Lipizza

[AdlerTS]

Ogi i scrivi sul giornal che a Lipica (o Lipizza) l'allevamento dei cavai non ghe la fa più coi soldi e i xe costretti a vender almeno 40 cavai e licenziar 10 persone sulle 200 che lavora dentro. Tra l'altro i xe statali ed el centro xe considerado come "patrimonio culturale nazionale".
I xe sotto de solo 850.000 euro

E pensar che a Vienna la gente fa la fila per veder i lipicani che fa le sue "danze"...

[babatriestina]

No i podessi mantegnirli coi proventi del casinò?
( me par comunque che i cavai lipizzani de Vienna vien de un alevamento locale, no de Lipica qua)

[ffdt]

[...] i cavai lipizzani de Vienna vien de un alevamento locale, no de Lipica qua)

C'o i xe scampai via dopo de la prima guera, i austriaci i se ga portado drio un pochi de lipizani de Lipiza e i ga verto un alevamento ... lori i ghe ciama "el salvatagio de i lipizani" ... lo gavevo visto su un volantin in te 'l 2000 c'o iero in austria co' la familia

I te fa veder sia el spetacolo a Wien che vixitar 'l alevamento che el xe in mezo de l'Austria in t'un posto sai bel ... peca` che no me ricordo 'l nome de sto logo ;-D

Cuindi i lipizani austriaci i xe de sicuro nati la` e no cua, ma con cuei de cua i ga i avi in comun ... e comuncue a Lipiza i li gaveva portai i austriaci

Ciau ciau

Franco

[Nona Picia]

Domenica, dato el bel tempo,semo andai a far un giro a Lipizza ( Lipica ). Go fato un per de foto: i cavai e la vecia cappelletta dela Madonnina che i ga restaurà dopo el cambio de governo. Ve le mando de seguito.
Ciao ciao

[babatriestina]

Mia nona iera ssai devota de sta madonina, go trovado una foto de circa 100 ani fa de ela inzenociada davanti.. al epoca del comunismo no la iera curada, ma i mii me gaveva portado a vederla

[AdlerTS]

Quela dolina xe veramente un'oasi de pase....chi non vol pregar pol sempre trovar 5 minuti per rifleter con se stesso.

(Baba , dime che foto che ti non te ga ?)

[Nona Picia]

Cara babatriestina,
te xe el pozo dei miracoli! No te manca proprio niente!

[babatriestina]

(Baba , dime che foto che ti non te ga ?)

devo ringraziar papà, che del 1918 fin al 1989 ( o quasi..) ga continuado a tacar le foto, drio man che el fazeva, sui album, ordinandole per anno e dandome el bon esempio.
Ga bastado un scanner e tanto tempo, e vien fora tanta roba...

[AdlerTS]

go trovado sta curiosità che copio/incollo:

[..] Verso la fine della seconda guerra mondiale, venne sfiorata la tragedia: la Scuola Spagnola di Equitazione di Corte, infatti, fu sul punto di scomparire per sempre, in quanto i “bianchi stalloni” facevano decisamente gola alle truppe sovietiche ormai giunte alle porte di Vienna…Il colonnello Alois Podhajski, Comandante della Scuola ed egli stesso provetto cavaliere (Medaglia di Bronzo alle Olimpiadi di Berlino del 1936 su “Nero”!), fece in modo che il generale Patton, Comandante dell’esercito americano in Europa e arrivato in Austria da Francoforte appositamente per rendersi conto della serietà del problema, prendesse sotto la sua protezione i Lipizzani e, in seguito allo storico incontro tra gli stalloni viennesi ed un reparto di militari americani a St. Martin in Oberösterreich, riuscisse a sottrarli alla cattura da parte dei sovietici.
Questa grande avventura a lieto fine è stata narrata dallo stesso colonnello Podhajski nel suo libro “The Miracle of Dancing Horses”.

[babatriestina]

, in quanto i “bianchi stalloni” facevano decisamente gola alle truppe sovietiche ormai giunte alle porte di Vienna….[/i]

ma i ghe fazeva gola per cavalcar o per magnar?

[babatriestina]

[...] i cavai lipizzani de Vienna vien de un alevamento locale, no de Lipica qua)

C'o i xe scampai via dopo de la prima guera, i austriaci i se ga portado drio un pochi de lipizani de Lipiza e i ga verto un alevamento ... lori i ghe ciama "el salvatagio de i lipizani" ... lo gavevo visto su un volantin in te 'l 2000 c'o iero in austria co' la familia

I te fa veder sia el spetacolo a Wien che vixitar 'l alevamento che el xe in mezo de l'Austria in t'un posto sai bel ... peca` che no me ricordo 'l nome de sto logo ;-D

Cuindi i lipizani austriaci i xe de sicuro nati la` e no cua, ma con cuei de cua i ga i avi in comun ... e comuncue a Lipiza i li gaveva portai i austriaci

dela guida Michelin de Vienna:
La scola xe stada fondada a Lipizza nel 1580 de l'arciduca Carlo, i cavai discendeva tutti de 6 famosi stalloni:
Pluto nato 1765,danese; Conversano , nato 1767, Neapolitano, nato 1790 , napoletan, Maestoso nato 1773 e Favory nato 1779 ( lipizzzana pura), Siglavy nato 1810 , arabo. i dovessi discender de una varietà spagnola.
Nel 1920 i li ga portai al castel de Piber, vizin Graz, dove che xe l'alevamento attuale.
Evidentemente, un pochi xe restai a Lipizza ma no i li addestra ala scola de equitazion spagnola.

