Germania. sul Reno

[babatriestina]

nei giorni scorsi son andada in Olanda e Belgio, come sempre viaggi un poco ala svelta, ma meio che gnente, no gavemo ciolto aerei e andando in suso gavemo fato le tratto classico in batel del Reno de Ruedesheim a subito dopo la Lorelei
belissma giornata de notar i tanti vigneti in riva , i castei e el trafico fluvial. No per gnente i fiumi xe stadi storicamente le principali vie de comunicazion, sopratutto dove che no ghe iera più le strade romane , el reno xe navigabile in bona parte e ala fin finissi in una serie de bocche e canai che ga fato la prosperità de Fiandre e Paesi bassi, che podeva controlar e anche serar ( oltre che meter dazi) le vie fluviali. Fra l'altro anche Trieste ghe devi la prosperità portada del porto franco quando che i ghe ga cavado ai paesi asburgici la libera navigazion ale boche dela Schelda nei Paesi bassi asburgici.. e apena lora i se ga inacorto che i gaveva un porto in adriatico, verso el mediterraneo, meo che gnente rispetto ai traffici del nord.





( i ne contava che per migliorar i vini del reno i ga ciamado enologi esperti dele nostre zone)

[babatriestina]

co se vedi queste v barche vol dir che el fiume xe " vivo" per i trafici

[babatriestina]

verso la Lorelei

[babatriestina]

la Lorelei ( che po xe anche un'opera italiana de Catalani, poco nota ormai)

[babatriestina]

Pranzo con vin del Reno, el meo vin del viaggio


e curioso el ristorante doveva esser de proprietari sloveno- croati vista la famosa carta delle regioni slovene de metà ottocento che l'Austria no voleva lassar publicar perché oltre che Trieste e i teritori fin al Isonzo ghe dava al Slovenia anche parte de Carinzia e Stiria



me son dita i xe sloveni, ma questo che xe el famoso brindisi de Preseren che xe adesso el testo del inno nazional sloven .. xe in una forma de antico sloven che ghe somiglia al croato ( go interpellado una esperta che ga fato el liceo sloven)!!

[Ciancele]

Baba, mia, in questo viagio te me gavarà de sicuro pensà: Io marcio dove Ciancele già marciò. Me par che go za scrito che tanti ani fa mia cognada, a mezanote, la iera sentada sula Lorelei e la scoltava Wagner coi orecianti e la caseta. La ga dito che ghe go fato el più bel regalo del mondo. El Reno xe par noi 50 chilometri de machina e quel trato in piroscafo lo go fato ala riversa, andando in zo verso Rüdesheim e dopo cola ovovia al monumento dela patria: Germania Denkmal. Fina a Coblenza el Reno xe bel, dopo el se perdi, come che te ga scrito. No par far el Bastian contrario, ma mi son mato pai fiumi e me ricordo le gite sul Meno (Würzburg) e Neckar (Heidelberg). Un altro bel fiume, che me piasi tanto, xe el Rosandra. Anca là se bevi vin (Merlot) e mia fia ga bevù adiritura un sorbeto de Refosco. Anzi do, la me ga dito. Te aguro tante bele gite, cusì vedo tanti bei pupoli. Noi povari veci veceti, adeso vivemo de ricordi e co‘ vedemo ala television una gita, disemo: I was here.