Omini violenti e assassini

[babatriestina]

Se lei spesso de omini violenti e assassini, apena sti giorni una povera mula xe stada copada del suo " fidanzato" . Eco za la parola fidanzato me lassa perplessa, fidanzato una volta voleva dir che se gaveva intenzion de sposarse e che se se voleva ben, adesso me par che va per tuto, compagno, mauco, partner... un se speta che i fidanzati se voli ben, che al massimo sparissi per una fuga per sposarse.. e inveze no! el la ga copada. Perché? no go seguido ben, ma se go ben capido, perché no la lo voleva più sposar o comunque no restar con lu. E questo tanti omini no acetta: e sia ben ciaro inutile parlar de violenza " de genere" perché de done che copi un omo che le lassa no se senti parlar...
po xe quel che nassi anche co i xe sposai, done che se lassa pestar, omini che ghe par normal ciapar a sberle la moglie ( detto cinese: quando torni a casa picchia tua moglie: lei sa perché) e che le copa se le vol molarli e divorziar. ( lassemo star i casi complicai de islamici etc, questo fa anche i omini nostrani.)

eco, a Trieste forsi xe un poco meno diffuso questo andazzo, ma posso contarve osservazioni: come che diseva mia povera mama, i caratteri se vedi anche zogando a carte: me son trovada e zogar con coppie de fidanzati e go spesso notado che iera sempre el omo a dir " te son la solita sempia, no te capissi gnente, no te sa zogar..." mai la donna a lu. (mi fra de mi disevo un cussì no lo volessi.. sarà per questo che son puta vecia?) e me domandavo come che ste mule se lassava dir: no me pareva una bona premessa de matrimonio felice.

E po go avudo un amirator, sui 18 anni, no triestin: el me ga fato le bele, al primo momento iero lusingada, ma nel giro de pochi giorni me g o inacorto che no gavevimo gnente de dirse e che la sua presenza ma tegniva lontani muli che magari me interessava de più: ghe go dito cole bele che nol fa per mi, zercando de esser gentil... e de no taiar de bruto, el me fazeva passion, e po ierimo nela medesima clapa. El mato no se la ga messa via e dopo un poco de tira para mola ( che lo go illuso e lassado) el ga scominziado a spetarme per strada disendome che son bruta, sempia, che no troverò mai nissun... la me xe andada ben perché ga bastado farghe far una telefonada de un avocato che el finissi de romper... po per fortuna el xe andà via de Trieste. Ma ve confesso che a mezzo secolo de distanza co go visto el suo nome su facebook... lo go bannado subito per no aver nissuna voia de incontrarlo gnanca virtualmente. E go imparado che a volte xe meio eser un poco brutali nel dir " no gavemo gnente de far noi due" che tirar per le longhe che magari no i capissi.

[Blues Briso]

Son d'accordo: no xe de gaver pasion de chi che se lassa, perché se no senti emozioni bele, no xe de coltivarle.
Mi go sentì el pare del mulo dela notizia de sti giorni che co el xe sta lassà, sto mulo el ghe ga dito che el se copava. Se fussi sta in tel pare ghe gavessi molà un sc'iafon e ghe gavessi dito de no rovinarse la vita, che tuti ga soferto, e 'po, gavessi fato de tuto perché no ghe coressi ancora drio a sta putela. Ma ormai noi genitori, semo là che sofrimo per lori e li giustifichemo... fin che no la combina grossa, dopo i diventa mostri.
Comunque ste persone che se la ciapa co le babe, xe tuti ometi senza spina dorsale, che no i xe boni de star in pie da soli. Sto qua par che el se vergognassi che la putela se stava laureando per prima... mi me par che bisogna esser proprio dei meschini per copar una per questo.
Ste persone no xe in grado de superar un "no, no te voio". Quando bastassi meterse el cuor in pase e ndar avanti, senza vardarse indrio. Patir se patirà, ma prima o dopo passerà, vivadio. No i ga el minimo amor proprio. I se rovina la vita per una che no lo vol. Se no fossi una tragedia, saria ridicolo.
Adesso par che i farà dell'educazion ai sentimenti a scola, e me vignissi ancora più de rider, perché a scola de mia fia, ale elementari iera muleti che ghe se rivolgeva ale compagne con "sta zita pu...na", e le maestre fazeva finta de no sentir, e no le ga mai ciolto provedimenti, anzi se el masc'eto el gaveva boni voti el gaveva anche bei voti in condota...
Mah. E xe femine anche le maestre...

