Cese moderne: San Luigi Gonzaga

Regole del forum
Collegamenti al regolamento del forum in varie lingue ed alle norme sulla privacy. in italiano.
Rispondi
Avatar utente
sum culex
Cavalier del Forum
Cavalier del Forum
Messaggi: 5945
Iscritto il: venerdì 20 gennaio 2006, 15:45
Località: Trieste - Rozzol

Cese moderne: San Luigi Gonzaga

Messaggio da sum culex » venerdì 31 marzo 2006, 16:41

La cesa de San Luigi Gonzaga xè in via Mauroner (angolo via di Chiadino) nel rion de San Luigi.
Xè una cesa a tre navate in stile pretamente moderno, tuta in cemento.
La luce entra (come che se poderà veder dale foto) dale intercapedini, serade da vetri colorati, che xè tra una sezion e l'altra dela costruzion.
La gavessi dovudo esser costruida in un piazzal svodo che iera in via Biasoletto. I ga comincià a costruir po' per i soldi, o altro (?) i se ga fermà al primo solaio e là xè rimasto (vedi la foto che xè stada messa da Adler in Chiese a Trieste el 09.01.06) Diversi ani dolpo i ga costruì quela che adesso xè consacrada e che ve mostro.
El campanil riporta el medesimo stile e forma dela cesa.

Quasto xè l'esterno (de lontan se la vedi anche de marina)


Immagine

Immagine

Eco l'interno: la navata centrale

Immagine

Immagine

Immagine

Le vetrade luminose tra una sezion e l'altra dei archi dela navata centrale

Immagine

Queste xè le vetrade de una navada lateral

Immagine

Anche i affreschi xè una roba particolare: i xè, o almeno i sembra, piturai diretamente sul cemento! Questo xè quel absidale dela navada de sinistra

Immagine

Questo xè el sofito (el colmo dei archi) dela navada central cole penelade de luce colorada dai vetri che xè tra un arco e l'altro.

Immagine

I pilastri e i archi che dividi le navade laterali da quela centrale e un particolare.

Immagine

Immagine

Immagine

Me par bastanza ilustrativo dela strutura de sta cesa. Xè una strutura parecchio particolar in tuto el suo insieme. Me par, cussì de ricordarme, ma no son del tuto sucuro, che la ricorda vagamente, in qualche particolare, la cesa de Grignan.

Ciao
sum culex



Avatar utente
babatriestina
Capo postin
Capo postin
Messaggi: 36968
Iscritto il: domenica 25 dicembre 2005, 19:29
Località: Trieste, Borgo Teresiano

Messaggio da babatriestina » venerdì 31 marzo 2006, 16:54

Ma.. te disi che i ga fato aposta a metter piera nel parte bassa e po a lassar el cemento cussì grigio? vien de dir che i xe restai senza i bori del rivestimento... :wink: :-D
comunque original la soluzion dela luce, anche se par quasi insegne al neon, almeno dele foto!.
De fora mi la go sempre ciamada el alvear..
chi iera l'architetto?

adesso te posterò Grignan, che efetivamente semo là.. gavevo messo una vetrada de Grignan nela sezion vetrate, cussì sta cegnindo fora che a trieste le vetrate xe pratciamente solo moderna, al massimo sarà de qualche parte qualche vetrada liberty.



Avatar utente
Tirabaralla
citadin
citadin
Messaggi: 950
Iscritto il: lunedì 2 gennaio 2006, 16:49
Località: Firenze
Contatta:

Messaggio da Tirabaralla » sabato 1 aprile 2006, 5:07

De fora la par una torta strana...la xè, onestamente, oribile.
De dentro no la me par mal, inveze...soratuto i colori.


