PUGILATO

Regole del forum
Collegamenti al regolamento del forum in varie lingue ed alle norme sulla privacy in italiano.
Ciancele
no montar in scagno
no montar in scagno
Messaggi: 4284
Iscritto il: gio 28 lug 2011, 22:30

PUGILATO

Messaggio da Ciancele »

I giornai scrivi dela morte de Cassius Clay. Mi lo go visto tante volte in television. Un bel atleta, un artista, un dei quei che no bastona wie in Panzer bei Nacht (come un caro armato in scuro) ma danza e tocca. Bel de veder, parchè no scori sangue come con altra gente. RIP.



Piereto
eximio
eximio
Messaggi: 2143
Iscritto il: ven 24 set 2010, 19:38

Re: PUGILATO

Messaggio da Piereto »

Si el xe sta in quei ani 60 e 70 un grande pugile. A diferenza de altri sport no se pol dir che el iera el top, el gà incontrà chi che i ghe ga fato incontrar. El iera el meio tra una rosa de 20 o 30 de lori. No se pol dir che el xe sta el più grande pugile come che xe stado scrito su tanti giornai. Xe tuta un altro per de manighe parlar inveze e per esempio de Bolt el coridor de atletica legera , perchè come lù no xe altri che in passato gà fato o fa ogi i tempi che lu fa sui 100 metri. Posso capir che Cassius Clay nol podesi veder i bianchi, iera la guera del vietnam, e el razzismo del sud USA contro i neri iera fortissimo, ma fazendose musulman el gà solo cambià paron, perchè prima chei bianchi colonizasi l'Africa iera rivadi qualche secolo prima i arabi a far schiavi tra i negri, e iera arabi musulmani.



Ciancele
no montar in scagno
no montar in scagno
Messaggi: 4284
Iscritto il: gio 28 lug 2011, 22:30

Re: PUGILATO

Messaggio da Ciancele »

Ciao Piereto e bona sera. No esisti campioni assoluti, ma solo campioni del tempo, del periodo. Cassius Clay iera el miglior del suo tempo nela sua classe. Nisun come lui saveva balar e no tunchiar. Qualche ano prima iera un medio-legero (welter): Ray “sugar” Robinson. De mulo el fazeva el balerin e sul quadrato el balava. Ogni tanto el tirava una e ogni tiro iera un funeral: tappeto. Con zinquanta deca de più el misiava tra i medi. E nisun voleva combater contro de lu. El ga provà anca tra i medio-massimi e con suceso. In Europa, a Berlino west, iera Gustav “Bubi” Scholz, peso medio. El gaveva un sinistro che no perdonava. Gnanca ai medio-massimi. Tuti do i iera tecnici. Gnente corpo a corpo, ballo.
Bolt xe forte adeso. Ma te devi pensar che i tempi che fazevo mi nel 1947, boni ma no ecelsi, quaranta ani prima iera primati mondiali. Gunder Hägg nel 1944 ga corso i milezinque in 3 e 43. Primato mondiale. Ogi con 3 e 43 te vien eliminà za in bateria. Tarzan iera el primo a ‘ndar soto i 60 secondi sui 100 stile libero. Quei che nuda ogi i milezinque i va quindise volte de seguito una dopo l’altra, sensa fermarse, soto el primato mondiale.
Tanti ani fa iera un inglese che coreva i cinquemila. Se te vedevi come che el meteva un pie davanti a l’altro e seicento metri prima de l’arivo el aumentava senza sforzi. El viso iera ciaro. No me stufavo mai de vederlo corer. Come anca Manfred Germar sui 100 e 200, ma specialmente sui duecento piani. Gnente primati mondiali, ma una beleza nel corer. El termine tecnico xe corer composto. Forsi iero anca mi un cusì, parchè i me diseva che me devo sforzar un poco. E mi spudavo plucia. :signs10:



Torna a “Altri Sport”