Comunisti.... guai a voi!

[Bilbo]

assolutamente senza nessuna propaganda politica, però era troppo bella per non rendervene partecipi....

[refolo]

BILBO!!!!!!!BILBO!!!!!!!
questo xe quel che go' sempre predicado mi, e che son stada accusada de esser fascista!
Ti non te ga' la piu' pallida idea che cossa che iera la Democrazia Cristiana! chei cercava de salvaguardar el popolo Triestin nel star nelle tradizioni cristiane? non xe da far paragon con la politica de oggiddi'!
Cristianesimo, xe una roba e la politica dovessi eser un'altra ma purtroppo
la iera assimilade, e tuti e due i partiti i se scornava.
Se el Cristianesimo ne insegnava d'esser cristiani e comportarse ben, el fascismo diseva d'esser eroi e conquistarse un avvenir prospero senza
intoppi, tutte e due ne ga' porta' interferenze, e per zonta dipendeva da
due altre nazioni Anglo-American col sistema de comando. Son contenta che discutendo tornemo al principio........Tutto xe stado fatto per ragioni de pase, che da quel che vedo adesso, nessun la vol.
Maria aka Refolo

[babatriestina]

Ormai xe passadi quasi 60 ani de quela volta, e anche se ghe xe un partito che se ciama comunista, ormai el xe solo che l'ombra pallida de quel che iera quela volta, e anche l'ateggiamento dei vescovi xe cambiado, a partir za dei anni 60 co papa Giovanni ga ricevudo el genero de Kruscev in udienza in Vaticano. No xe per mi una novità, savevo sta roba e ormai xe più storia che cronaca, tanto vero che vedo del tacomaco sora che i lo vendi ( ma el manifesto o la sua fotografia?) a 75 euro.
Curioso che l'anticomunismo xe deventado ssai de moda dopo el 1989, crollo del comunismo.
Comunque, ocio muli , che se stemo movendo su campo minato, perchè qualche nota storica va ben, ma su ste robe xe facile finir col far polemiche politiche e batibecarse, che xe quel che no volemo nel nostro forum

[Tirabaralla]

Xè de dir che quela volta nianca de l'altra parte ghe andava zò legeri...in Italia politicamente, in altre nazioni i passava a fati ben più gravi, quindi iera logico che fussi cussì. D'altronde per la dotrina marxista-leninista "la religione è l'oppio dei popoli" e daghe al prete o al pope...

Certo, ogi par strano...ma dopo gaver seguito l'ultima campagna eletorale (senza entrar adesso in merito), nianca più che tanto.

[Tu1]

Beh...no mal....Bilbo, se te gà uno dove che xè scrito che chi se fa le p...e :icon_silent: diventa cieco e ghe cressi i pei sui palmi dele man, per favor, meti anche quel....

Viva

[Bilbo]

Betta, condivido con ti el fato che poderia crear problemi, ma solo in caso de persone un poco ottuse , mi no seguo politica, e non fazo propaganda, ma sti estremismi de una volta deso fa anche rider.

go meso qua, che son sicuro che qualchedun vol salvarse la foto.
al minimo acenno del polemica podemo eliminar tuto senza problemi.

Tuco, no go ancora visto quel, se me capita soto i oci, come me xe capità questo (gavesi el tempo per zercarli saria anca bel) sicuro che in salotin te lo trovi.-

[babatriestina]

Mi diria, come comento general, che le stesse parole ( chiesa cattolica, comunismo, scomunica... ma anche altro) adesso se riferissi a realtà che in più de mezzo secolo xe cambiade e molto, e me par che xe chi che zoga, e secondo mi spesso per tirar l'acqua al proprio mulin ( esisti un corispondente triestin dela frase?) , proprio su questo, atribuindo ale realtà de oggi le caratteristiche de ieri.

[Coce]

Xe sempre stada un ilusion che la religion dovesi eser separada da la politica, infati le due le xe inseparabili e xe logico che sia cusi'.
Quel che sta' sucedendo xe che la opinion publica sta' lentamente cambiando, e la gente no xe piu' disposta a acetar la grande opulente richezza e nel stesso tempo la piu' estrema miseria e poverta', de conseguenza xe un leggero spostamento dal centro destra verso el centro sinstra, no solo che in Italia ma in tuto el mondo, e le chiese Cristiane le se adegua a le circostanze. Mia opinion. Ciao Coce

[Tu1]

[quote]Quel che sta' sucedendo xe che la opinion publica sta' lentamente cambiando, e la gente no xe piu' disposta a acetar la grande opulente richezza e nel stesso tempo la piu' estrema miseria e poverta', de conseguenza xe un leggero spostamento dal centro destra verso el centro sinstra, no solo che in Italia ma in tuto el mondo, e le chiese Cristiane le se adegua a le circostanze[/quote]



...no qua in Italia: qua se te gà te son furbo, se no te gà te son mona. E che i altri....vadi a farse c....r (ogi 'ssai puntini....)