[color=crimson][b][i]...it's not easy to be me...[/b][/i][/color]

[url]http://tirabaralla.splinder.com[/url]
[url]http://polaris7.splinder.com[/url]
[url]http://www.fotolog.com/tirabaralla_0/[/url]

Avatar utente
Nona Picia
Capo postin
Capo postin
Messaggi: 10928
Iscritto il: venerdì 20 gennaio 2006, 15:08
Località: Trieste - Rozzol

Messaggio da Nona Picia » sabato 1 aprile 2006, 8:35

babatriestina ha scritto:Ma.. te disi che i ga fato aposta a metter piera nel parte bassa e po a lassar el cemento cussì grigio? vien de dir che i xe restai senza i bori del rivestimento... :wink: :-D
comunque original la soluzion dela luce, anche se par quasi insegne al neon, almeno dele foto!.
De fora mi la go sempre ciamada el alvear..
chi iera l'architetto?

adesso te posterò Grignan, che efetivamente semo là.. gavevo messo una vetrada de Grignan nela sezion vetrate, cussì sta cegnindo fora che a trieste le vetrate xe pratciamente solo moderna, al massimo sarà de qualche parte qualche vetrada liberty.
In verità certi miei conoscenti che vivi de quele parti i me ga dito che xe una cesa povera, fin a poco tempo fa noi gaveva gnanche el riscaldamento. Chi che xe l'architeto no savemo, ma forsi un de sti giorni torneremo là e guarderemo se xe qualche libreto con notizie. Quando sum xe andà su nol ghe ga pensà!
Ciao ciao



refolo

Luigi Gonzaga

Messaggio da refolo » sabato 1 aprile 2006, 9:06

Mi personalmente go' passa' bona parte della mia vita in Via Mauroner
La sorella piu' vecia de papa' stava al numero 11.
Purtroppo non go' a possibilita' de metterve la ciesetta che iera durante la guerra.....un abordo!!!!!!!!!!!!! tipica campagnola!
Questa anche se la mostra, come che disi Tirabaralla un alveare, la xe simile alla nostra Opera House in Sydney, considerando che tutto xe moderno, e ghe piasi a chi che fa', non guarda mal e anche l'interno ga' come un pocheto de futurismo.
Non va' ben per la nostra citta'? se capissi oltretutto, mi', voi, e quei che la pensa come noi, volessimo che la resti all'antica.....ma la generazion moderna la vedi diversamente.
Refolo.



Avatar utente
babatriestina
Capo postin
Capo postin
Messaggi: 36968
Iscritto il: domenica 25 dicembre 2005, 19:29
Località: Trieste, Borgo Teresiano

Re: Luigi Gonzaga

Messaggio da babatriestina » sabato 1 aprile 2006, 9:48

refolo ha scritto: Non va' ben per la nostra citta'? se capissi oltretutto, mi', voi, e quei che la pensa come noi, volessimo che la resti all'antica.....ma la generazion moderna la vedi diversamente.
Refolo.
mah, fin che no i fa in centro, nei novi quartieri pol anca andar ben far esperimenti novi, no se pol sempre costruir copiando i stili de una volta. la prima volta se disi che xe un pugno ne l'ocio, perchè no se xe abituai, in fondo anca la Tour Eiffel a Parigi in principio i ga dito che oròr!



Avatar utente
AdlerTS
Cavalier del Forum
Cavalier del Forum
Messaggi: 9561
Iscritto il: martedì 27 dicembre 2005, 21:35
Località: mail: adlerts[at]email.it

Messaggio da AdlerTS » sabato 1 aprile 2006, 22:54

Son bastanza afezionado a sta cesa, perché go fato qua catechismo de picio e me son comunicado nel 81.
Poi Don Vittorio, el parroco, el me insegnava religion alle elementari...
:-D :-D :-D



ffdt
no montar in scagno
no montar in scagno
Messaggi: 3630
Iscritto il: domenica 25 dicembre 2005, 0:15
Località: Trieste
Contatta:

Messaggio da ffdt » sabato 1 aprile 2006, 23:25

AdlerTS ha scritto:[...]Poi Don Vittorio, el parroco[...]
Lo conosevo anche mi e iero anche la` a far catechixmo, per un periodo ... ma la cexa no la me piaxeva sai cuela volta e la me lasa perpleso anche adeso ;-D ... pur con tuti i ricordi ;-D

Ciau ciau

Franco



Avatar utente
Coce
citadin
citadin
Messaggi: 689
Iscritto il: domenica 5 febbraio 2006, 11:24
Località: Australia

