Lamium orvala

[sum culex]

Nome volgare: Orvala (anche falsa ortiga o ortiga morta)
Sti nomi più comuni che orvala xè perchè nol sponzi per gnente come l'ortiga vera e propria. (Una volta per sbaglio in Austria me son sentà su un'ortiga vera e non ostante le braghe legere, iera piena estate, no ve conto el piazer e la goduria, ma me son vendicà de chi che me cioleva in giro: coi polpastrei dei diti che ga la pele più dura, se se sta atenti de no tocar la pianta con altre parti dela man, se pol ingrumar impunemente qualche ramo. Ben mi lo go ingrumà e ghe lo go sventolà sule gambe de chi che me cioleva pel c.... e che iera in cotole











No se diria che un fior bastanza insignificante e che no se nota gran che, visto ben in grande possi far sta figura. A mi per lo meno visto cussì el e piasi e pensar che xè un fior che nissun ingruma, perchè tanti ga paura che el sponzi anche se no xè per gnente vero!

ciao
sum culex

[babatriestina]

Una volta che i me ga convinto che el Lamium orvala no sponzi, lo go fotografado anche mi: tratto sloven dela Ferrovia/pista ciclabile:

[sum culex]

Lamium orvala = Orvala, Ortica morta maggiore

[sono piccolo ma crescero]

[FORA TEMA] Ortighe vere

Una volta per sbaglio in Austria me son sentà su un'ortiga vera e non ostante le braghe legere, iera piena estate, no ve conto el piazer e la goduria, ma me son vendicà de chi che me cioleva in giro: coi polpastrei dei diti che ga la pele più dura, se se sta atenti de no tocar la pianta con altre parti dela man, se pol ingrumar impunemente qualche ramo. Ben mi lo go ingrumà e ghe lo go sventolà sule gambe de chi che me cioleva pel c.... e che iera in cotole

Mio papà, che de picio doveva ingrumarle per darghele al porco, me ga insegnà a ingrumarle senza sponzerse: basta che el movimento dela man sia sempre dal baso verso l'alto, perché i agheti i xe tuti voltai per un verso e cusì no se li rompi (no bisogna, insomma, farghe el contropel).

El me ga anche insegnà a farse pasar la spiza co se se sponzi, ma no se bel scriverlo in un forum, ... o meio si, semo trasgressivi: basta bagnarse col pisin la parte; l'amoniaca combatti l'acido formico e passa tutto (evidentemente la notizia servi se no gavè amoniaca soto man, perché se no xe meio l'amoniaca).

Però, forsi se podesi far un post su l'ortiga, anche se no la xe bela de veder.
[/FORA TEMA]

[babatriestina]

graditissima: mi solo che le vedo le me fa spavento, esperienze de picia.. e xe chi che ingruma le foie giovini a man nude, perchè disi che xe bon in minestra o risotto, cusinade se intendi!