el pesse

[refolo]

Co parlo del mar? per forza me vien in mente el pesse!
I guatti spuzzava de memele!.......conprese le sardele ( che magna i morti) ....pessi che se avvicinava alle nostre espulsioni umane!
Qua' in Australia le pinne del pessecan xe prelibate, sia per far acqua per el brodetto, o per bever el brodo anti biottico canceroso.

Ve pode' immaginar la ripercussion. Sia per i sostenitori anti-killing -animals e quei che ga' bisogno del E 3 MEGA CANCEROSO.

tutto se pol magnar , come tutte le robe nella vita.
Tutto ga' un limite. Ma se se dovessi eliminar le sudette robe allora fussimo proprio limitadi in quel che xe ciama' progresso limitado.

Noi triestini....(la maggiorparte) non gavemo mai sofferto de obesita' nianche de sistemi letargichi, un pocheto de sport el iera evidente.
Le scalade in Val Rosandra le xe nominade. le ballade ne tegniva
senza grasso.

La giogada sia in strada ,che in palestra iera de pramattica... e cussi via.
Oggidi' con la PC. i gioghi video-programmai la nova generazion soffri de
obesita', non ghe xe movimento ecc.

Qua' mi vedo che se un resta senza ""SAL"" ipotesi? non ghe ze la vicina de casa, i ciapa la macchina per andar drio el canton a comprarselo.
Sbaglia' o menefreghismo? mi ciamo idiozia.

Le ricette nostre le resta, xe sempre qualcosa che da' usufrutto alla salute
senza paragonarse ai obesi, o quei che vol cambiar el sistema de magnar.
Tutto xe bon anche McDonald ma dipendi da chi che acetta ste robe moderne. El perche'? xe donne che non ghe interessa de cusinar! o nianche lavar i piatti.

El mio fogoler el xe sempre unto de grasso! lo netto giornalmente, go' 47
bignatte de rame impiccade in cusina, tegno el sisstema antico, i me ciol pel fiocco, mi lasso chei disi quel chei vol, ma son contenta perche' me go' fatto soldini fazendo la coga saltuariamente.

Questo xe un sistema...magari fascista? ""CHI SI FERMA E' PERDUTO?""
niente xe meio che far soldi! in barba a chi se scalda el popoci!.
Domani go' un funeral, ma devo combinar un BUFFET per i ospiti!...
tutto fa' mucio.
Maria aka Refolo

[Ciancele]

........ Domani go' un funeral, ma devo combinar un BUFFET per i ospiti!...
tutto fa' mucio.
Maria aka Refolo

Qua se usa dir: Ieri son sta a un funeral. Es war lustig (Gavemo ridù). A Trieste se va bever l'otavo (o i otavi ). Mio papà no vedeva l'ora che mori qualchidun. (scherzo!). In Germania se magna e se bevi. Probabilmente ala salute del morto. Di fronte ala porta del zimitero xe un ristorante. Fioi: sempre pien!

[babatriestina]

in mia famiglia comunque almeno un cafè dopo ogni funeral iera obligatorio.
ma me ricordo sempre una cugina de mia mama, vegnindo fora del cimitero del funeral de sua sorela ( che povera iera morta dopo anni de casa de riposo cola mente andada) fa : "E adesso go voia de una bona magnada de polenta e sepe. " Semo vegnudi fora del cimitero ridendo. Povera zia, ala sua morte dopo el funeral gavemo fato una bela sosta in osmizza in suo onor..