sono piccolo ma crescero ha scritto: ven 21 nov 2025, 6:28
Stago legendo anche, la sera prima de 'ndar a dormir, un altro: Ian Stewart, Le 17 equazioni che hanno cambiato il mondo, ed. Einaudi.U
de Stewart go leto anni fa The problems of mathematics, scorrevole, se bene ricordo ma xe roba del 1992. El scrivi ancora?
( xe ot mas mi prima de amdar a dormir go apena finito un libro su Verdun nela prima guera mondial: noi legemo per lo più del nostro fronte, ma i orori che iera a Verdun! per el a utor xe stado un dei punti chiave del fronte francotedesco.
"mi credo che i scrivi sta roba per insempiar la gente" ( La Cittadella)
Tuto interesante, Se te affini i termini de la ricerca per adeso la iA va nel panico , opur la xe istruida ben e la rispondi con richezza de particolari, ... ma el pericolo xe drio el canton.
Cioè la IA la sostituirà la elaborazione umana e sparirà posti de lavor afidadi ai umani sopratuto perchè se fa strada a tuti i livei l'idea ingorda de far soldi. Perchè mantinir milioni de esseri umani che tra l'altro inquina e ciucia risorse, se li poso sostituir con la IA inserida in un robot? Spetemo un per de generazioni e forsi se avvererà questa possibilità de un pianeta comandado da una elite ricchissima de un per de milioni de individui che occupa tuto el pianeta inveze de otto miliardi, opur sta elite oltre a eser avida ,la brama el potere, e quindi la ga ancora bisogno de milioni de esseri ignoranti a cui te ghe lasi leger le risposte de la IA oportunamente emendada. Meno mal che alora no ghe saremo.
Zerte volte anche a mi me vien de pensar che l'elite pensa de far sopraviver i sui discendenti in un mondo dove i poveri xe stai sterminai dala povertà e le risorse se le goderà lori che esendo de meno gaverà modo de farlo. Tanto i userà i robot che lavorerà per lori... Xe fantasienza, ma nanche tanto...
Vosi e lingue sconossude me bati sule orece nude. El posto xe 'l steso, ma mi no 'l me par, adeso. Tuta sta gente de ndo' la riva, ché no la va via? O inveze xe i mii che me schiva? E pur ara, che mi son casa mia!
Le competenze di cui i futuri laureati avranno più bisogno nell'era dell'automazione – pensiero creativo, analisi critica, capacità di apprendere cose nuove – sono proprio quelle che, secondo un crescente numero di ricerche, potrebbero essere erose dall'inserimento dell'intelligenza artificiale nel processo educativo ; eppure, le università di tutti gli Stati Uniti stanno ora correndo per integrare la tecnologia in ogni aspetto dei loro programmi di studio.
L'Ohio State University ha annunciato quest'estate che avrebbe integrato la formazione sull'intelligenza artificiale in ogni corso di laurea triennale, e l'Università della Florida e l'Università del Michigan stanno lanciando iniziative simili. Uno studio del MIT offre motivi di cautela: i ricercatori hanno diviso i soggetti in tre gruppi e hanno chiesto loro di scrivere saggi per diversi mesi utilizzando ChatGPT, Google Search o nessuna tecnologia. Il gruppo ChatGPT ha prodotto lavori vaghi e poco argomentati, ha mostrato i livelli più bassi di attività cerebrale all'EEG e si è affidato sempre più al copia e incolla da altre fonti. Gli autori hanno concluso che gli studenti del LLM "hanno costantemente ottenuto risultati inferiori a livello neurale, linguistico e comportamentale" nel periodo di quattro mesi.
Justin Reich, direttore del Teaching Systems Lab del MIT, ha scritto di recente su The Chronicle of Higher Education che gli sforzi affrettati nel campo dell'istruzione per incorporare le nuove tecnologie "falliscono regolarmente, e a volte in modo catastrofico".
