Me scrivi el bon amico Mario che go un do foto per Lela
el me scrivi:
"dove che xè la rede rosa iera le boteghe e drio dele boteghe dovesi eser stada la casa de Lela, quel altra foto se un ociada pei quartieri e l'ultima saria che iera quartieri pici ma per andar dentro i gaveva i archi..."
Grazie. grazie e 'ncora grazie! Grazie a Adle e garzie soratuto al'amico Mario! Me xe vignudo un stropon in gola e el naso - se me lo vado a vardar, el sarà de sicuro roso: el xe sempre cusì cò me vien de frignar.
Quanti, ma quanti ricordi, anca se no tuti bei purtropo, ma là ghe gà abitado anca i mii fioi de quando ch'ei xe nati. Fabiana, la più picia la gaveva un ano e unzorno cò son 'ndada via de là con lori; ma 'stà quà xe tuta 'naltra storia.
A parte le foto dele case indove che abitavo mi, me gà fato 'sai efeto veder el cortil dela Domus, in te la prima foto del topic. indove che i gaveva scuminziado a butarle zò - ma le fameje che ghe abitava le xe tute 'ndade a star in quartieri più idonei, pensè che a casa mia e fin quando son restada là ghe jera 'ncora el "gabineto orizinal" ch'el consisteva in t'una speze de casapanca de legno col buso rotondo in mezo e el covercio, mentre rente ghe tignivo (anca quel 'na roba d'epoca) el secio de fero smaltà par l'aqua.
Tuto el resto del casegiado gaveva cambiado 'sta roba orenda co' un normale taza de watwr e el sciaquon - quel co' la corda - e, in quela casa ghe gà abitado i mii primi suoceri che no' gò mai conosudo, con zinque fioi, dei quai i primi do sposadi: uno jera el fradel più vecio de mio marì - che el gà la stesa età che gavarìa mia mama - e l'unica femina, Luciana che gà sposado Larry e ognidun de lori gaveva una fìa. I me contava che de note par 'ndar in gabineto te dovevi caminar sora dei stramazi che i jera sparpajadi tuti in ziro, menter de zorno i li impilava in t'un canton!
E quela foto che mostra el campeto se prprio quel coi sivoli e le altalene, me gavevo desmentegado dela picia pista de patinagio: jera prprio là che se balava cò ghe jera la "Festa dell'Unità" e l'ultima volta che ghe son 'ndada spetavo la mia Fabiana. In quele case de sora del campeto o zardin, in t'el porton in mezo ghe abitava la mia ex cognada co' su fìo, co'i se 'ndadi a star via dela Domus e là i quartieri i jera 'sai più grandi al confronto de quuei che i gaveva lasado.
Scuseme se ve gò rimbambido de ciacole che a voi no' ve interesa par gnente, ma per mi le significa tanti, ma proprio tanti ricordi.
Grazie tantisimisimisime ancora, ciau ciau, sempre con tanta simpatia, Lela.
Il vero "giusto" è colui che si sente sempre per metà colpevole dei misfatti altrui!
Ciao Lela, anche mi son nata in Domus,e quando go savudo che i la gaveva butada zo,non gavevo el coragio de andar a veder.Ghe go messo + de un anno, prima de pasar de la.e co la go vista,go avudo la sensazion che i me gavessi cancelado la mia infanzia !!!!Dighe a Fabiana,che la ga tuta la mia comprension,x el suo secondo nome,e saro' sempre grata a mia mamma,de non avermelo messo a mi !!Non me piaseva tanto mia nonna,ma odiavo el suo nome.Anche se iero piu' picia de ti, fin che non te son andada via,ierimo amiche. Me ricordo del batesimo de Fabiana, ma non del secondo nome che te ghe gavevi messo.Adesso te savera' chi son ! Dopo 30 anni, go ritrovado la mia amica,che la iera la nipote del custode.Anche ela ga pianto quando la ga savudo che i gaveva butado zo la Domus,xche' noi gavemo avudo una belisima infanzia e gavemo bei ricordi in comune.Gavemo parlado x ore,de tutte le famiglie che ga visudo in Domus Civica,e se gavemo scambiado le foto che gavevimo de 40/45 anni fa.Xe i unici ricordi che gavemo dela Domus.La me ga dado anche le foto dela procesion del Corpus Domini che i fazeva dalla Domus alla chiesa Beata Vergine Addolorata,mi non go mai savudo che i la fazeva, ma doveva eser bel de veder e de parteciparve.un saludo a ti e a tuti quei dela Domus