[Ciancele]

Caro amico, ai mii tempi (go de sicuro qualche mese più de ti) se usava dir: Chiodo scaccia chiodo. Co’ la mula te lasava, te ciolevi un’altra e tuto finiva là. Po iera quel che ghe diseva ala mula: Se no te me lasi far quele robe, me buto zo dela finestra. E la mula la scominciava za a prepararse. Dopo fato, el mulo fazeva una strica sul calendario: Tiro fato. Alfa tau. Iera un, i lo ga meso anca sul giornal, che ghe diseva ale babe: Son malà e morirò. Prima de morir volaria però 'ndar in paion con ti. E la baba ghe lasava. Anca mi go volesto provar una volta se funzia e ghe go dito ala mula: Se no te me lasi, me buto dela finestra. E ela: Butite. ‘sta disgraziada se ga inacorto che ierimo sì in terzo piano, ma che quaranta centimetri soto la finestra iera una teraza de almeno zinquanta metri quadrati con ringhiera. Dipendi però anca dela latitudine. Se la mula la va con un altro, in Cabibia i „sfrege u facce“, a Trieste se ghe dà forsi un scopeloto e se la manda in m… Se la tua mula va coi altri xe destinà cusì. Tango dele rose. Quando a Trieste un mulo rompeva, la mula ghe diseva: Giovinoto, la se svilupi. E el giovinoto se svilupava, insoma el andava a romper in una altra location. Senza barufe. E el pensava: Povareta, se no te vol xe colpa tua e te se pentirà. El mio amico inglese George diseva ala mula che no lo voleva: Tu niente piaci quela cosa, tu molto più bene morire. Po a mi: Shake the bottle before using. Traduzione: Ciapila pal colo, daghe un scason e po bon. El ga sposà una mula de Opcina, ‘sai cocola.
Per chiudere: Per queste persone bisogna gaver più compasion che zigarghe. Le ga de sicuro problemi anche in tanti altri campi.

[Piereto]

Me par che ne la nostra società manchi sempre de più persone che ga le idee ciare, e se i le ga noi te le disi e i se le tien per se andando per la sua strada. Quindi oggi xe tanta muleria che se perdi, perché i loro genitori sa ga perso anche lori prima. Xe una somma de apprendimenti sbagliadi e anche i educatori se aggancia a teorie permissive.

[Blues Briso]

Caro amico, ai mii tempi (go de sicuro qualche mese più de ti) se usava dir: Chiodo scaccia chiodo. Co’ la mula te lasava, te ciolevi un’altra e tuto finiva là.

Ah, ma mi son sai d'acordo, mi me son sempre sai inamorà de tute quele che go vù, ma co se lasavimo, seravo la porta, anche se pativo. Però de solito durava per poco perché go quasi sempre trovado un'altra, presto. Mia mama diseva che co se sera una porta, se verzi un porton. In efeti xe la miglior cura ai problemi de cuor. Verzer portoni, digo.

[sono piccolo ma crescero]

Assisto in questi giorni alla demonizzazione del maschio, non solo da parte della sorella della povera Giulia Cecchettin che, disperata, chiede ai maschi un esame di coscienza, ma anche da parte di maschi.

