ELUCUBRAZIONI DE UN POVARO VECIO VECETO

El SOLO e UNICO logo indove che se pol ciacolar de tuto cuel che pasa per la testa :-) ... a proprio ris'cio e pericolo ;-D
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: ELUCUBRAZIONI DE UN POVARO VECIO VECETO

Messaggio da babatriestina »

dicilie dir a quanti anni che se xe veci. Mi a nona a 100 anni ga cominciado a dir " ogi son, domani no son" ( fin ai 100 no la se preocupava ). La xe andada avanti per quasi 7 anni..


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

babatriestina ha scritto: sab 27 feb 2021, 9:59 dicilie dir a quanti anni che se xe veci. Mi a nona a 100 anni ga cominciado a dir " ogi son, domani no son" ( fin ai 100 no la se preocupava). La xe andada avanti per quasi 7 anni.
Grazie pal consilio. Farò come che ga fato tu nona. ;--D :clapping_213:


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: ELUCUBRAZIONI DE UN POVARO VECIO VECETO

Messaggio da Nona Picia »

Mia mama e mia nona, mancade una a 96 e l'altra a 97 anni, no le ga mai dito che le iera vece e gnanche la nona de mio marì che xe morta a 94 anni. Ela la diseva che no la pol morir fin che un lavor amaia no xe finido e cussì la lavorava drio man a far vestitini e maiete e anche ricami. la ga deciso de finirla quando suo nipote, mio marì, se ga sposado.....


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Nona Picia, mi go ciolto un apuntamento par l'ano 2024. Finora go sempre mantignù i mii apuntamenti. ;--D


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Tuti se lamenta del Covid. Ieri in una zità dela Germania i ga fato dimostrazion contro le restrizioni e la polizia xe vignuda con copaoche, idranti e gas. Mi digo sempre che el governo ga colpa de tuto: governo ladro. Se no’l fa gnente el ga colpa de no gaver fato gnente, se el fa qualcosa, xe sicuramente sbalià. Forsi bisognaria spiegar cosa che sucedi se se verzi le restrizioni, ma par spiegar bisognaria anca saver, e forsi qua gavemo el problema. Se ga bisogno de un che se inventi monade, ma che le conta cusì ben che par vere. Insoma de un come mi. ;--D ;--D
Ma el Covid porta anca roba de bon. La mularia no pol ‘dar a balar o a sbevazar e la dovaria star serada in casa, cusì i va a trovar i noni. Ieri gaveimo de novo le nipotine nel dopopranzo e dopo a zena. In Germania, ma penso anca in Austria, sabato e, specialmente, domenica dopopranzo, verso le 4, se bevi cafè e se magna torte.
El Covid ga portà anca lavor. Xe stadi più uxoricidi e barufe, che ga dà lavor ala pulia, ai guardiani dele presoni, a giudici e avocati.
Calà xe el numaro dei bechi, a causa del home office. Xe aumentà el lumaro dei fioi. Insoma no tuto il male viene par nuocere.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Semo in magio. El magio xe el mese dei musi e difati mi me go sposà in magio. Magari semo za squasi ala fin, ma sempre in magio. Domani xe el 24. Prima doveimo ‘ndar a l’adunata. Tuto el giorno marciar, sensa bever e sensa magnar. Con un sol che spacava le piere. Pezo de noi muleti balila, in braghe curte e camisa legera, stava i avanguardisti con giaca e braghe longhe. Lori i stava però meio de inverno. Me ricordo che de sabo tornavo a casa de l’adunata e mia mama spetava che me indormenzo par meterme glicerina sule gambe rose del fredo. De sveio solo co’ l’indormio (anestesia locale). Brusavvvaaa!! Magio xe anca el mese dela madona. In guera pregaimo: Ave Maria grazia plena fa che no soni la sirena, fa che rivemo fina a domani sensa che vegni i arioplani. No me ricordo se e come la andava avanti.
Pensando ai arioplani, qua i butava bombe, e no poche. Ogni tanto i trova una inesplosa. Anca qualche giorno fa i ga trovado una de sinque quintai tra le case. Mi no so se podaria butar bombe su gente indifesa. Me vien sempre inamente Ermengarda: Tu della rea progenie degli oppressor discesa, cui fu prodezza il numero, cui fu ragion l’offesa, dritto il sangue e gloria il non aver pietà. Dulce et decorum est pro patria mori, diseva un. Co’ la scusa che no go patria mi ghe la go ficada.
Scusè, son ‘ndà un poco OT. Me consolo che magio xe anca el mese dei sparisi e dela salsa verde. Indovinè cosa che magno ogi a mezogiorno.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: ELUCUBRAZIONI DE UN POVARO VECIO VECETO