[Coce]

Quel che sta' sucedendo xe che la opinion publica sta' lentamente cambiando, e la gente no xe piu' disposta a acetar la grande opulente richezza e nel stesso tempo la piu' estrema miseria e poverta', de conseguenza xe un leggero spostamento dal centro destra verso el centro sinstra, no solo che in Italia ma in tuto el mondo, e le chiese Cristiane le se adegua a le circostanze

....................................................................................................
Quota

...no qua in Italia: qua se te gà te son furbo, se no te gà te son mona. E che i altri....vadi a farse c....r (ogi 'ssai puntini....)

......................................................................................................
No voio eser pesimista, e credo che in Italia, e in tanti altri paesi emancipai xe tanta gente che se domanda "Quanto xe suficente aver?" A discapito de quei che no ga niente, e son sicuro che ghe xe dela brava gente che mi ritegno tut'altro che Mone, e spero che anche ti te pensi come mi. Quei che credi de eser furbi i sofri solo de ingordisia e avarisia.
Ciao Coce

[Tirabaralla]

Penso che quei che se senti "furbi"...ne gavemo per tuto. Italia e estero. Destra e sinistra. Sora e soto. Personalmente no aprezo e no stimo.

[rofizal]

Tirar fora robe del 1947 no me par molto oportuno, ma se se richiama a quei tempi bisogna vardar la situazion nel suo insieme, comprese le note numerose uccisioni de preti avenude in Emilia Romagna (e altrove), ne l'imediato dopoguera, da parte proprio de comunisti (no quei de ogi, oviamente). Basta zercar su internet per trovar un mucio de nomi e fatti.

Quindi niente de meravigliarse se fora dele ciese podeva anche comparir quei annunci. Ma xe roba, per fortuna, ormai dimenticada e spero che quei tempi no ritorni mai più.

Mi no son credente, ma le verità a metà non le me ga mai piaso.

[Larry]

Lassu diceva Refolo: "e per zonta dipendeva da due altre nazioni Anglo-Americano col sistema di controllo" --- ma cosa gavei voi altri contro l'Anglo-Americano? Indifferente cosghe nasce in sto mondo, vedo scritto in sto Forum e altri e anche nei zornai del terzo mondo (dove sta l'Italia??) che ga sempre colpo noi Anglo-Sassoni? Non pol mai aver colpo gli Italiani - o i Francesi - o i Tedeschi - o i Slavi, - o i Greci - o gli Africani - o i Giapponesi - o i Cinesi - o gli Indiani, Pakistani, l'Arabia Saudita? l'Iraq, l'Iran? Perche sora di noi deve cadere la vostra ira??
Corpo di bacco, son stufo di leggere che noi gavemo colpa!! Se i nostri paesi e governi son cosi maledetti e brutti e colpevoli, perche emigrati e venire vivere preso di noi? Guardandomi attorno in questo piccolo parte dell'Inghilterra dove vivo, a mi pare che non son piu Italiani che vivono in Italia. Per non contare quei che son andai in America, in Australia e in Sud-America. Se odiati il vostro paese cosi tanto che doveti emigrare, almeno abbia la coscienza da non dare tutto i colpi a noi Anglo-Americani. Ricordati che ci sono piu Italiani che vivono nei nostri paesi di quanti vivono ora in Italia e quando bestemmia a noi, forse bestemiate ai vosti connazionali!!!!!!!!!!!!!!!!!!!!!!!!!!!!!!!!!!
Larry(anche un gentile agnello si prende della rabbia ogni tanto!!

[Bilbo]

Rofizal, come go scrito, no ghe iera alcuna malizia da parte mia, nel meter sta imagine.

mi sono giovane, e una roba del genere no la gavevo mai vista, xe per questo che la me ga colpì e go volù mostrarla. Per come la vedemo noi (giovani) ogi, saria una roba inconcepibile, ma comuneque xe interesante saver che una volta ghe iera anche ste robe qua.



Deso chiudo el 3d, per evitar altre discusioni che podesi finir in zone pericolose (vedi refolo e Larry).