Sono cresciuto da piccolo col complesso di colpa: "nessuno sa se andremo in paradiso o all'inferno, solo Dio lo sa" mi insegnava l'insegnante di religione. Oggi siamo tutti convinti che andremo in Paradiso, ammesso che ci sia: noi ci andremo di sicuro; gli altri forse no. E infatti tra chi va a messa, tanti partecipano alla comunione, ma pochissimi si confessano. Quindi l'esame di coscienza è un poco passato di moda; e allora proviamo a farlo tutti, uomini, donne, bianchi, neri, cristiani, musulmani, ebrei o agnostici.

In questi 70 anni in cui ho l'uso della ragione ho visto la società sbarazzarsi sempre più di freni inibitori. La mia impressione è che ormai non ci si vergogna del nostro improprio comportamento, perché nessuno di noi ritiene che si sta comportando male; poi magari ci vergogniamo quando ci beccano e soprattutto ci vergogniamo di esserci fatti beccare. Riteniamo, in questo caso, che le norme che abbiamo violato siano ingiuste (andavo a 80 col limite di 30, ma la strada era libera) e ingiustamente restrittive della nostra libertà ed in ogni caso siano colpe veniali: ho ammazzato uno? ero in preda ad un raptus, non è colpa mia.

Torniamo alla violenza di genere. Non mi passa nemmeno per la testa di negare che ci siano maschi che, per la loro maggior forza fisica o il loro maggior potere economico, taglieggiano le donne che si trovano a incrociarli nella vita. Però cerchiamo di non giudicare le persone per una loro caratteristica, l'essere maschi, che nulla ha a che fare col loro carattere: è un maschio? quindi è un violento stupratore e potenziale assassino; è un nero? quindi è un ladro di cui diffidare; è un ebreo? quindi è uno che vuole impadronirsi dei miei soldi; è un musulmano? quindi vuole sostituire alla nostra civiltà la sua; ... Vedete dove andiamo a finire?

Queste contrapposizioni sono frutto di una società intrinsecamente diffidente e quindi violenta.

Però parlare male della società che è violenta non è di moda, perché, in definitiva, ci coinvolge e colpevolizza tutti. Allora prendiamocela con la scuola che non educa a sufficienza. Facciamo fare un'ora alla settimana di educazione alla tolleranza di genere anche se credo di non aver incrociato in 35 anni di insegnamento un collega che non facesse passare, tra la matematica, l'italiano e la ragioneria, un messaggio del genere.

Ma ci rendiamo conto di quanto debole è la voce della scuola? Cosa volete che sia un'ora alla settimana di educazione alla tolleranza per un ragazzo che poi, a casa, passa il pomeriggio a giocare con realistici giochi "sparatutto" dove lo scopo è ammazzare, in maniera estremamente coinvolgente, un altro ragazzo che, vestito con i panni di chissà cosa e collegato in rete da chissà dove, cerca di fare la stessa cosa con lui. Per fortuna le morti sono virtuali, però ci si vaccina contro la gravità di questo atto.

Cosa volete che sia un'oretta alla settimana passata sonnecchiando sui banchi ad ascoltare chi ci spiega che dobbiamo imparare a rispettare le donne, quando poi a casa quello stesso ragazzo si può sbracare a guardare film violenti dove lo stupro o l'omicidio sembrano veri ma che quando arrivano i titoli di coda, tutto è cancellato, il dolore e la colpa? E quando ha finito di guardare il film si rincoglionisce davanti a finte liti dei reality show?

Prendiamocela con la scuola che non educa, quando tutto il resto della giornata, da genitori, amici e parenti i ragazzi imparano che la scuola non vale niente, che la società che la scuola propone e che dovrebbe premiare il merito e punire il colpevole, non è quella vera perché in realtà la cosa più importante è far carriera, far soldi, prevaricare sugli altri e combattere, con mezzi leciti o illeciti, per "non essere fregati".

[babatriestina]

e di più " esser stronzi" ormai è diventato un complimento e un obiettivo.

Io aggiungerei che mi son stufata di leggere in continuazione la deplorazione del " patriarcato" e ogni volta penso ma cosa ha fatto di male il patriarca di Aquileia? poi mi ricordo che è il pendant del matriarcato...

