falegnami ( marangoni)

chi se ricorda più che a Trieste ghe iera....
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

falegnami ( marangoni)

Messaggio da babatriestina »

Una volta ghe ne iera tanti, soprattutto in via Crispi, verso via Paduina. Po iera i più famosi: Cainelli...
ma in via Ginnastica alta ghe xe ancora un , e anca vizin un fabbro, ma co son passada el iera serado. Ma el marangon iera averto e go fotografado de fora:
Immagine


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Paradossalmente, el falegname xe considerado un mestier povero, ma se te provi a farte far un mobile te costa un'eresia :-D
Posso assicurarve che ogi certi mobili che xe in giro nei mercatoni costa meno de quel che ghe costa al falegname la materia prima.....

Penso che riverò fotografar un do ordegni...ve farò saver


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Questa ga un 30 anni :-D

Immagine


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

AdlerTS ha scritto:Questa ga un 30 anni :-D
:-D sorido, perchè dovessi gaverghene una che 50 anni fa la iera za vecia... doverò fotografar... :-D chissà se la go ancora o se no la ga sopravvissudo al trasloco


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Ve ricordè cossa che xe le bugie ?


trita
vilegiante
vilegiante
Messaggi: 63
Iscritto il: mer 8 mar 2006, 13:30

marangoni

Messaggio da trita »

bonasera a tuti
Adler, credo che jera busie.
La machina per farle se ciamava spiana e anche soraman.Anche mi go de trovar una foto del mio soraman. El gavera' un 80 ani.

auguri trita


refolo

MARANGONI

Messaggio da refolo »

per Adler!!!!!!!!!!

quella sega che te ga' messo vecia de 30 anni? o del 30? mi la go' impiccada sotto la veranda, lucidada e rimessa a novo per bella figura.
I mii veci me a gaveva portada, pendando che dovevimo taiar legno per scaldarse.
Maria aka Refolo


trita
vilegiante
vilegiante
Messaggi: 63
Iscritto il: mer 8 mar 2006, 13:30

marangoni

Messaggio da trita »

bonasera a tuti
ecove cua' el soraman
auguri trita
Allegati
spiana (3).jpg


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

ecove el medesimo soraman de casa mia, che a casa mia i usava de più el termine spialla o spiana??
Immagine


trita
vilegiante
vilegiante
Messaggi: 63
Iscritto il: mer 8 mar 2006, 13:30

marangoni

Messaggio da trita »

bonasera a tuti
mi son un vecio marangon.
Si' baba la tua xe 'na spiana, ma el
ma el mio xe un soraman.
auguri trita


refolo

VECI MESTIERI

Messaggio da refolo »

la sega che go' mi' impiccada sul muro, la xe vecia, la xe del 1901
come la Singer macchina de cusir de mio papa'. I me ga' offerto 200 dollari, ma la butto in TIP prima de darghela, oltretutto qua' i vendi solo chel mobile per quella cifra, i metti su' do' piante e VOILA' la veranda, mostra come un Museo.

Adesso non esisti niente piu' de ordegni, xe tutto macchinari elettrici,
spiane che le va' sole, no corri nianche che un le guardi, le xe come i Robot! Impossibile a creder.

Maria aka refolo


molighe el fil
ixolan
ixolan
Messaggi: 232
Iscritto il: ven 2 ago 2013, 21:59
Località: Trieste - quasi San Giovanni

Re:

Messaggio da molighe el fil »

babatriestina ha scritto:ecove el medesimo soraman de casa mia, che a casa mia i usava de più el termine spialla o spiana??
Immagine
Sta qua dela foto no xe un soraman, ma una spiana sgrosin.
El soraman xe longo da zinquanta zentimetri in su e devi eser longo per spianar driti i fili dele tole (xe quel de la foto de Trita).
In museo del castel de Lienz ani fa go visto un soraman longo do metri con i manighi per do persone.
Esisti anche la spiana dopia che la xe simile al sgrosin ma la ga el fero con una covertela regolabile e la va ben anca co i legni scontrosi.
Po xe xe le sponzeriole (sponderuole) che ga el fero che taia fin in zima, le servi per far imbei e canai
Altre spiane xe i bastoni (Sponderuole sagomate) che servi per spianar cornise.
El netagase xe una spiana particolar con la profondità regolabile che servi per far canai nel legno tra due tai fati con la sega pestariola, anca sta sega ga la profondità regolabile.
Xe tuti ordegni che el marangon artigian no dopra più de tanti ani, meno la spiana dopia che pol servir per qualche rifinitura.
Ogi se usa al suo posto machine e machinete eletriche.
Me stago fazendo una lista dei nomi in triestin dei ordegni de marangon che no se dopra più con el nome italian prima de dismentigarmeli del tuto.
De qualche parte devo aver un catalogo dela feramenta Grainitz che iera in corso, dove adeso xe la Upim, fin ala prima guera.
El xe dela fine del otozento e le figure dei ordegni e dela feramenta no xe fotografie ma incisioni.
Me lo gaveva regalà Renzo Kollmann più de vintizinque ani fa


Avatar utente
sono piccolo ma crescero
cavalier del forum
cavalier del forum
Messaggi: 8683
Iscritto il: ven 11 mag 2007, 14:08
Località: Trieste

Re: Re:

Messaggio da sono piccolo ma crescero »

molighe el fil ha scritto:Sta qua dela foto no xe un soraman, ma una spiana sgrosin.
....
Me stago fazendo una lista dei nomi in triestin dei ordegni de marangon che no se dopra più con el nome italian prima de dismentigarmeli del tuto.
Te dopri un saco de termini del mestier. Se te ghe ne ga altri, te ne li dà che li metemo nel vocabolario del dialeto?