[AdlerTS]

, in quanto i “bianchi stalloni” facevano decisamente gola alle truppe sovietiche ormai giunte alle porte di Vienna….[/i]

ma i ghe fazeva gola per cavalcar o per magnar?

Otto D’Asburgo scrivi al presidente Truman nel 1945:
“Contrariamente agli ordini impartiti, le truppe alleate di occupazione vivono a carico del paese (l’Austria): nella zona controllata dai russi, le truppe portano via le attrezzature industriali e derubano sistematicamente appartamenti privati”

[babatriestina]

Ieri son andada a far una passeggiata anche a Lipizza e per veder meo, ricordandome po de co ghe andavo 30 anni e passa fa, go dito Vado a pie per veder con calma. provo a ciapar la vecia strada bianca che subito del confin porta dritto a Lipizza, fazo 100 metri gnanca e.

me trovo sbarrada la strada e un bel cartel che disi che de qua no se passa.. ciapo la strada asfaltada, seguo e entro per el ingresso principal e me acorzo che ghe xe praticamente solo che un accesso a est e un a ovest, e che tuti i sentieri xe blocai no solo ale machine, ma anca ai pedoni! insomma, xe visto solo che per quei che vien in machina a zogar al casinò ( dove che mi no me fazo spennar) o a visitar - a pagamento- el allevamento
I prai cole querce xe come che me li ricordavo,e molte querce coverte de rami de viscio che in sta stagion xe deventado giallo, ma sempre riparai de muretti o transenne:



ste querce de Lipizza le xe famose perchè le xe antiche e le ga resistido ai disboscamenti del Carso. Xe come un parco curado, però solo che de vardarlo per de fora!

[babatriestina]

Caminandoa pie se ga tempo de notar i particolari, per esempio el stagno iazzado

al arrivo al centro, novità altra per mi, vedo un bellissimo campo de golf

Prima del ingresso alle scuderie, xe una zona con casette de piera, pozzi, vasche, ecove una vasca del ottocento. la cesa xe inaccessibile perchè nela zona recintada, almeno me ga parso I pozzi xe due, un quadrato e un tondo, ma solo el quadrato ga soto el pozzo vero

[babatriestina]

Le scuderie, che mi me ricordavo un maneggio libero e che se ghe andava a rente, adesso xe tuto serado e con visite a orari fissi, in cambio xe previste esibizioni de equitazion, insomma i sta fazendoghe una picia concorrenza a quei de Vienna
eco el edificio dele stalle, che devi esser abastanza antico

e ecco un per de cavai in fondo (el zoom servi a qualcossa!)

per la storia dei cavai, gavemo un altro topic, e mi diria che se li podessi unificar: fra l'altro là xe i nomi dei primi stalloni del 1580 e un de lori se ciamava Majestic come un dei alberghi locali.
po son andada anche mi a veder come che i ga risistemado la dolina dela madonna: nela seconda metà del Ottocento iera assai in uso la devozion ala Madonna de Lourdes e de madonnine in grotta cussì se le trova un poco dapertutto, eco la dolina un poco de l'alto:

[babatriestina]

un particolar del testa dela Madonna fra el ferro battudo, la ga un viso un poco de pupa de porcellana ottocentesca

Interessanti come sempre le lapidi: ai lati xe le vece dela dedicazion dela costruzion, ben ripulide:


Immaculatae /coelesti suae matri/ optimum quod lipica/praebet praedium/ V maji MDCCCLXXXIX
e po, più sotto, su una parete dela dolina:

el conte Gruenne! iera un statista austriaco, amico del arciduchessa Sophie!

[babatriestina]

Lipizza, nele parole de Julius Kugy:
Lipizza è una bella oasi boscosa in mezzo all'altipiano dove predomina il cerro; è circondata da un muro ed è stata proprietà del famoso equile imperiale. a quel tempo Lipizza era la meta preferita delle scampagnate dei triestini tedeschi, amanti delle gite. Oggi l'accesso è quasi completamente sbarrato da severi divieti. Vi sono numerose doline in mezzo al bosco ed ovunque abbondanza di belle piante carsiche [..]Accanto all'equile posto su un'altura c'era una piccola ed accogliente trattoria, con pollo fritto, krapfen e buon terrano, ed un ampio panorama fino agli azzurri monti che delimitano l'orizzonte; essa purtroppo non esiste più.
Il bosco è particolarmente bello quando fioriscono le peonie, momento che il nostro amato cantore de Carso, Baumbach, descrive così bene:

Nel verde del maggio risplende
il bosco di Lipizza.
La dolina si adorna
di fiori di ogni specie.
le peonie purpuree ci fanno cenno:
per quanto spazia lo sguardo,
i fringuelli intonano lieti
il loro canto di nozze.
( Kugy La mia vita - Arbeit, Musik, Berge- ed Ricerche 1993)
Za lu ricorda i divieti.. e Baumbach? chi lo ricorda più?

[Nona Picia]

Iera proprio tanto tempo che no te andavi aLipizza eh, Bt?

[babatriestina]

Iera proprio tanto tempo che no te andavi aLipizza eh, Bt?

trenta anni, circa!

[AdlerTS]

In Tv ogi i parlava dei nostri cavalini. Cocolo servizio, pecà che el giornilista, indeciso tra la grafia slovena de Lipica e quella italiana de Lipizza , se ga inventado un Lipìza con 'sto improbabile accento a metà parola che non se ga mai sentido