[Blues Briso]

Gavevo letto el post de spmc e volevo dir che mi de putel scoltavo tanto tuti e poco mia mama, a scola go avudo mediamente dei boni insegnanti, anche umanamente. Tanti me li ricordo proprio perché iera seri (anche quando no iera simpatici) e i fazeva el lavoro con criterio. A mi me ga formado anche lori. E zonto nella mia esperienza formativa anche i "maestri" del ricreatorio. Adeso inveze me par che gli insegnanti sia una maniga de incompetenti (ad es. la prof de francese de mia fia, no la xe bona de parlarlo e la va a zercar su internet le parole semplici che mia fia sa: la disi che la se ga dimenticà la lingua, perché po, se la la insegna? Ma gavessi anche altri esempi..)
De sicuro la scola no ga tuti i mezi per risolver la question de sti patriarchi che rovina el mondo. Ma de sicuro un insegnante pol impor in classe che i masc'i rispeti le femine (e viceversa) e de far sì che certi epiteti no se usi. Po, se disemo tuto, zontemo anche che nanche la famiglia pol evitar de scancelar tute le idiozie che i media de ogi ghe fica in testa ai muli de ogi. Mi parlo speso con le fie e zerco de farghe capir cosa xe ben e cosa mal... ma no so veramente cosa ghe resta e cosa inveze le pensa sia roba "de veci".

[Piereto]

Se posso dir la mia. Una volta tanti anni fa esisteva la censura sui film, perché certe robe no iera bel de mostrarghele ai muleti . Oggi se trasmetti de tutto, e basta solo meterghe un bolin o un per de numeri, davanti a la trasmision . Col telefonin xe rivada la realtà virtuale e de novo i muleti ga libero accesso a scene de violenza. Semo anche noi adulti circondati da reali atti de violenza co andemo fora de casa. Cioè tuto xe permeso e nisun intervien. I freni inibitori xe scarsi perché stemo regredendo a forme primitive sociali. El mascio copa chi che entra nel suo teritorio e ghè porta via el magnar o le done, e la femmina copa chi che ghe fa del mal ai sui fioi. Questa xe la società occidentale .Se ga perso l' equilibrio tra quel che se pol far e quel che no se devi far, in nome de la libertà .

[Blues Briso]

Cioè tuto xe permeso e nisun intervien. I freni inibitori xe scarsi perché stemo regredendo a forme primitive sociali.

Infatti... una volta gli insegnanti gaveva ragion sempre, desso i genitori ghe da sempre ragion ai fioi. Una volta co te ieri fora de casa e te fazevi el monelo i "veci" te zigava anche se no I te conoseva e te stavi zito e te se la tegnivi in scarsela. Ogi i fioi/muli xe liberi de far tuto quel che i vol i te rispondi mal come se fussi tuto dovudo. I vol ciapar un fraco de bori per lavori che no i xe gnanche boni a far (solo perché no i ga esperienza, ben inteso)... piutosto de far gaveta i se fa mantignir.
Me dispiasi perché veramente co me scolto, me par de esser un vecio brontolon che la ga co la gioventù, ma davero no li capisso i muli de ogi. Un famoso pampel che no ga idea de cosa vol dir lavorar, disi che se devi istituir el bonus psicologo per i giovani e zo applausi da tuta la società, ché porca miseria, sti poveri putei i xe in crisi... Come se quei prima de lori no i ga mai vù fisime durante l'adolescenza. Mi digo: per forza che i vien su che i ga sempre bisogno de qualchedun che ghe risolvi i sui problemi. Una volta a 19/20 se iera za omini boni per far tuto quel che vol dir esser omini (non che tuti iera brave persone, eh, ma comunque tanti i metteva su famiglia in quel periodo). Adesso no. Per forza che dopo i muli i se taca su una mula, perché no i ga la sicurezza della farghela da soli... una volta sucedeva el contrario (più spesso). Adesso tiremo su dei signorini viziatelli e guai a tocarli. Xe ovio che dopo vien fora gente come el protagonista dei tigì de sti giorni, che tanto el voleva coparse che el ga copà la mula che lo ga lassà (la mula no la ga fato quel che lui voleva), po nol gavudo el coraggio de coparse (povereto, el stava sofrindo e nisun ga risolto el suo problema), e desso lo stato ga paura che el possi farse del mal. Ma dale premese no me par che gaverà mai coragio de farse mal, più facile che el ciapi un'imbiecada. Ma no dovemo preocuparse perché fra un dodise ani el sarà de novo fora e el stato zercherà de trovarghe un impiego perché bisogna che lo iutemo a inserirse de novo nela società, povereto.