Architettura

Messaggio da Coce » domenica 2 aprile 2006, 7:52

Quasi tuti noi ne piasi tute le robe familari, le ne da' un certo senso de sicureza, lo stesso equival per l'architettura. Mi me go abitua' e in un certo senso go aceta' robe strane. In riguardo a le ciese noi in Italia gavemo tradizioni che dura da secoli e tendemo a eser conservativi de come che dovaria eser una cesa, e cosa che la rapresenta. Nel mondo
Anglosassone i vedi le robe con punti de vista diferenti, za da diversi ani i
disegna in architettura con concetti diferenti. Per esempio le sue cese le ga' nel'interno un decoro austero che secondo lori el xe piu' in linea con la vita semplice de Cristo, no i meti Santi, Madone e tante volte gnanche Gesu', una crose e basta. Go oserva' che anche i Cattolici de quando Papa Roncalli ga' lancia' el movimento econumicale in un certo modo i segui, no completamente,un certo trend.
A mi la cesa de San Luigi me piasi, l'esterno ga' linee originali, e nel interno el giogo dei colori rendi l'ambiente acogliente, e credo che l'Architetto dimostra una capacita' artistica originale.

La CASA DELL'OPERA de Sydney xe un bellissimo disegno su un bellissmo sito, pero' no xe un edificio usado e gnanche adato per el conceto originale che iera l'Opera Lirica. Durante la sua costruzion verso la fine dei ani '50 e el principio dei '60, xe stade tante dispute in riguardo al progeto che xe risulta' con el licenziamento del disegnador e Architetto
de quel Capolavro. Mi abitavo a Sydney in quei ani. Ve saludo Coce :-) :-)


La vita
Piu' che la pendi
Piu' la rendi

refolo

architettura

Messaggio da refolo » domenica 2 aprile 2006, 12:43

Hei! Coce
te devi ametter, dopo che te ga' nomina' Sydney Opera House ( che tra l'altro la xe stada iscritta, come una delle moderne meraviglie del mondo; sta ciesa de Luigi Gonzaga, non va' lontan.
Le navade con sti mastrodontici disegni de farfalle o libellule ( matter of speach) guarda alquanto moderno per i nostri oci. Se capissi che le cattedrali che ghe xe anche qua' come San Patrick ecc. xe un icone
meraviglioso, ma la diventa troppo monotona, e i architetti moderni, vol divarar da quel che xe ciama' VECIO!.........viva l'architettura moderna che non sa' ne' de timo ne de tamo!...ma come dito in precedenza, a qualched'un piasera' come la torre Eifel dopo esser stada criticada.
Refolo



Avatar utente
AdlerTS
Cavalier del Forum
Cavalier del Forum
Messaggi: 9561
Iscritto il: martedì 27 dicembre 2005, 21:35
Località: mail: adlerts[at]email.it

Messaggio da AdlerTS » lunedì 3 aprile 2006, 23:10

Forse non tutti sanno che..... :-D

Prima della Prima guera la cesa dedicada a S. Luigi Gonzaga iera tuto un'altra: la se trovava sui cosi detti fondi Wildi, in via Media, e la xe stada demolida nel 1913 per far posto alle caserme de via Rossetti.
Iera una cesetta picia, tipo de campagna, come che ogi se pol trovar per le alte.



Avatar utente
AdlerTS
Cavalier del Forum
Cavalier del Forum
Messaggi: 9561
Iscritto il: martedì 27 dicembre 2005, 21:35
Località: mail: adlerts[at]email.it

Messaggio da AdlerTS » martedì 8 agosto 2006, 22:11

babatriestina ha scritto: chi iera l'architetto?
Trovato !!! Dino Tamburini, inaugurada el 25.04.1960.

