Go fato un audio-book de poesie triestine

[El poeta]

Ciao a tute e tuti,
volevo informarve che a giorni vien fora la mia prima racolta de poesie triestine in un audio-book (30 poesie recitade) con musiche originali. Gò avudo el patrocinio del comun e dela provincia de Trieste e del'asociazion culturale Panta Rhei de Trieste. Farò la presentazion in Sala Bartoli al Rossetti, giovedì 20 aprile '06, ale sei de pomerigio (18.00). L'ingresso xe a invito e anche libero. Chi fossi interessà me farìa piazer che vegni. El titolo del'audio-book xe "Trieste: zità de veci? ...No! de zente vissuda!" jero stufo de sentir che co se parla de Trieste se pensa solo che xe una cità de veci e cussì me son messo a scriver... i argomenti xe vari, e va dal'anzianità, ala solitudine, ai problemi sociali ma verti anche sula cità e su temi che xe validi anca per chi no xe triestin... la vita, la libertà ecc. Me piaserìa che più gente possibile fussi sensibilizada su 'sti argomenti perché nela vita no va ben la conpassion bensì la conprension! Ciao a Tuti e Tute!
Emmanuele, el poeta

[giuli]

Complimenti per l'idea e..in bocca al lupo!

[El poeta]

Complimenti per l'idea e..in bocca al lupo!

GRAZIE! e crepi il lupo!
Ciaooo!

[granzo]

Auguri per el tuo libro audio

[El poeta]

Auguri per el tuo libro audio

Grazie Granzo! poro?
Sarìa ora che anca i triestini se daghi una man e no solo i altri...

[Nona Picia]

Auguri pel tuo libro, poeta.
Da una nona che no senti ancora "VECIA".
Ciao ciao

[sum culex]

Auguri pel tuo libro, poeta.
Da una nona che no senti ancora "VECIA".
Ciao ciao

No la se senti: MA LA XE'
ciao
sum culex

[Nona Picia]

Auguri pel tuo libro, poeta.
Da una nona che no senti ancora "VECIA".
Ciao ciao

No la se senti: MA LA XE'
ciao
sum culex

Ghe xe un deto de fioi: "Chi che disi xè, 100 volte più di me"
Questo per far una ridada in allegria!
Ciao ciao e ancora auguri, poeta!

[El poeta]

Auguri pel tuo libro, poeta.
Da una nona che no senti ancora "VECIA".
Ciao ciao

No la se senti: MA LA XE'
ciao
sum culex

Ghe xe un deto de fioi: "Chi che disi xè, 100 volte più di me"
Questo per far una ridada in allegria!
Ciao ciao e ancora auguri, poeta!

Grazie de cuor!
dighe... Chi che no gà 'ncora provà (a esser "vissudo") no pol ciacolar e co poderà, no dirà più senpiade!
Ciao e grazie!

[El poeta]

Ciao mule e muli... de ogi e de tempo fa...

El debuto in Sala Bartoli xe sta un sucesso! Ga parlà anche RaiTre regionale! Jera praticamente tuto esaurì e cussì quel xe solo l'inizio, dopo zovedì 20 aprile son stado anca ala Sala PAnta Rhei, lunedì 25, el prossimo apuntamento per chi vol vignir a veder el spetacolo "Trieste: zità de veci? ...No! de zente vissuda!" sarà ala Libreria Minerva de via San Nicolò, 20, zovedì prossimo, alle sei de dopopranzo! Me racomando, vardè che merita!!!
Ciao a Tute e Tuti!!!
A presto!
El poeta!
Emmanuele

[Nona Picia]

Me par che el messaggio xe rivà un tantin in ritardo, o xe sbagliade le date?
Comunque sia, ancora auguri, poeta Emmanuele!
Ciao ciao

[El poeta]

Me par che el messaggio xe rivà un tantin in ritardo, o xe sbagliade le date?
Comunque sia, ancora auguri, poeta Emmanuele!
Ciao ciao

Ciao Nona Picia!
El messagio jera rivà in tempo, parlavo del zovedì dopo, ossia el 5 magio... ala Minerva, dopo son 'ndà anca ala Pro Senectute, Sala Rovis de via Ginnastica, 47, el giorno 13 magio, sabato, alle quatro e meza, xe stà bel anca là, jera una zinquantina de persone e ghe gà piasso 'ssai! 'Desso stago pensando al prossimo apuntamento, ma no so 'ncora de preciso dove e quando, intanto nei prossimi giorni sarò invitado de novo a Tele4 per una trasmission dele 13, penso un mercoledì, ma no so 'ncora qual... L'audiobook par che stia 'ndando ben, e el xe zà in vendita nele librerie Fenice, Minerva e Saba, e in trenta edicole, via Battisti prima del'Oviesse, po' angolo via Rismondo, Via
Giulia, Rotonda del boscheto, piazal Gioberti, Piaza Republica, piaza Goldoni, via Santa Caterina, Via Valdirivo, Via dell'Istria, Via Flavia, San Sergio, San Giacomo, piaza Tra i Rivi a Roian, in stazion Centrale dentro dove che xe i binari e xe anca la locandina ben in mostra, insoma in vari posti ma devo 'ncora distribuirghene in altri... Spero che prima o dopo te vegni a vederme e sentirme, xe un spetacolo vero e proprio (fra l'altro el xe gratuito!), no xe una presentazion drìo la scrivania... xe musica, videofilmati e mi che recito le poesie, finora ghe gà piasso a tutti-e quei che xe vignui... a giorni doveria anca aver una vetrina in Corso Italia, sarò più preciso co gaverò dati certi!
Comunque ancora grazie per gli AUGURI! E se te pol... passaparola... ciaooooo!!!
Emmanuele
El poeta

