Strucolo de ciliege

gavè ricette triestine de condivider? volè parlar de roba che se magna e se bevi a Trieste? zerchè una ricetta che gavè dimenticado? e se ve sbrissa una non triestina.. ve perdonemo, se la xe bona!
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Strucolo de ciliege

Messaggio da babatriestina »

Strucolo de ciliege cola pasta tirada
Xe dolce de stagion e i lo vendi ala belezza de 28 euro al chilo in negozio e fato imagino cola sfoia surgelata

Alora no xe dificile; un quarto de farina do cuciari de oio e acqua quanto basta per una pasta morbida, se lavora, s e lavora, mi me go aiutado anche coi rulli dela machinetta dela pasta per gaverla lissa e po go messo a riposar.
Intanto ghe go cavado i ossi a un chilo de ciliege, poi missiade con zuchero ( a ocio) pangratado crudo ( a ocio) e pangratado fritto in buro ( un pugno..), una spolverada de cannella, do fiocheti de buro.
Po go tirado al pasta, divisa in due parti, ogniduna su foglio de cartaforno infarinado, prima col rodolo e po cole man,, fin che xe vegnuda ben sutil che se vedi oltre. Messe sora le ciliege, go rodolado e messo in forno a 180-200° per una mezoretta, fin che ga ciapado color. Sora, zuchero a velo. Xe andado in due giorni!

Me iera vegnuda voia domenica in agriturismo, ma là i fazeva,, palacinche con ciocolata o Nutella e panna spray! cussì go deciso che chi fa da sè fa per tre..


"mi credo che i scrivi sta roba per insempiar la gente" ( La Cittadella)

Torna a “Ricete”