Go evidenziado in grassetto l'ultima frase, perché, con 35 anni de insegnamento, go vu modo de constatar che la xe vera; el sillogismo "Sono un insegnante che usa le nuove tecnologie, quindi sono un bravo insegnante" el xe, purtropo, falso (e no'l xe gnanche un sillogismo).
Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Poco tempo fa gavevo leto de un prof che ga inserido in un compito una frase che gavessi fato inacorzer se el studente gavessi doprado l'AI, e una bela percentuale la doprava. I compiti in teoria i servi per svilupar dele capacità se l'esercizio vien demandà a qualchedun altro se sviluppa l'altro (forsi)... co ste premesse no so ndo se riverà
Vosi e lingue sconossude me bati sule orece nude. El posto xe 'l steso, ma mi no 'l me par, adeso. Tuta sta gente de ndo' la riva, ché no la va via? O inveze xe i mii che me schiva? E pur ara, che mi son casa mia!
Blues Briso ha scritto: mar 2 dic 2025, 13:07
Poco tempo fa gavevo leto de un prof che ga inserido in un compito una frase che gavessi fato inacorzer se el studente gavessi doprado l'AI, e una bela percentuale la doprava. I compiti in teoria i servi per svilupar dele capacità se l'esercizio vien demandà a qualchedun altro se sviluppa l'altro (forsi)... co ste premesse no so ndo se riverà
Mi insegnavo e per la matura i muli doveva portar una tesina, anche fata in grupo. Do mule me presenta una tesina con dentro posizioni no global, e ecologiste al massimo,.... Ma chi gaveria mai dito che do mule "de vita" che tuti i sabati e domeniche iera in discoteca e tornava a scola a riposarse al lunedì, portassi avanti un discorso del genere... Legendo trovo un eror de ortografia: "esperenziale" invece che "esperienziale". No iera ancora l'intelligenza artificial, ma google esisteva za. Ghe digo a google de trovarme la parola esperenziale. Google me disi "Forse intendevi esperienziale" e mi ghe rispondo de no che volevo propio esperenziale. E go trovado tuta la tesina
Questo per dir che el problema esisti da tempo...
Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Ve go za dito che stago legendo sto libro: Paolo Foglio, Machinità, ed. Töpffer.
Son a tre quarti, perché posso legerlo solo "per intervalla insaniae", cioè quando go tempo libero.
Però lo go trovado sai bel. La prima parte xe dedicata a capir cosa distingui l'omo dala machina, la diferenza tra sapere e conoscere, cosa dovemo intender per realtà. El fa riferimento a Aristotele, Leibnitz, Cartesio (questo per dir che pur esendo un ingegner no'l xe solo tecnico). E per cosa sia la realtà, sì cara Babatriestina, el fa riferimento anche al famoso gato de Schrödinger (ma con tanti esempi che Schrödinger podeva cior, me piaseria saver perché che el ga ciolto un cusì macabro; me vien dubi sul suo caratere e la sua salute mental).
Dopo el spiega in parole bastanza semplici i tipi de intelligenza artificial che gira e che poderia girar in futuro e quai xe i metodi doprai (l'autor se ocupa de intelligenza artificial aplicada ala produzion quindi el ne sa bastanza).
Deso stago legendo dei costi per l'ambiente e la società che ga tuta sta roba.
Insoma, mio fio gaveva ragion: xe un gran bel libro e ve lo consiglio.
Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Un picolo excursus per veder dove che andemo a parar. Purtropo, e no so fin a che punto, ma i tre colossi americani, Musk con twiter , Bezos con amazon e Schmidt con google xe impegnadi , podendo far grandi investimenti a utilizar i server e i data center per la IA . e per i sui scopi disemo in svariati campi. Adeso i xe sai concentradi sul spaziale e su la difesa . La IA necesita de migliaia de terawatt e aqua per el rafredamento , e quindi la UE xe taiada fora per non parlar dei singoli Stati europei. i americani (Musk) ga 12000 sateeliti e cinesi e Rusi qualche migliaio. Quindi la difesa europea doverà dipender da quela americana e su la IA de privati e quindi risponder a de le logiche de mercato. Quanto saremo difesi e quanto liberi de far qualche nostra scelta economica ? Quale benessere poderemo ragiunger ?.