[Nona Picia]

Mio marì (sum culex) lo ga visto un giorno in una edicola, ma nol saveva che me interssava, e dopo no lo gavemo trovà più, anche perchè no savemo el titolo. Cmq andarò nei posti che te ga nominà ti e forsi lo troveremo.
Ancora tanti auguri, Emanuele,speremo che te vadi sempre meio.
Caio ciao

[El poeta]

Mio marì (sum culex) lo ga visto un giorno in una edicola, ma nol saveva che me interssava, e dopo no lo gavemo trovà più, anche perchè no savemo el titolo. Cmq andarò nei posti che te ga nominà ti e forsi lo troveremo.
Ancora tanti auguri, Emanuele,speremo che te vadi sempre meio.
Caio ciao

GRAZIE!
el titolo xe "Trieste: zità de veci? ...No! de zente vissuda!"

Co te lo trovi e te lo scolti fame saver el tuo-vostro comento, ghe tegno! OK?
Grazie e ciao a presto!!!
Emmanuele

[Nona Picia]

Co te lo trovi e te lo scolti fame saver el tuo-vostro comento, ghe tegno! OK?
Grazie e ciao a presto!!!
Emmanuele

Sarà fatto!
Ciao ciao

[Nona Picia]

Caro Poeta,
ieri mio marì me ga fato un bel regalo: l'audio-book del poeta Emanuele!
Stamatina go scoltà una prima volta e devo dir che me ga piasso molto. Xe del genere de poesie triestine semplici e chiare che me piasi a mi. Perchè no te posti almeno una qua nel forum? Credo che te troveria tante risposte de gente contenta.
Ciao ciao e ancora complimenti.

[El poeta]

Caro Poeta,
ieri mio marì me ga fato un bel regalo: l'audio-book del poeta Emanuele!
Stamatina go scoltà una prima volta e devo dir che me ga piasso molto. Xe del genere de poesie triestine semplici e chiare che me piasi a mi. Perchè no te posti almeno una qua nel forum? Credo che te troveria tante risposte de gente contenta.
Ciao ciao e ancora complimenti.

Ciao Nona Picia,
GRAZIE per aver ciolto l'audiobook e GRAZIE per el comento e el consiglio!
Ti quala te meteria nel forum?

Ah, fra l'altro, gò afitado una vetrina in Corso Italia per tre mesi, fra Arbiter e Calzedonia, al'alteza de via Imbriani, stago preparandola, sarà pronta in setimana spero, sarà messo un tv col dvd dei quattro recital fati e dei servizi tv de tele4 e raitre, e anche tute le 30 poesie in scorevole... e po' una sorpresa, penso che no la passerà inosservada...

Dime alora secondo ti quala che te metesi nel forum, ok? GRAZIE ancora, ciaoooo,

el poeta
Emmanuele

[Nona Picia]

Caro Poeta,
te me chiedi una cosa difficile, perchè xe più de una poesia che me piasi.
Mi te digo un per de titoli e ti scegli una.
Picia mia
A mio Papà
Al Burlo
Le bancarele de Nadal
A mio fio
Ciao ciao

[El poeta]

Caro Poeta,
te me chiedi una cosa difficile, perchè xe più de una poesia che me piasi.
Mi te digo un per de titoli e ti scegli una.
Picia mia
A mio Papà
Al Burlo
Le bancarele de Nadal
A mio fio
Ciao ciao

Ciao Nona Picia,
allora, a gentil richiesta intanto meto "Bancarele a Nadal" ok^
Grazie ancora!

poesia:

19. Le bancarele a Nadal

Varda le bancarele,
quante luzi, quanti colori,
come sufia la bora,
poveri lori,
drìo a sti bancheti,
a spetar la zente,
che se riprometi
de comprar tanti doni
de far pei altri,
come paremo tuti boni,
co ‘riva el nadal
e se mascheremo de bontà,
come de maschere
pel carneval…
Dimentichemo spesso
de chi che sarìa la festa,
ma tanto cossa inporta?
con tuto quel
che se gà per la testa….
No inporta
de chi che xe el compleano,
dai che presto xe un novo ano!
I propositi xe quasi senpre i stessi
saremo più bravi,
saremo più boni,
se solo se se vedessi…
tuto un corer, tuto un spender,
pien de man da tender,
per farse tanti auguri,
che finissi i tempi scuri
e intanto, nel scuro,
qualchidun xe de sicuro,
quei che no gà soldi,
che no gà dove ‘ndar,
che no gà con chi festegiar
e, magari, se ricorda mejo
e forsi anca de più
coss’che vol dir pregar…

Ciaooo
El poeta
Emmanuele

P.S. La VETRINA de Corso Italia, 29 xe pronta in funzion!!! A presto!

[Nona Picia]

Grazie!
Ciao ciao