No parlo de amici che te fa un soriso e te tira una cortelada. Parlo de quele parole in in italian vol dir una roba e in triestin un'altra.
Fazo qualche esempio, e naturalmente ve invito a zontar.
- BAGNO no xe quel local dove che ghe xe una vasca o i servizi igienici, bagno xe el stabilimento balneare
- DEI in dialetto no xe quei de l'Olimpo. DEI vol dir dita o anche DAI (esortativo).
- MARE no xe una distesa de acqua salada, che in dialeto se disi mar, ma la mamma.
- PERO no xe l'abero de peri che se disi perer, ma el frutto, la pera.
- PULITO vol dir tuto bene e andar a scola pulito, no vol dir andarghe dopo ver fato la docia, ma andarghe becando boni voti.