5G

argomenti de attualità  ( ciacole de salotin: Signora mia, la ga sentido che?)
Regole del forum
Collegamenti al regolamento del forum in varie lingue ed alle norme sulla privacy. in italiano.
Rispondi
Avatar utente
babatriestina
Capo postin
Capo postin
Messaggi: 36112
Iscritto il: domenica 25 dicembre 2005, 19:29
Località: Trieste, Borgo Teresiano

5G

Messaggio da babatriestina » martedì 21 maggio 2019, 21:34

me spieghè ben cossa che xe sto 5G che se missia tanto i cinesi, cossa el ga de novo, d e importante e perché qualchedun lo vol combatter, o cussì me par?


"mi credo che i scrivi sta roba per insempiar la gente" ( La Cittadella)

Avatar utente
sono piccolo ma crescero
Cavalier del Forum
Cavalier del Forum
Messaggi: 7243
Iscritto il: venerdì 11 maggio 2007, 14:08
Località: Trieste

Re: 5G

Messaggio da sono piccolo ma crescero » mercoledì 22 maggio 2019, 18:48

Premesso che mi go ancora un cellulare che servi solo a telefonar, e quindi non son proprio esperto, per mi la roba xe cusì:

I telefonini trasmeti via radio.

I primi TACS e ETACS trasmeteva su frequenze radio 450 e 900 mHz ognidun che parlava ocupava una certa banda de frequenze, per cui el numero de ciamade in contemporanea, in una cella, iera sai picio (e se li podeva intercetar facilmente).I trasmeteva in analogico. E questi, adeso, se li ciama 1G e no i esisti più.

Po' xe vegnudi i 2G che saria i GSM. I trasmeti su 800, 900 mHz e 1.8 e 1.9 gHz (1 GgHz= 1000 mHz). Inoltre el son che el micorofono registra vien trasforma in digitale, compresso e criptado. Xe una criptatura blanda, ma nei Usa i ghe ga meso sai anni per permeter de doprar sto sistema, perché i xe allergici alla criptografia. Essendo compressi i dati i vien mandai a pacchetti, come i dati che mandemo o ciapemo vai internet. Questo ga fato che se posi telefonar in tanti. Ghe xe stade subito perplessità anche sule frequenze doprade, perché ... i forni a microonde funzia a 2gHz e quindi ghe xe un fondato motivo de preocupazion che se te telefoni tanto o te sta tropo vizin a un'antenna, te se lesi la testa (o te vegni la catarata). Per questo l'Italia ga imposto che le centrali gavessi sai poca potenza (e xe per questo che de Barcola el telefonin te se colega co la Slovenia o co la Croazia che pol doprar emitenti più potenti). Esendo una trasmision digitale o el pacheto te riva integro e te senti quel che ghe xe dentro, o no te senti gnente. E cusì, se te ga poco campo te capita de sentir che i parla a tocheti.

El 3G ga introdoto la possibilità de colegarse a internet coi cellulari. El protocollo se ciama UMTS. La velocità de trasmission dei dati dipendi da quanti sta trasmettendo in quel momento. Le frequenze doprade xe sempre quele.

El 4G ga aumentado le frequenze a disposizion e quindi la velocità de trasmission dei dati via internet, perché ormai quel che ghe interessa ala gente xe questo: mandarse foto, colegarse a Firefox,a Whatsapp, ecc.

El 5G, prevedendo un aumento sempre più grande de l'uso de internet, va ancor su co le frequenze: se le onde radio dei primi lelefonini gaveva una lunghezza d'onda de 15-30 cm, le frequenze che adeso i ghe destinerà gaverà frequenze de 1 cm o anche meno. Questo meti in alarme per la salute. Ma meti in alarme anche l'uso che se ne vol far. Se vol che la gente in giro per el mondo posi veder la sua casa, controlar se ghe xe ladri, tacar el riscaldamento un per de ore prima che se rivi, ecc. Se vol che la gente posi vardarse un film in alta risoluzion su un telefonin che ga, de solito, un schermo picio, ma che se pol verzer e far diventar grande. Bel, però chi che gestisi el 5G sa se te son a casa o meno, e tante altre robe. Per esempio mi go un telecamerina che dal box punta sul rulè: mi poderia de in giro pel mondo saver se xe qualchedun in box. Per far questo la telecamerina, rigorosamente cinese, doveria telefonar in Cina e dala Cina rivarme a mi le informazioni: insoma ghe xe una dita cinese (ma se la fusi americana saria la stesa roba a parte el fato che no la costeria 20 euro) che sa cosa che nasi nel mio box e anche dove che me trovo mi adeso. Per questo mi go disativado questo servizio, perché la telecamera me servi per altro: la funziona anche con la wifi locale; se el rulè xe serado no la senti la wifi, se el xe verto la la senti, e cusì mi, de casa vedo se go dimenticado verto el rulè del box (quante volte che lo go fato!). La dita che xe al avanguardia coi server 5G xe la Huawei. Se ga paura che i ghe gabi meso dentro dele backdoor (dei modi per entrarghe dentro da parte del costrutor o del governo cinese e controlar tuto, al limite studar tuto lasandone in braghe de tela). Trump disi che ga le prove, mi no lo so, ma xe bastanza facile far dele backdoors in sti sistemi. Se volè saver meio cosa che xe una backdoor vardeve War Games, un film del 1983 quando che se doprava el colegamento al telefono con l'accopiator acustico e la velocità de trasmission iera, se la 'ndava ben de 300 bit al secondo).