De quei che te ga meso, te me spieghi meio cosa che xe
  • una spiana dopia
  • un legno scontroso
  • un baston
  • netagase: gasa xe qualcosa? se ciama cusì el canal? se ciama cusì i due tai? (in porto la gasa xe tuto altro me par)
  • sega pestariola: te me spieghi meio come che la xe fata? El Doria disi "sega con un solo manico per segare in piano"
Se te ga altri termini te ne li dà spiegandone cosa che xe e, se te lo ga, anche el termine corispondente in italian?
molighe el fil ha scritto:De qualche parte devo aver un catalogo dela feramenta Grainitz che iera in corso, dove adeso xe la Upim, fin ala prima guera.
El xe dela fine del otozento e le figure dei ordegni e dela feramenta no xe fotografie ma incisioni.
Me lo gaveva regalà Renzo Kollmann più de vintizinque ani fa
Varda che se te meti qualcheduna dele figure, no se ofendemo :wink: :-D :wink: e se te vol te demo anche una man a carigarle sul forum.


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Avatar utente
sum culex
no montar in scagno
no montar in scagno
Messaggi: 5945
Iscritto il: ven 20 gen 2006, 15:45
Località: Trieste - Rozzol

Re: falegnami ( marangoni)

Messaggio da sum culex »

Saria veramente assai interessante. Xè apassionante veder come che i nostri nonni e bisnonni lavorava el legno tuto a man.
Ogi spiane, seghe, frese e cussi via xè tuto eletrico: assai più veloce e forsi anche più preciso per quei che le sa doprar come che Dio comanda.
ciao
sum culex


molighe el fil
ixolan
ixolan
Messaggi: 232
Iscritto il: ven 2 ago 2013, 21:59
Località: Trieste - quasi San Giovanni

Re: Re:

Messaggio da molighe el fil »

sono piccolo ma crescero ha scritto:
molighe el fil ha scritto:Sta qua dela foto no xe un soraman, ma una spiana sgrosin.
....
Me stago fazendo una lista dei nomi in triestin dei ordegni de marangon che no se dopra più con el nome italian prima de dismentigarmeli del tuto.
Te dopri un saco de termini del mestier. Se te ghe ne ga altri, te ne li dà che li metemo nel vocabolario del dialeto?

De quei che te ga meso, te me spieghi meio cosa che xe
  • una spiana dopia
  • un legno scontroso
  • un baston
  • netagase: gasa xe qualcosa? se ciama cusì el canal? se ciama cusì i due tai? (in porto la gasa xe tuto altro me par)
  • sega pestariola: te me spieghi meio come che la xe fata? El Doria disi "sega con un solo manico per segare in piano"
Se te ga altri termini te ne li dà spiegandone cosa che xe e, se te lo ga, anche el termine corispondente in italian?
molighe el fil ha scritto:De qualche parte devo aver un catalogo dela feramenta Grainitz che iera in corso, dove adeso xe la Upim, fin ala prima guera.
El xe dela fine del otozento e le figure dei ordegni e dela feramenta no xe fotografie ma incisioni.
Me lo gaveva regalà Renzo Kollmann più de vintizinque ani fa
Varda che se te meti qualcheduna dele figure, no se ofendemo :wink: :-D :wink: e se te vol te demo anche una man a carigarle sul forum.
Se gavè un poca de pasiensa preparo le foto de i ordegni che resta de mio nono e de mio papà, qualchedun lo go porta a una spece de museo del marangon che xe a Sutrio (se pol visitarlo el primo vichend de setembre) e de questi zercherò de far un pupolo.
Farò prima posibile, ma go anca tre nevodi de tender a turno e una sia più vecia de mi che la se perdi.

Mio nono che iera venesian el xe vignù a Trieste ala fine del otozento e nel novezento e uno el ga verto la prima botega, no propiamente de marangon ma de intaiador.
Nel quindise sicome el iera regnicolo l'Austria lo ga rispedì in Italia e el xe andà profugo a Boscotrecase vizin Napoli.
Nel dicianove el xe tornà a Trieste verzendo una altra botega, ma esendo calà el lavor de intaio el ga scomizia a far anche el marangon iutado da mio papa e da mio sio che gaveva diciasete e quindise ani.
Farò prima posibile
molighe el fil


Torna a “Veci mestieri”