ELUCUBRAZIONI DE UN POVARO VECIO VECETO

El SOLO e UNICO logo indove che se pol ciacolar de tuto cuel che pasa per la testa :-) ... a proprio ris'cio e pericolo ;-D
Regole del forum
Collegamenti al regolamento del forum in varie lingue ed alle norme sulla privacy in italiano.
Piereto
eximio
eximio
Messaggi: 2935
Iscritto il: ven 24 set 2010, 19:38

Re: ELUCUBRAZIONI DE UN POVARO VECIO VECETO

Messaggio da Piereto »

Mio papà che iera del 20 , un anno de meno de tuo fradel, el me ga dito che el cantava insieme a suo fradel e a la muleria de le case nove anche la canzon "Primavera baciata dal sole..". cioè lo studente passa, canzon del 29 . Te meto el link che te pol scoltar :
https://www.youtube.com/watch?v=u7DB4Wkjmmw

1. Primavera baciata dal sole,
c'è nei prati un profumo di viole;
sotto il pesco tutto in fiore
si sussurrano l'amore
lo studente e la sartina
birichina.
Giuramenti, promesse, illusioni.
Baci ardenti, carezze, passioni.
O studente al viso amato,
se tu un bacio avrai rubato,
il peccato si può perdonar.

Gioventù, / la tua canzone lieta va
il ritmo suo detterà, / del cuor la felicità.
Bimba, tu / il fiore sei di gioventù
un bacio dona e nulla più / o bimba al tuo cantor.

2. Vedi il tempo, piccina, è volato,
lo studente si è ormai laureato,
ed attende un buon vecchietto
al natio paesetto,
con un ansia in fondo al cuore
il suo dottore.
Bimba bella, il tuo sogno è svanito,
lo studente i suoi corsi ha finito;
nella voce trema il pianto,
ti saluta col suo canto
ch'è rimpianto di mille illusion.

Gioventù, / la tua canzone lieta va
il ritmo suo detterà, / del cuor la felicità.
Bimba, tu / il fiore sei di gioventù
un bacio dona e nulla più / o bimba al tuo cantor.

Forsi te la gaverà intesa anche ti. Me piasi el ritornello gioventù ...comunque fa parte de quele canzoni un poco pianzote carateristiche del periodo.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Nel tempo de guera mio fradel, che lavorava a Sant’Andrea, quindi CRDA, el andava al DIMM sezione B. Nel '42 mi iero nela sezione de atletica legera del DIMM. Questa sezione gaveva un grupo filodramatico che fazeva canto e teatro. Là go sentido un dir: Ara Toti Dal Monte. Un altro cantava tipo Rabagliati. Mio fradel fazeva le gite e anca teatro e una volta el ga recità in Giovineza o titolo simile. Queste canzoni „pianzote“ che tanto le ghe piaseva a tu papà, le me piaseva anca a mi. A l’inizio del 1950 xe stada un’azion "100 canzoni da salvare" e mi go ancora i do libreti. I ga za 70 ani. E li salvo.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: ELUCUBRAZIONI DE UN POVARO VECIO VECETO

Messaggio da Piereto »

Caro Ciancele le canzoni dei anni trenta e quaranta no podeva eser che melodiche, e quindi se le podeva scoltar e ricordarse de lore cantandole. Xe i testi che iera "pianzoti" , oggi diremmo strappalacrime, Pensemo solo a un grandissimo tenor come Gigli, un che se rivava a capir tute le parole che el cantava, el gaveva el modo de cantar co la lagrima sia le canzonete che le opere. E questa xe storia.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: ELUCUBRAZIONI DE UN POVARO VECIO VECETO

Messaggio da Piereto »

Ste canzoni xe stade scrite da grandi compositori , tuti studiai cioè a dir che i iera preparadi. Ogi i fioi del pop no le conosi e la radio publica Rai no se degna de tirarle fora. A sua discolpa xe che i dischi xe rovinadi e che el suono no xe stero HiFi . Ma anche ogi se podesi recuperarle. Go sempre in orecia el recital de Max Raabe co la palast orchester. Per i amanti del genere meto el link https://www.youtube.com/watch?v=k0lsG3RZYZs


Piereto
eximio
eximio
Messaggi: 2935
Iscritto il: ven 24 set 2010, 19:38

Re: ELUCUBRAZIONI DE UN POVARO VECIO VECETO

Messaggio da Piereto »