Piereto ha scritto: sab 6 dic 2025, 11:46
Quanto saremo difesi e quanto liberi de far qualche nostra scelta economica ? Quale benessere poderemo ragiunger ?.
quando che gaveremo bori, comercio e esercito. Senza quei, comanda i altri. E po dove che i comanda, i comanda de soli e sta vegnindo fora che le ditature xe più eficienti che le democrazie, anche perché no i ga la preocupazion de ingraziarse i elettori , pecà che le schiaccia quei che no xe dacordo con lori
"mi credo che i scrivi sta roba per insempiar la gente" ( La Cittadella)
Blues Briso ha scritto: mar 2 dic 2025, 13:07
Poco tempo fa gavevo leto de un prof che ga inserido in un compito una frase che gavessi fato inacorzer se el studente gavessi doprado l'AI, e una bela percentuale la doprava. I compiti in teoria i servi per svilupar dele capacità se l'esercizio vien demandà a qualchedun altro se sviluppa l'altro (forsi)... co ste premesse no so ndo se riverà
Mi insegnavo e per la matura i muli doveva portar una tesina, anche fata in grupo. Do mule me presenta una tesina con dentro posizioni no global, e ecologiste al massimo,.... Ma chi gaveria mai dito che do mule "de vita" che tuti i sabati e domeniche iera in discoteca e tornava a scola a riposarse al lunedì, portassi avanti un discorso del genere... Legendo trovo un eror de ortografia: "esperenziale" invece che "esperienziale". No iera ancora l'intelligenza artificial, ma google esisteva za. Ghe digo a google de trovarme la parola esperenziale. Google me disi "Forse intendevi esperienziale" e mi ghe rispondo de no che volevo propio esperenziale. E go trovado tuta la tesina
Questo per dir che el problema esisti da tempo...
Sì certo, quei che copiava xe sempre esistidi, una volta co internet no esistiva, iera i bilietini de usar durante i compiti in classe. El problema xe che ogi l'inteligenza artificiale vien sburtada a tal punto, che per fin co te verzi un pdf i te chiedi se AI te devi far un riasunto. E anche scola i la la dopra. El drama xe che no se se rendi conto che xe deleterea per lo sviluppo delle capacità de analisi e comprension in ogni campo.
Vosi e lingue sconossude me bati sule orece nude. El posto xe 'l steso, ma mi no 'l me par, adeso. Tuta sta gente de ndo' la riva, ché no la va via? O inveze xe i mii che me schiva? E pur ara, che mi son casa mia!
Come che go za scrito tante volte, mi me servo ‘sai de internet, come vocabolario. Tante volte scarigo le diretive CE par gnoco e par talian e vedo cosa che le disi. Cusì no go una traduzion, ma in ogni caso el testo original. De qualche mese a ‘sta parte internet me disi che tuto vien dela IA. Nei ultimi tempi, un per de setimane?, ma poche, legio anca un aviso che disi che stago 'tento parchè IA ga forsi qualche sbalio.
mah, IA averti che pol sbagliar, ma no xe che prima internet fussi oracolo!! internet ne contava cossa che le persone ga scrito o copiado su internet, sta a noi verificar se xe atendibile. Dir che " xe su internet" xe in fondo quel che una volta se diseva " ga dito la television". Prima ancora, co se gaveva a casa la enciclopedia cartacea , o anche el vecio Melzi ( lo gavevi?) almeno el libro iera scrito e gaveva responsabili se scriveva monade
"mi credo che i scrivi sta roba per insempiar la gente" ( La Cittadella)
Si gaveimo el vecio melzi, il nuovissimo melzi, anzi go do edizioni diverse. Po tuti podeva e doveva aver una enciclopedia anni 50 e 60 politematica su cui se fazeva i compiti de scola. Dopo la seconda guera xe stade publicade anche enciclopedie monotematiche ,manuali, tipo le vecie hoepli, che iera za prima de la prima guera. Parallelamente alcuni americani ga pensado de far el riassunto dei argomenti tratadi e se nata la readers digest, selezione ad usum delfini. Ogi con internet, i fioi no sa cosa che iera una volta, e se i va a casa dei noni i fa la scoperta dei libri.