Messaggio da babatriestina »

Salsa verde sui sparisi? orpo! de mi la andava solo che cola carne lessa.
Pei sparisi ovi duri, maiones, el max buro squaiado e pangratado e salsa olandese ma ghe volessi la vera no quela pronta, ma no go mai rivado a farla, xe quei futizi a bagnomaria che non me vien ben


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

babatriestina ha scritto: dom 23 mag 2021, 11:23 Salsa verde sui sparisi? orpo! de mi la andava solo che cola carne lessa.
Pei sparisi ovi duri, maiones, el max buro squaiado e pangratado e salsa olandese ma ghe volessi la vera no quela pronta, ma no go mai rivado a farla, xe quei futizi a bagnomaria che non me vien ben.
No, no. Salsa verde con ovi o con schnitzel impanai. Anca con parsuto coto, no crudo. Funziona ben anca con carne lessa; punta de peto (Tafelspitz).
Sparisi con salsa olandese e patate lesse. Noi ciolemo quela pronta che la xe comestibile. Anca con schnitzel e parsuto coto. Ma le ultime volte gavemo deciso de cior solo la salsa olandese e le patate. No gavemo sentì la mancanza de carne. Qua i vendi anca sparisi roti o solo teste o misti con la stanga, roba che nel racolto se rompi. Costa la metà dei sparisi intieri, e xe bon par far la Spargelsuppe, con pana montata, o el gulas de sparisi, de magnar come contorno de carne.
Par far el bagnomaria ghe vol ordegni e zata. Roba che mi no go.


Avatar utente
Elisa
Eximio
Eximio
Messaggi: 3751
Iscritto il: dom 10 feb 2008, 17:27
Località: Argentina

Re: ELUCUBRAZIONI DE UN POVARO VECIO VECETO

Messaggio da Elisa »

Ciancele ha scritto: dom 23 mag 2021, 9:25 Co’ la scusa che no go patria mi ghe la go ficada.
Scusè, son ‘ndà un poco OT.
Ma cossa diset triestin? Tra: questo mio attuale """confinamiento estricto, endurecida cuarentena ante la multiplicación de los casos de Covid-19"",...
'na patria doven pur averghela e sicura anca, quela vera che no aven mai pers!
Ciao. Sono giu e mi commuovo :shock:


"Todo lo bueno me ha sido dado"
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Xe un articolo del Codice Civile gnoco che disi che in una lite in caso di decesso di una parte, la lite si intende evasa. Quela parte semo sempre noi povari veci veceti. Semo trdi (duri de comprendonio), inflesibili e fazemo sempre rabiar i altri. La roba più meio saria che a sesanta o sesantazinque ani ‘ndasimo fora dele leb.. Col tempo se se abitueria, come con tute le robe. Se un no xe ‘ncora morto se ghe manda un sollecito con fissazione di termine. O te tiri ti (i crachi) o te tiremo noi (col s’ciopo). Parchè che scrivo ‘ste robe? Parchè go problemi e i ufici i speta che ‘sti problemi se sbrighi nel modo sudeto. Sicome che se trata de procedimenti atuali no se pol far gnente e bisogna spetar. Mi speto che lori i se movi (a far qualcosa) e lori i speta che mi me movo (a andar a far pipe coi bori de l’oio). (come tradur? noi disesimo: a sburtar el radicio; i gnochi disi:a vardar i ravanei dal baso). Ogi i me ga telefonà e i me ga domandà come che stago. Fioi, se ciapè ‘ste telefonade st’e `tenti. Gatta ci cova, diseva tanti ani fa un. La vecia (mia gentile consorte) ghe ga dito che no stago mal. Bon. I me ga subito stricà la visita. Se voio ‘ver un dotor, o devo eser morto (par via de la firma) o devo gaver el Covid. Mi che son indigente e no go né un né l’altro, go el bidon. Altro che tertium non datur. Cusì me toca spetar fina a setembre, se no i me telefona de novo. Forumisti e non forumisti, riunitevi e fazè un sforzo: bevè tuti un otavo ala mia salute. Mi darò l’esempio e me scolarò do.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Fioi, più vecio che son più m…alignaso divento. Me go de novo insognà de ombrele. Sta volta la gavevo de far coi Talibani. Go pensà che i xe più giovini ma anca più m…alignasi de mi. Gesù contava qualcosa dela vendeta, ma mi che no son basabanchi no go mai pensà a vendicarme. Me par de gaver contà che de picio me tunchiava tuti. Dopo, co’ son cresù, podevo mi tunchiar tuti. Ma no me go vendicà. Go lasà perder, go mandà tuti in monasisima e son ‘ndà a farme un cafè. I Talibani dovaria far listeso. Inveze i copa gente par pasar el tempo. Insoma i se fa ben voler de tuti. E adeso i volaria anca che l’ovest conzi patus. In triestin negron rispondeimo con zerti gesti cola man (tachite!) o col brazo (de qua se cava sangue).
Lunedi xe el giorno de politica ala television e i la gaveva con Putin. Presidente fina al 2036. Nel 2036 el mato gavarà 84 ani. Un putelin nei mii confronti. Ciurcil iera più vecio. I ga leto i SMS de qualchedun. A do de lori ghe go dà ragion. Forsi parchè anca mi la penso cusì: la Rusia xe una potenza militare, ma economicamente un sorzeto, e che guere no servi. Tanti ani fa, forsi go za contà, i muli fazeva dimostrazion e i ocupava case svode. Un polizioto me ga dito che i lasa far (iera febraio), parchè co’ i ga pii fredi, piovi, xe umido, tuti bati zima e i va a casa farse un tè, col rum, par scaldarse. In Germania te pol dirghe mona a tuti e no i te meti drento. Insoma i lasa che la gente se sfoghi e tuti xe contenti. Tanto no cambia gnente. A Trieste se usava dir: I me le ga dade, ma ghe le go dite. Par talian se disi: Ride bene chi ride ultimo.
Pensando ben no vien de rider ma de pianser.