Te meto un altro link https://www.youtube.com/watch?v=FiaNQG7HPpc&t=16s forse de canzoni più conosude.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Me go inacorto che manca la penultima strofa:
A sentirli po tuti 'sti gati
a sentirli cantarghe le requie
iera roba de stroparse le rece
e ficarse intel c... un stropon.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Piereto ha scritto: lun 8 nov 2021, 9:49 Caro Ciancele le canzoni dei anni trenta e quaranta no podeva eser che melodiche, e quindi se le podeva scoltar e ricordarse de lore cantandole. Xe i testi che iera "pianzoti" , oggi diremmo strappalacrime, Pensemo solo a un grandissimo tenor come Gigli, un che se rivava a capir tute le parole che el cantava, el gaveva el modo de cantar co la lagrima sia le canzonete che le opere. E questa xe storia.
Difati, penso che Gigli iera famoso come pianzoto. Anca qua iera un, specialmente dopo la guera, che ghe vigniva la lagrima. Ma una vose potente.
Grazie per le tue informazioni. Max Rab canta sul tipo vienese. Semo 'ndai a vederlo. Come anca Delrieux. Sicome che mi son basso (no de statura!), go musica de Rebroff, specialmente in russo. Musica de Nadal. Ma in google te trovi de tuto.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ELUCUBRAZIONI DE UN POVARO VECIO VECETO

Messaggio da babatriestina »

Gigli nei anni 50 cantava "Mamma" stile Claudio Villa, che no per gnente ghe piaseva tanto ale vecete. Ma nona mia diseva che prima in Lohengrin el entrava picio, grasso vegniva de rider, ma po el verzeva boca, e se restava incantai..


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

El 9 de novembre xe un bruto giorno. No voio `ndar sula politica ma el xe veramente bruto. Qualche ano fa (me par nel 1944) iero a Sejane a pala e pico e i partigiani ga bombardà el campo. Forsi i iera in bala de slivovitz e de trapa parchè i ga falà tuto. Ogi son più de qua che de là. Go una marantiga che no ve conto. Ogi go magnà 4 pastilie e bevù 70 ioze de un siropo contro la tose. No me meravilio che no me ingraso. Domani devo andar in posta e sula strada xe do negozi che vendi trapa. Vade retro Satana, che te me intrighi e no poso 'ndar drento.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ELUCUBRAZIONI DE UN POVARO VECIO VECETO

Messaggio da babatriestina »

marantega anch e mi, e un per de giorni fa gavevo magmado la galina con tute l e piume. ma po xe passado. Latte miel e bicarbonato... alcool me brusa in gola


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

babatriestina ha scritto: mar 9 nov 2021, 19:01 marantega anche mi, e un per de giorni fa gavevo magmado la galina con tute l e piume. ma po xe passado. Latte miel e bicarbonato... alcool me brusa in gola.
Baba mia, mi son masochista e laso che brusi. Confronto ieri sera ore 23.30 stago più meio, almeno go dormì e no tosido e netado el naso.
Iera ani che no gavevo rafredori, ma sta volta me ga ciapà in pien. Ala mia età xe meio no gaver ste robe. Vado farme una sbicia. Sani.
PS: Quel dela galina xe un bel modo de dir, che gavemo anca nel vocabolarieto.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ELUCUBRAZIONI DE UN POVARO VECIO VECETO

Messaggio da babatriestina »

rafredor, sarà pandemia anca quel De picia me ciapava de oci..


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Fioi, son ‘ncora qua. Go solo na marantiga o xe Covid? Ai posteri ….. Go vardà par talian e i dà zerte robe. Secondo l‘Italia no go Covid. Po go vardà par gnoco e la lista xe più longa. Xe anca rafredor e tose. Go pensado de 'ndar a veder in inglese e xe una altra lista un poco diversa. Po li go mandai in m…
Come ogni matina, vardo el panorama de l’alto de l’università e lo confronto con qua. Gavemo la metà dela vostra temperatura, smog londinese e umido.
Me piazeria sveiarme nela mia vileta soto el faro o a Contovel, e involtizà in tuna coverta e con la sbiceta in man portà in teraza e vardar el paronama.
Se xe qualchedun de voi che fa 'sta roba, lo invidio. So che l’invidia xe uno die pecati capitali. Ma se me vedè pasar davanti no 'ste ciapar paura. No buto bombe, forsi vegno a bever un cafè con voi. Sicome che de mestier iero correttore, go sempre con mi una botiglieta de roba bianca par coreger. No xe Tipp-Ex, xe limpida. :clapping_213:


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ELUCUBRAZIONI DE UN POVARO VECIO VECETO

Messaggio da babatriestina »

adesso anca per un rafredor de stagion i te terorizza che te pol eser sul giro de aria fra vita e morte. Se po te ga oltre 60 anni, te son un " anziano fragile" con za un pie nela fossa.
Qua xe sol, ma de casa mia no go vista mare.