Questo xe quel che so mi, e come che go dito, lo so per verlo leto, perché dopro sai poco el telefonin (15 euro me basta per un anno!). Quindi poderia gaver sbaglià o dito qualche roba no proprio giusta (eufemismo per c...!).


Non sono abbastanza giovane da sapere tutto. (J.M. Barrie - The admirable Crichton)

Avatar utente
babatriestina
Capo postin
Capo postin
Messaggi: 36112
Iscritto il: domenica 25 dicembre 2005, 19:29
Località: Trieste, Borgo Teresiano

Re: 5G

Messaggio da babatriestina » mercoledì 22 maggio 2019, 20:59

Alora zerco de dir quel che go capido mi ma no tuto forsi. de come che te parli, per che dipendi dele frequenze, come ai tempi de mama che la radio gaveva onde lunghe, onde medie e onde corte...?
co te me parli de frequenze e de microonde, al principio gavevo paura che co impizzo el microonde disturbo le telefonade o che le telefonade po lar partir el forno, par de no...
rivemo ala pratica ma %G xe el sistema ossia el programma de trasmission o anche el tipo de antenne, fisico? bisogna cambiar le antenne? meter nove? come che per passar al cavo se ga cablado ( qua a Trieste, quasi per gnente)?
fa solo c he i cinesi o fa anche altri? xe un brevetto o un segreto che no pol far altri?
e po riva altre robe: go leto de un allarmismo- che a mi me sa de complottismo- che disi che sto 5g ga bisogno per trasmeter ben de antenne basse e che le piante ghe intriga. e i insinua che quei che sta butando zo alberi in giro per el Europa no xe perché i xe marzi, ma per dar posto a ste trasmissioni . E tuto solo per cellulari?


"mi credo che i scrivi sta roba per insempiar la gente" ( La Cittadella)

Avatar utente
sono piccolo ma crescero
Cavalier del Forum
Cavalier del Forum
Messaggi: 7243
Iscritto il: venerdì 11 maggio 2007, 14:08
Località: Trieste

Re: 5G

Messaggio da sono piccolo ma crescero » giovedì 23 maggio 2019, 9:14

Xe question de frequenze e de tecniche de trasmission.

Per la radio, le onde lunghe medie e curte ga la stessa tecnica de trasmission, ma frequenze diverse.

La modulazion de frequenza vien doprada per la radio e, sostanzialmente, anche per la television analogica (quela che i ga studado).

Le frequenze VHF (Rai 1 de una volta) deso me par che le vegni doprade per la trasmission digitale delaadio (DAB; a Trieste se ciapa le slovene e, almeno mi, se xe bel tempo rivo a ciapar la rai da Pordenon).

Le frequenza UHF dela television le vien doprade ancora dala television digitale.

I telefonini dopra frequenze sempre più alte (ormai semo a livel dei radar).

El G5 no xe, di per sé, coverto da brevetto, xe brevetade le tecniche per farlo funzionar. Par che i cinesi dela HuaWei gabi prodoti migliori. In realtà un dei motivi de contrasto coi cinesi xe che se te ghe fa far a lori perché i costa de meno, alora lori pol doprar la stesa tecnologia anche per conto suo (go semplificado e conto quel che go sentido; insoma par che no i rispetti tropo i breveti).

Coi breveti, però, i americani gioga sporco anche lori. Pensa che i xe rivadi a brevetar i spigoli smussai dei telefonini. Per sfoter tuta sta storia dei breveti, un avocato australian xe rivado a brevetar la rioda: https://www.punto-informatico.it/tecnol ... -la-ruota/ e de conseguenza lui e l'uficio breveti australian ga vinto el ignobel nel 2001. Se te interessa questa xe la richiesta che el ga presentado https://www.tuv.com/media/germany/50_tr ... device.pdf. In realtà par che nel 2014 el breveto ghe sia stado revocado...


Non sono abbastanza giovane da sapere tutto. (J.M. Barrie - The admirable Crichton)

Rispondi

Torna a “Atualità non triestine”