Se in triestin se disi che un ga do zanche (mani sinistre) ghe devi eser un motivo. Mi son un de quei. A scola, nele materie principali (tedesco, francese, stenografia, matematica) gavevo diese cum laude. Ma no iera merito mio. O sì se volè. Forsi iero taiado par 'ste robe. In giometria e disegno tecnico (proiezioni) gavevo -1 (negativo) per incoragiamento. A scola in matematica sono rivà ai sistemi de equazioni de terzo grado a tre incognite. Ma me stavo preparando all'esame a l'Oberdan e lezioni de algebra, no de giometria, me dava una mula dela clapa de mio fradel che iera a l’ultimo ano. Ela la ga spiegà cusì ben che go capì anca mi. Tedesco e francese iero de tre o quatro ani più avanti de scola e par questo no fazo testo. Par tre materie mi iero comunque el re in clase e tuti voleva de mi i famosi bilietini. Mi ghe li davo ai do/tre dela mia bodigar (body guard). El fato xe che certa gente credi de saver spiegar cusì ciaro che solo deficienti no capisi. Chi non ha capito alzi la mano. Qualchedun la alzava e el mato: Tu sei monna se non capisci. Ma no'l spiegava de novo. Cusì dopo no alzava più nisun la man. No tuti xe cusì e come esempio ciogo el mio profesor de scienze comerciali e matematica a l'università Giancarleto, el prof. Cozzarolo. Ano scolastico 1943-1944. El iera come un padre par noi e tanti no i lo meritava. Specialmente al Volta, dove che go fato solo el corso preparatorio, algebra e proiezioni iera teribile. El mato de matematica iera in bala za ale diese de matina. Noi fazeimo coleta e ghe daimo i soldi al bidelo parchè che el vadi a dir al profesor che semo tanto stanchi e el ne mandi a casa. Quel de disegno el fazeva do striche sula lavagna ala velocità de un prestigiador e po el domandava se tuto xe ciaro. Indovinè cosa che diseimo noi. Tuti copia, anca la tesi de laurea. Qua in Germania i fa la cacia a tuti par veder se xe plagio. Un ministro ga dovesto dimeterse. Ma a mi me par de ricordarme che tanti, ma tanti ani fa iera 'diritura anunci sul giornal che ofriva de scriver la tesi de laurea. Mi diria che i spandi. Cacia ale strighe. Par mi i voleva eliminar elegantemente gente che podeva dar fastidio. Erare umanus es.
te me ga ricordado la mia prof de scienze e soprattutto chimica . Go fato una domanda per capir e la me ga risposto testualmente " È così perché è così". Ovio che go continuado a no capir e la sola roba che go capido xe che iera inutile farghe domande.
Anni dopo, amici chimici e farmacisti me ga spiegado fazendome capir i misteri...
"mi credo che i scrivi sta roba per insempiar la gente" ( La Cittadella)
Una dele regole fondamentali dela didattica xe che l'insegnante no devi mai domandar "Avete capito?" perché la xe autoreferenzial. L'alunno no pol saver se el ga capido o meno. L'insegnante devi far una domanda su quel che el ga spiegado e in base ala risposta che el ciapa, dedur se el mulo ga capido o meno.
Se spiego le tabeline, no devo doandar "gavete capito?". Devo domandar "quanto fa 7x8?"
Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