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: ELUCUBRAZIONI DE UN POVARO VECIO VECETO

Messaggio da Piereto »

Se te passi de mi , se bevemo un bon bicer in pergolo, e va tranquilo che no go rafredor.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Fioi, ogi go deciso de far el restaurator de roba antica. Parlo de altra roba, no cusì antica. Co‘ me go sposà gavemo crompà una tavola de magnar de legno de color maron. Quela volta no iera ancora i paneli truciolari. La gavemo meso za do volta in cantina. No go vu mai el coragio, o la voia, de butarla via. E do volta la gavemo ciolta de novo su parchè i tavoli che gavemo crompà i se ga roto. Intanto el bel color scuro xe diventà color cafelate. Mio papà diseva sempre de darghe el paiz e anca mio sio che iera marangon. Paiz (par gnoco Beiz o beizen vol dir mordenzare). Qua i disi de pasar oio col penel. Xe qualche amico forumista che ga fato 'sto lavor? Mi diria de andar de OBI che finora me ga sempre dà boni consili. Se parla de "patinare“. Grato per un qualsiasi consilio.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ELUCUBRAZIONI DE UN POVARO VECIO VECETO

Messaggio da babatriestina »

paiz diseva papaà dava color ma no lustro. Dove che el lo trovava no so, ma iera tanti anni fa.. negozi de vernici? Ghe xe anche oio per mobili, oio rosso per mobili ( drogherie..) . Po chi che sa sa lucidar a spirito, vien sai bel, ma la prima ioza de acqua macia..


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

babatriestina ha scritto: dom 14 nov 2021, 9:44 paiz diseva papaà dava color ma no lustro. Dove che el lo trovava no so, ma iera tanti anni fa.. negozi de vernici? Ghe xe anche oio per mobili, oio rosso per mobili ( drogherie..) . Po chi che sa sa lucidar a spirito, vien sai bel, ma la prima ioza de acqua macia..
Sì, giusto, tuo papà gaveva ragion. Par quel a mi me basteria el paiz. Anca se te pasi l'oio, la tola no vien lustra nel senso de lucida. Là ghe vol el spirito o qualche roba compagna. Un vero marangon impara anca a lucidar con spirito. Ani fa iera de moda gaver mobili dela camera de leto scuri (maron o anca neri) lucidi. De noi xe vignuda a star una copieta. Lu iera marangon, giovine, ma marangon. El se ga fato la camera de leto lucida e el ne la ga mostrada. Veramente bela. La nostra tavola de magnar la gavarà una sesantina de ani, ma la xe ancora bona. No la ga costà poco.
Grazie per le tue informazioni.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: ELUCUBRAZIONI DE UN POVARO VECIO VECETO

Messaggio da Piereto »

Te podesi darghe el paiz, el color e po te podesi darghe a penel una de quele lacche che se dopra per barche de legno cusì se scampa qualche ioza de aqua no fa dano . Dovesi venir ben lustro. Me ricordo che mio papa qualche volta ga lustra i mobili col tampon. El ricordo xe vago ma te devi aver una vernise de alcol e gomma lacca e stenderla col tampon , po dopo che se gà sugado te pol darghe una man de cera col tampon. Prova in tun canton.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Mio papà ogni ano in canal el tirava su la barca, sul toco prima del Ponte Verde. El spetava l’alta marea e iera sempre là qualchedun che lo iutava a tirar su e a voltar la barca su do cavaleti. Po el stropava busi cola canapa e el netava le alghe. Par finir pasava una man de vernise marina, contro alghe. Co la iera suta el spetava de novo l’alta marea e el butava la barca in aqua.
Cola mia tavola no voio far roba supertecnica, me basta che no se vedi le mace. Sicome che go la tovaia, son mi l’unico a saver dele mace, ma no le me piasi.
Noi gavemo un marangon (nel fratempo el fio) che ani fa ne ga fato qualche lavor. Podesi parlar con lu e domandarghe. Pol darse che per do soldi el manda una sera de noi el bubez. Ve savarò dir.


Torna a “El salotin”