La prima piera xe stada messa là niente meno che da Monsignor Santin, el 19.03.1957.



granzo

Messaggio da granzo » martedì 8 agosto 2006, 23:23

A mi 'ste cexe moderne me meti inquietudine :shock: ... No so, le me par proprio brute e deprimenti :(



Avatar utente
Nona Picia
Capo postin
Capo postin
Messaggi: 10928
Iscritto il: venerdì 20 gennaio 2006, 15:08
Località: Trieste - Rozzol

Messaggio da Nona Picia » mercoledì 9 agosto 2006, 7:40

A mi me piasi de più la cese in stile de una volta. Generalmente le cese moderne (quasi tute) le me par fredde e impersonali.
Ciao ciao



Avatar utente
babatriestina
Capo postin
Capo postin
Messaggi: 36968
Iscritto il: domenica 25 dicembre 2005, 19:29
Località: Trieste, Borgo Teresiano

Messaggio da babatriestina » mercoledì 9 agosto 2006, 9:06

mi... no so cossa dir, perchè de solito ste cese moderne no me piasi, ma rifarle ricopiando i stili de mille anni fa ( e senza la fantasia dei artigiani de quela volta) me par anca sbagliado, chissà, forsi ale prime cese gotiche i diseva Che oror ste cese con sti mostri e pinacoli, dove xe le bele cese basilicali o al massimo romaniche de una volta?
per cui a priori no escludo che se possi far una bela cesa in stile moderno. resta de discuter cossa che vol dir "bela". Che ghe assomiglia a quel che noi se spetemo de una cesa? a quele che gavemo visto finora? che rispondi ale necessità de una cesa? che ne fazzi vegnir la voia de raccoglimento e pregar?



istriana
naufrago
naufrago
Messaggi: 2
Iscritto il: domenica 12 ottobre 2014, 15:35

Re: Cese moderne: San Luigi Gonzaga

Messaggio da istriana » martedì 28 ottobre 2014, 12:41

Ciao!
Son una neo iscritta e son già a domandare favori...
me servi una foto della chiesa e campanile di san luigi di gonzaga da poter stampare in un saggio sui campanili moderni del friuli...
potete aiutarmi e mandarmela via mail?
Grazie in anticipo!



Avatar utente
babatriestina
Capo postin
Capo postin
Messaggi: 36968
Iscritto il: domenica 25 dicembre 2005, 19:29
Località: Trieste, Borgo Teresiano

Re: Cese moderne: San Luigi Gonzaga

Messaggio da babatriestina » martedì 28 ottobre 2014, 13:24

Chiedilo , anche via messaggio privato, a Sum Culex che ha fatto le foto di questa chiesa. Però evita di parlare di friuli relativamente a Trieste ;--D


"mi credo che i scrivi sta roba per insempiar la gente" ( La Cittadella)

istriana
naufrago
naufrago
Messaggi: 2
Iscritto il: domenica 12 ottobre 2014, 15:35

Re: Cese moderne: San Luigi Gonzaga

Messaggio da istriana » martedì 28 ottobre 2014, 14:45

He he! :-D
Go fato! viva la venezia-giulia!
grazie!



Avatar utente
babatriestina
Capo postin
Capo postin
Messaggi: 36968
Iscritto il: domenica 25 dicembre 2005, 19:29
Località: Trieste, Borgo Teresiano

Re: Cese moderne: San Luigi Gonzaga

Messaggio da babatriestina » martedì 28 ottobre 2014, 15:12

ah sì, ovviamente benarrivata!!


"mi credo che i scrivi sta roba per insempiar la gente" ( La Cittadella)

Avatar utente
sum culex
Cavalier del Forum
Cavalier del Forum
Messaggi: 5945
Iscritto il: venerdì 20 gennaio 2006, 15:45
Località: Trieste - Rozzol

Re: Cese moderne: San Luigi Gonzaga

Messaggio da sum culex » martedì 28 ottobre 2014, 20:03

istriana ha scritto:Ciao!
Son una neo iscritta e son già a domandare favori...
me servi una foto della chiesa e campanile di san luigi di gonzaga da poter stampare in un saggio sui campanili moderni del friuli...
potete aiutarmi e mandarmela via mail?
Grazie in anticipo!
Te go mandà in risposta al tuo messagio privato un messagio cole foto che poderia interessarte. Gavesssi podù mandatele diretamente via e-mail, ma no gavevo el tuo indirizzo. Spero che te le trovi e che te vadi ameno un poco ben.
ciao
sum culex



Rispondi

Torna a “Architetura triestina”