Piereto
eximio
eximio
Messaggi: 2934
Iscritto il: ven 24 set 2010, 19:38

Re: ELUCUBRAZIONI DE UN POVARO VECIO VECETO

Messaggio da Piereto »

" In Germania te pol dirghe mona a tuti e no i te meti drento. Insoma i lasa che la gente se sfoghi e tuti xe contenti. Tanto no cambia gnente. "
Anche noi qua a Trieste ghe demo del mone a qualchidun, ma xe quasi sempre in tono benevolo, tanto xe vero che ghe disemo anche che un xe un povero mona. Ma se te ghe disi a un talian , xe sai facile che el te quereli per diffamazione. Paese che vai regole che cambia, e lei non sa chi sono io....un altro povero mona.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Piereto mio, mi intendevo dir che chi che vinzi una guera xe el più forte e par questo no’l dovaria gaver paura dei più deboli. Un, morto anca lu, el ga dito una volta però che solo un nemico morto no pol far più mal. Intun zerto senso el ga ragion, ma mi me domando se ocori. Pol anca darse che noi tuti no pensemo ben. I mati conta quanto lavor che xe e quanta gente che ocori. El resto che xe de tropo o pompa o vien pompà. Qua se disi che situazioni particolari richiedono soluzioni particolari. :armati15: :ko30: Cosa te pensi ti?


Piereto
eximio
eximio
Messaggi: 2934
Iscritto il: ven 24 set 2010, 19:38

Re: ELUCUBRAZIONI DE UN POVARO VECIO VECETO

Messaggio da Piereto »

Xe elucubrazioni del caldo. Mi credo che ognun de noi eredita un bagaglio de reazioni comuni(archetipi) , e po xe la latitudine che fa i individui. Se vegno al mondo in un teritorio arido e semo in tanti gruppi familiari co anche lingue diverse, xe evidente che devo star el più vizin possibile all'aqua, e se la fonte xe proprietà de altre familie, per no morir de sede e de fame, prima o poi devo copar el proprieterio de la fonte e farghe la guardia armado fin i denti pronto a copar. Se go anche un campeto oltre a coltivar quel poco de gran che cresi, me vien suso anche i papaveri e vedo che coi papaveri guadagno qualche flicheta, coltiverò papaveri. Se i me insegna aleger un solo libro e i me incariga de bote se no lo imparo a memoria, e 5 volte al giorno devo inginociarme in una direzion ripetendo i versi che go imparà, lo fazo.....perchè altimenti i me copa. Se i me disi che quei che abita a ovest i ga aqua e i vivi nel verde e xe tanto de magnar e noi credi nel dio che ga scrito el libro e i me disi de andar a coparli , mi ghe vado. Podesi continuar a andar avanti co sta tiritera. El sugo xe che prima o poi qualsiasi posizion che te ciapi, prima o poi la se concludi co la morte dell'aversario. O te mori ti , o el mori lu.
E anche noi che vivemo nel verde e con l'aqua , no coresi che se copemo, ma no xe l'aqua che ne manca , xe sempre qualcosa altro, per cui alla fine..... pasado el momento del perdono, se inventemo che la guerra è giusta e santa.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: ELUCUBRAZIONI DE UN POVARO VECIO VECETO

Messaggio da babatriestina »

