, e una de le tante robe su le quali i nostri governanti dovesi far fogo e fiamme. E inveze signorsi, nisun che minaci de andar via da la UE. Xe i soliti politici nostrani che no sa come che vien prodote le robe e che xe boni solo a far ciacole. E Trieste come xe mesa, visto che parlemo in sto forum? Se aumenta i scambi coi americani i porti sull'atlantico sarà favoridi e da noi Genova. Saria stada tuta una altra storia far acordi inveze coi Russi che i sta in europa e i gà sai de più materie prime che non i USA. Un economia quela russa che dovesi eser aiutada da tutte le conoscenze tecnologiche industriali della UE, e tra l'altro storicamnete la Russia xe vista come fumo in tei oci da parte dell' Islam. E inveze i USA vol isolar la Russia perchè ghe fa gola la UE, e i nostri media te parla solo de Crimea e de Ucraina. Se la UE se svilupasi ad est el nostro porto traria dei vantaggi.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: Altre fosche nubi

Messaggio da Piereto »

Ogi ve digo quel che me par de aver capì su nove fosche nubi nostrane. Nella legge de stabilità dello Stato xe sta introdotto la possibilità de costituir l'area metropolitana de Trieste. Za prima la Regione se iera schierada contro. Ieri la ga deliberà de eser contraria (Seracchiani in testa), perchè xe sai pericoloso per l'unità della regione che possi esister una area che godi de qualche autonomia gestionale evidentemente ai danni de altre parti del Friul. . Xe contro anche i triestini nazionalisti italofoni perchè noi vol che i atti de sta zona metropolitana i veni scriti anche in sloven, e xe contrari anche i nazionalisti sloveni perchè noi vol eser gestidi nei comuni che adeso i governa , da un presidente de l'area metropolitana talian che comandasi su de lori. Due osservazioni me vien spontanee. I triestini più o meno patochi cosa disi , cioè xe oportuno un referendum ? El gavesi un valor simbolico o forsi no, ma che comunque el serviria a tastar el polso. Mi go sempre pensà in disaccordo con quel che i ne conta i media, che in realtà no xe mai esistida a Trieste la tolleranza mitteleuropea, crogiuolo de razze diverse. Mi credo inveze che ognidun xe restà fedele alle sue origini, doprando una lingua de convenienza come el triestin, e fin che le robe xe andade ben tuto marciava. Quando che la conduzion centralista asburgica xe diventada particolarmente forte, i nazionalismi xe vignudi fora, e ogi ancora de più dove che tute le parti de l'Italia xe in corsa per accaparrarse le magre risorse nazionali.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Altre fosche nubi

Messaggio da babatriestina »

Legio anche mi de sta città metropolitana e no so cossa pensar. O meio, dovessi legerme tuta la normativa per capir cossa che pol servir e a chi. Come che scherza i Ebrei: ma xe bon per i Ebrei?
perchè parole xe parole de impignirse la bocca, ghe vol eveder le possibilità e anche la capacità de realizzar. perchè magari geh xe possibilità, ma se nissun le meti in pratica per i soliti cossa xe ste novità? no se ga mai fato cussi..ma cossa far fadiga de cambiar.. xe solo che rogne... gavè presente le reazioni al e novità? o i sospetti: xe per aiutar i sloveni/furlani/profughi/comunisti/fascisti/leghisti/indipendentisti/nazionalisti.. insoma perchè magari poderia favorir quel che a qualchedun ghe sta sui corni..

anche a mi sto crogiolo storico me dà dubi, o meio la mia impression xe che i triestini "patochi" quei che iera za, no ghe ne voleva saver dele novità, ma rivava quei de fora, i comercianti novi dela cità teresiana per dir, e quei iera oviamente averti ale novità e al dialogo fra i vari gruppi. Nel setecento. Prima metà del otocento tuti boni a far comerci, bori e politicamente cuzi, che no tirava aria de protestar e seconda metà otocento risveglio dele componenti etnico/storiche e ognidun per le sue e el governo no xe rivado a contentarli tuti... e adesso i xe ancora in tanti che me par che i sta combatendo ancora le guere locali del 1945...


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Altre fosche nubi

Messaggio da Piereto »

Sta area metropolitana la me par in linea con la storia triestina, nel senso che Trieste xe stada per secoli autonoma, solo co la Regione FVG la gavesi podesto aspirar de novo ad una autonomia, ma essendo una struttura democratica, i furlani ga la maggioranza e quindi questa autonomia xe inesistente. Prova ne sia che la Seracchiani PD boccia l'area metropolitana e anche la raccolta de firme. El senatore Russo PD triestin el vol sta area. E Rosato PD triestin , che no sa cosa far e con chi star, no firma. Situazione comica e allucinante , ma istruttiva. I comuni dell'ex provincia triestina (sloveni) i vol far un novo comun carsico metendose , no tuti insieme perche Duin aurisina stasi co Sgonik e con Repen, e Dolina saria fora. Questo per no eser prevaricadi da Trieste italofona. La classica riforma renziana per cui le provincie sparisi su la carta, ma po le Regioni vara le UTI (unioni territoriali intercomunali cioè che saria come altre nove provincie, perchè da le vecie 4 de la nostra Regione,se passeria a 6) Xe anche la destra triestina che no vol l'area perchè se dovesi inserir el bilinguismo. Sto bilinguismo xe sta anche una de le ragioni per cui el TLT no se ga fato. E andando a scavar ancora più in profondita el bilinguismo xe sta una delle cause dellìirredentismo triestin. Xe pasadi 100 ani e semo sempre là.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Altre fosche nubi

Messaggio da babatriestina »

mi vedo che xe chi a favor e chi contro e baruffe interne anche al PD. Per no parlar dei partiti del oposizion
Per mi pol esser qualsiasi contenidor, ma po bisogna veder come che el funziona. El idea sria de stacarse in parte de Udine e magari de inveze inglobar Monfalcon ( con vantaggi e svantaggi..); molti triestini Monfalcon me par che i lo consideri za quasi estero..
Per el bilinguismo, mi gavessi capido che i comuni del altipian no vol sta cità metropolitana propio perchè no saria bilinguismo


"mi credo che i scrivi sta roba per insempiar la gente" ( La Cittadella)

Torna a “Trieste, el futuro”