[babatriestina]

sì, ben bon, viziai, senza controlli... ma perchè xe i masci sempre a esser violenti e copar le mule che li pianta e no viceversa??

[babatriestina]

che po disemo adesso... mi son stata un poco tirada su come un mascio nel senso che i me portava sempre come modello mio papà.. " papà iera cussì, papà fazeva colà.."
ma ai mii tempi ssai lontani però co disevo "ma papà... " me vegniva risposto per farme taser " ma LU XE OMO" e quindi podeva far quel che a mi no i me lassava. E questa iera el educazion de una volta..

[Blues Briso]

sì, ben bon, viziai, senza controlli... ma perchè xe i masci sempre a esser violenti e copar le mule che li pianta e no viceversa??

Mah, sucedi molto meno, ma sucedi anche el contrario. Forse più done che mule.

ai mii tempi ssai lontani però co disevo "ma papà... " me vegniva risposto per farme taser " ma LU XE OMO" e quindi podeva far quel che a mi no i me lassava.

Beh, no so in che particolari situazioni vigniva dito cusì, ma per esempio anche mi ghe digo ale fie de no ndar in giro da sole de sera, e mi inveze, tornavo a casa a pie da servola a rojan, co tornavo de casa dela morosa, perché no iera più autobus. Volente o nolente xe dele robe che le femine xe consigliabile che no le fazi. Che sia giusto o meno.

Per come la vedo mi, el motivo per cui de solito xe l'ex che copa la dona, xe perché el mas'cio 1, el ga tendenzialmente un carattere più esplosivo dela dona, 2, el sofri quando che el se corzi che la dona xe più indipendente de quel che'l pensava, ma sta roba sucedi de sempre (basta pensar ala storia dela Carmen, che ricalca le vicende che speso sentimo, scrita tanto tempo fa) 3, probabilmente nisun ghe ga insegnà a sto mas'cio che nela vita se patisi e che se ga de meterse el cuor in pase. Mentre apunto le babe le xe stade abituade che no le pol far/gaver tuto 4, la dona co ciapa una decision de cambiar vita/partner nove volte su diese, no la torna indrio, inveze el masc'io xe più dificile che taii i ponti, per cui la vivi come subir la decision de ela e qualche volta no'l riva ad acetarlo.
Mi me son reso conto nei ani che, generalizando, noi omini soto soto un temperamento tendenzialmente più iracondo dele femine, lo gavemo; se per sbaglio uno coltiva pensieri negativi e no'l cambia strada/vita el finisi per gaver pensieri distruttivi ossessivi. La dona secondo mi la ga mecanismi completamente diversi. Po sopratuto per quela che xe la mia esperienza, in gioventù le xe molto più decise e le va più drite verso i propri obiettivi rispeto ai mas'ci, e de questo qualche mas'cio che se senti in competizion, el se fa infastidir fin a osesionarse.

