Nino Spagnoli

[AdlerTS]

Oggi il TG3 ga dado notizia del trapasso de Nino Spagnoli, noto scultor triestin, recentemente tornado alla cronaca per le statue de Saba e Svevo.

Riposi in pace.

Sito ufficiale:

http://www.artecultura.it/spagnoli/

[babatriestina]

Per ricordarlo, ve meto la foto dela sua ultima statua, la Mula de Trieste, o la Bagnante , come che preferì, cussì provo anche l'altro metodo de postar

[babatriestina]

Ancora un per de foto dele statue de Spagnoli:
( per le foto pice, clichè le ve se verzi in grande)
el suo laboratorio, soto de San Giusto

La statua dela putela col cigno, laghetto del Giardin publico

La statua dei putti in Piazzale Rosmini

El Pinocchio ( Pinuci) de Villa Revoltella

Saba ancora con la pipa

Svevo in Piazza Hortis
e me fermo qua, in un'altra occasion ve meterò i sui busti in Giardin Pubblico, magari approfittando de l'occasion per parlar de ognidun dei personaggi ritratti

[babatriestina]

Me go dimenticado Joyce!!

[Tirabaralla]

Personalmente go molto aprezà le statue "che pasegia per cità"...

R.I.P.

[babatriestina]

Me gavevo dimenticado una: el bassorilievo coi putti del giardin de via San Michele!
i putti che zoga me par che se colleghi ai tanti bassorilievi neoclassici che se vedi sulle case del borgo teresiano e giuseppino ( nonchè nella gloriette Sartorio)

[giuli]

Gran belle opere le sue...
a me piace tantissimo il Pinocchio di Villa Revoltella...magnifico!

[AdlerTS]

Per chi ghe xe sfugido: mostra de statue e disegni de Spagnoli a Palazzo Gopcevic, ingresso gratuito

[AdlerTS]

el suo laboratorio, soto de San Giusto

Go sentido che questo marmo qua de sora, "il risveglio" jera el suo preferido, quel che lui riteneva vignudo meio.

[babatriestina]

Go sentido che questo marmo qua de sora, "il risveglio" jera el suo preferido, quel che lui riteneva vignudo meio.

el xe finido al Museo Sartorio, al ingresso

[babatriestina]

Notizia de sti giorni: come se no bastassi la pipa, i ga rubado anche el baston de Saba!
che bruta gente che gavemo in sta cità..

[Nona Picia]

Xe tropi cretini in giro......E Saba xe el più colpido....

[sum culex]

Par, secondo un telegiornale, che el baston i vigili urbani (tubi o urbi) i lo gabi trovà no 'ssai lontan dela statua.
ciao
sum culex

[Nona Picia]

Secondo el Piccolo, el baston lo ga roto zogando un muleto sui 5 anni, soto i oci de una mama indiferente. Dopo un signor lo ga ingrumà, ga avisà due vigili e lo ga portà al caffè Eppinger.
Ma quela mama indiferente, anche se no ghe interesava che suo fio stava danegiando un monumento, no la ga pensà che el podeva farse mal?

[babatriestina]

però, robusti sti fioluzi! spero che la mama bechi una grossa multa!

[Nona Picia]

però, robusti sti fioluzi! spero che la mama bechi una grossa multa!

Sempre se i la trova...no la ga lassà per niente per tera el baston senza curarse de portarlo almeno in uno dei tanti negozi che xe là....