Te ga riassunto , come che te preferissi, el homo homini lupus o la teoria dei giochi a somma nulla ( qual che vinzo mi xe quel che perdi el altro e vicevers), mors tua vita mea. E po, archetipi, forsi, ma secondo mi no xe tuto. I ga inventado anche una strategia che se ciama win-win ( vinzemo tuti do) che disi che a volte xe colaborando che convien a tuti. Se te vedi una sorgente de acqua, te pol copar quei che vien vizin per tegnirtela de solo, ma chi vivi solo crepa solo, e se inveze in più contruìssi una fontana, la vien bona per tanti e semai meo scazar el gradasso che la vol tuta per sè. la civiltà e el progresso, de quando che semo calai dei alberi, forsi xe nato anche cussì, quando che i neandertal inveze de copar i malai che iera de intrigo i ga cominciado istesso a assisterli e curarli. Po iera quei che inveze veci e malai li copava. Fazile dir che i gaveva ragion, fin che no te se 'mali ti..


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2934
Iscritto il: ven 24 set 2010, 19:38

Re: ELUCUBRAZIONI DE UN POVARO VECIO VECETO

Messaggio da Piereto »

Giustissima la winwin , che po saria una unione delle forze e delle possibilità..... , ma la funziona solamente se tuti e do che collabora gà la stessa mentalità, cioè i provien da la stessa latitudine. Difatti quel che zerchemo sempre de far xe de sentarse drio un tavolo e discuter prima de passar all'altro sistema. Ma quando che se xe su posizioni contrapposte cosa te fa? Te accetti supinamnete de porger l'altra guancia cioè te fa bon viso a cattivo giogo e te aspetti tempi migliori , perchà de solito ghe pensa el tempo a far valer la ragione ? opur te reagisi opponenedose. La storia umana ze tuta qua. Xe tuto un suseguirse de colpi al zercio e colpi a la bote. In un certo momento podemo tinir verte le frontiere, in un altro dovemo serarle.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Piereto ha scritto: lun 30 ago 2021, 10:11 Giustissima la winwin , che po saria una unione delle forze e delle possibilità..... , ma la funziona solamente se tuti e do che collabora gà la stessa mentalità, cioè i provien da la stessa latitudine. Difatti quel che zerchemo sempre de far xe de sentarse drio un tavolo e discuter prima de passar all'altro sistema. Ma quando che se xe su posizioni contrapposte cosa te fa? Te accetti supinamnete de porger l'altra guancia cioè te fa bon viso a cattivo giogo e te aspetti tempi migliori , perchà de solito ghe pensa el tempo a far valer la ragione ? opur te reagisi opponenedose. La storia umana ze tuta qua. Xe tuto un suseguirse de colpi al zercio e colpi a la bote. In un certo momento podemo tinir verte le frontiere, in un altro dovemo serarle.
A mi i me conta sempre quela de quel che ga ciapà una slepa e ga mostrà l'altra ganasa. Po el ga dito: La Bibia no me insegna come 'ndar vanti e 'lora fazo de testa mia. E tunchio anca mi.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

De fioi cantaimo la „Balade dei do gati“

Gavè inteso stanote el sisuro
che fazeva sui copi do gati?
I se coreva drio come do mati
finalmente che zo i xe cascai.
E cascando i ga fato un demonio
che pareva che sia un maremoto,
un de lori no’l xe restà soto
e inveze l’altro el ghe la ga dà.
Zerca, zerca par tuto ‚sto gato,
zerca, zerca nisun lo trovava.
Finalmente una mostra de baba
la ga dito: Po ecolo qua.
E 'sta baba che iera de quele
che l’amava le bestie di cuore,
la lo ciapa e la lo meti in traversa
e la lo porta de un bravo dotor.
Cara lei, la vadi in malora,
no la vedi ch’el xe za crepado?
La lo porti direta de Zimolo
e la ghe fazi un bel funeral.
La bara tuta in celeste,
oro, fiori e ghirlande.
Una camiseta e un per de mudande
e in testa un bel capelin.
Ale due del dopo del pranzo
tuti i gati compagnar questo morto.
Quando i cani si gano inacorto
figureve xe nato scandal.
Qua del gato la triste storiela
la finisi soto un metro de tera.
Tuta colpa de la primavera
che ghe ga infiamà el cuorisin.


Piereto
eximio
eximio
Messaggi: 2934
Iscritto il: ven 24 set 2010, 19:38

Re: ELUCUBRAZIONI DE UN POVARO VECIO VECETO

Messaggio da Piereto »

Ciancele sai cocola, ma son curioso, e su che musica iera adatade ste parole?


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Piereto mio, no go la minima idea. Co' cantaimo gavevo sì e no diese ani.


Torna a “El salotin”