[Blues Briso]

L'ultima roba che me vien inamente, xe el fato che el mas'cio el se senti più fragile co'l pensa de gaver investido tanto nela relazion. Co la mula ciapa el largo el se senti "defraudà" del suo "investimento"...
A mi in particolare, con una (che no iera nanche la prima morosa che go avù) no podevo pensar che la fazesi con qualchedun altro le robe che la fazeva con mi, la vivevo come se la volessi farme del mal. Go dovesto sforzarme sai per no pensar e per alzarme e ndar vanti con la mia vita. Go fato in modo de no incrosarla, dopo poco co la go rivista no fazeva più cussì mal.
Ze bastanza vero: lontan dagli occhi, lontan dal cuore.

[Ciancele]

Te sa, dipendi de come che se varda. Ani e anorum fa un mio amico, co’ la mula la lo ga lasà, el me ga dito: Che fortunon, la mula me ga lasà. Come fortunon, go domandà. Sì, el me fa, cusì no ocori che la laso mi. E po el me fa che no’l ga el coragio de lasar le mule e ‘lora el ghe conta che la sua religion ghe imponi de eser poligamo. El gaveva tre tochi, ma mai un giorno libero. De domenica iera stres: de matina una, dopopranzo la seconda e de sera la terza. L’ultima iera sempre quela del scuro in graia, in via Romolo Gessi. Bisogna ciapar la vita come che la vien.

[Blues Briso]

Ahahah, si si anche mi me xe capitai quei periodi e la volta che me go fato lasar, ma mi parlavo dele.volte che se ciapa una vera sbandada

[mandi_]

Tanti anni fa mi sono sposata. Ricordo, erano gli anni 70, che noi ragazze di quei tempi portavamo le minigonne e molte di noi durante le vacanze scolastiche svolgevano lavori stagionali che ci permettevano una certa indipendenza dalla famiglia.
Mi sembrava di poter essere diversa da mia madre, casalinga, e volevo trovare il mio posto nel mondo grazie ai miei studi, diventare autonoma, sfuggire anche all’autorità di mio padre, buono ma piuttosto autoritario.
A quei tempi per una donna non era così automatico “poter studiare” e soprattutto non lo era dopo la maturità. Io, nel corso della mia vita, son stata a volte derisa per aver “studiato” e non essere stata piuttosto impegnata nello studiare ricette o sistemi fantastici per pulire casa, oltre a studiare sistemi per rendermi più carina.
Insomma mi sono sposata per amore ma anche per “uscire di casa”, per rendermi indipendente e per formarmi una famiglia mia. Invece i miei genitori avranno pensato che la figlia “si era sistemata”.
Mi è andata veramente bene. Mio marito mi ha dato sempre la sensazione di sentirmi libera come lo era lui, maschio; non è mai stato geloso, non mi ha mai “controllata” e il nostro matrimonio è stato basato sulla fiducia reciproca e sulla responsabilità.
Naturalmente ho imparato in fretta a cucinare piuttosto bene, a occuparmi delle pulizie di casa e a seguire con affetto ma attenzione i figli.
Perché vi racconto i fatti miei, un poco banali?
Perché pensavo che certe cose fossero superate, che le donne di oggi potessero essere libere, anche di studiare, di viaggiare senza timore, potessero lasciare un uomo non adatto a loro.
Invece vedo oggi troppe donne giovanissime o adulte che vengono brutalmente maltrattate in casa, offese perché non accettano supinamente il controllo del loro compagno, stuprate, ammazzate.
Tantissime donne non sono libere, il vecchio proverbio “che la tasa, che la piasa, che la staga a casa” non è superato e questo per moltissimi uomini è un problema.
Giulia era una brava ragazza, si stava laureando prima del ragazzo che voleva lasciare, voleva solo essere libera di fare le sue scelte di vita.
Forse son cambiate le donne, ma non sono riusciti a cambiare mentalità molti uomini.
Amare non vuol dire possedere, vuol dire rispettare. Vuol dire che per essere felici bisogna essere in due.
Tutti noi, uomini e donne, dovremmo imparare il valore della parola “rispetto” e penso che la scuola potrebbe aiutare in questo le famiglie, molto spesso disorientate e incapaci. Le famiglie spesso pensano di più a dare cose che valori. Molte famiglie non sono così per fortuna, ma oggi è veramente difficile essere genitori.
Gli insegnanti dovrebbero essere formati anche a questo, come i poliziotti e tutti quelli che hanno a che fare con giovani.
Se no continueremo a tingere panchine di rosso e a dire “Non una di meno”. Ma dopo che è successa una tragedia. Bisognerebbe pensarci prima.
Spero tanto che la manifestazione di ieri, così partecipata, porti le persone almeno a parlare di più su queste tematiche purtroppo attuali e a capire insieme come porre un argine a tutto ciò.

