Trieste: zità de veci? ...No! de zente vissuda!

[El poeta]

...el senso de cuel che te scrivi me riva drito in stomigo...
Franco

Grazie Franco,
quel te gà scrito xe quel che volessi sempre leger... perché vol dir che son 'rivado a farme capir... e questo, te sa ben, per un che scrivi xe la roba fondamentale...
me piasessi 'ssai se te 'rivassi vignir domani in via Paisiello, 5/8 alle 21.00, mi dovessi recitar verso le 21.30, penso un tre poesie... e cussì podessimo conosserse, perché xe sempre bel poder conosser le persone che 'riva a condivider con ti anche, magari, solo una piccola parte dei pensieri e dei intenti!

GRAZIE, proprio de CUOR!
Ciauuuuu!!
Emmanuele

[El poeta]

Ringrazio publicamente per l'ospitalità e oportunità che i me gà dà la sera de martedì 18 luglio in via Paisiello, durante la rassegna estiva del Festival dela Canzon Triestina, el patron Fulvio Marion, e el presidente Andrea Vatta e el vice-presidente Alessandro Altin, della VII Circoscrizion, sempre ativissimi nele manifestazioni socio-culturali e sportive! Xe stada una bela esperienza e cussì dopo le sale teatrali gò podù esibirme anche in un belissimo piazzal come quel de via Paisiello, (antistante el supermercato) che xe conformà come un anfiteatro naturale. Ringrazio anche tuto el publico (numeroso) che gà seguido con interesse le mie poesie.

Grazie!
Emmanuele

[El poeta]

Bongiorno e ben ritrovati a tute e tuti,

se ricomincia....
Volevo dirve che da sabato 30 setembre comincio el Tour del Recital "Trieste: zità de veci? no... de zente vissuda!"per le scole medie de primo e secondo grado la prima sarà la media Caprin de salita Zugnano, dove farò una dopia recita ale 10.30 e 11.45, naturalmente tuto questo xe sempre gratuito (avanti cussì chissà dove 'ndarò a finir... )
Fra le altre robe, sta per vignir fora el mio primo romanzo "Io e... ancora io..." che no xe autobiografico ma un romanzo veramente interessante.... a presto altre notizie.

Pel resto, no fussi che qualche vandalo gà dispicado i do altoparlanti che jera in vetrina in corso italia, per romperli per tera, qualche settimana fa... col ris'cio che ghe vegni zo tuta la vetrina e quindi de mazzarse... no fussi per sti vandalismi... anche la vita sarìa migliore... no???

Un saludo a tuti!!!
Ciao
El poeta
Emmanuele

[El poeta]

Grazie a tutti!!!!!!

Per chi che vol un regalin triestin...
Go messo su i video de Libero 13 audiovideo delle mie poesie!
su questo link le trovè:
http://video.libero.it/app/users/emmausb.html?type=u
e feme saver se le ve piasi, xe 13 dele 30 che xe nel cd e po' se volè andè a far un salto anche sul mio sito
www.emmanuelebonnes.com
Adesso anche nel resto del mondo se poderà aprezzarle in audio e video!
Go messo i stessi video anche su youtube:
http://www.youtube.com/my_playlists?p=29A4ED060C2011F3
e se le pol veder e sentir anche una drio l'altra!
Tempo fa gavevo dito che volevo portar el dialeto triestin nel mondo e xe proprio quel che stago fazendo! Xe gratis e per chi che vol! E se volè che el se diffondi sempre de più.. no resta che far el passaparola col link de Libero o de youtube!
Cussi se poderà veder e sentir che anche el triestin pol girar per tuto come i altri dialeti, roman, napoletan, toscan, veneto ecc. ecc.

Venerdì 23 marzo, son stado ospite a telequatro alle 13.05 e sabato 24, xe andà in replica ale 8 e meza de matina, jero nela trasmission argomentando de Umberto Bosazzi e go parlado un quarto de ora del libro! Xe andà ala granda!!!! Trovè l'intervista su youtube (mio nick: emmausb)

Un abbraccio del cuor a tutti e tute!!!
Ciao!
El poeta
Emmanuele