[Piereto]

Amare non vuol dire possedere, ma rispettare. Mi sembra davvero una bella frase e il nocciolo del problema affettivo. Sembra a molti che la scuola debba occuparsi anche di questo, ma gli insegnanti non possono diventare di punto in bianco dei tutologhi. Ogni governo dal secondo dopoguerra ha messo mano alla riforma della scuola, e oggi gli insegnanti sono diventati dei burocrati, devono seguire programmi e regole che cambiano di continuo, scimmiottando il modo di educare nordamericano. Grande permissivismo per scongiurare dittature e rivoluzioni, e i risultati di vedono. Crescita esponenziale di bullismo e formazione di bande giovanili, scimmiottando quello che passa la cultura dei videogiochi. Siamo stati fortunati ad andare a scuola nel secondo dopoguerra perché i maestri si erano formati con una educazione diversa. Come si direbbe oggi con un gergo militare, le regole di ingaggio erano diverse.

[babatriestina]

Sante parole!

[Ciancele]

Mi credo che voler cambiar la gente sia un sogno tipo aurea aetas. Bisogna eser contenti che no sia pezo. Ognidun de noi deve eser responsabile par se steso e no se pol dar la colpa ai altri se no funzia. Saria tropo facile. La scola xe sempre stada quela che iera. Mi go vu la fortuna de gaver un maestro ale elementari par tuti i zinque ani. Ala fine el ga dito ai mii de no meterme in una scola tecnica. Quela volta iera le cosidete aviamento comerciali (la Rismondo), tecniche (la Brunner) e marinare. Par chi che voleva imbarcarse. Insoma el se ga fato pensieri par dopo. Purtropo dopo le comerciali go fato un ano al Volta. Con do zanche! Pien de clanfe nele materie tecniche (uno in oficina; uno par incoragiamento, parchè zero saria sta più giusto) e diese in tedesco. I me ga tirà fora e meso al Carli, ma a un corso bienale par computisti comerciali. La roba più semplice saria stada de meterme subito ale medie par ragionieri, ma no gaveimo patus e gnanca nisun che ne consili. El mio ultimo giorno de scola xe stado ala fine magio 1944. I profesori no iera de invidfiar con noi muli disgrasiai. Tuti spetava la cartolina par far el militar. Ma gnanca noi muli coi profesori. Mi go imparà tuto dopo la guera a mie spese, inveze de ‘ndar a balar. In Germania go fato un esame de stato, parchè iera posibile sostituir la matura, che no gavevo, con una dichiarazion dela dita che iero bravo. Tuti parla mal dela cesa, ma mi devo ringrasiar la cesa par mi (e anca par mio fradel) e par i mii fioi se no gavemo vu problemi de droga o de bande de minoreni. E i mii nipoti xe anca par bene: tuti tre i fa l’università. Forsi son ‘ndà un poco fora tema. Anzi de sicuro, come sempre. Volevo dir che tuti i pretendi tropo dela scola. Xe la familia e la mularia stesa che devi darse de far par l’educazion. Sarà dificile trovar un che no xe sta mai lasado o che no ga lasà nisun. Bisogna acetar la decision dei altri, ma se trovarà sempre qualchedun che no aceta. Semo fioi de Caino e risultato de incesti. Cosa se pretendi? Scusè se la go fata longa.