El giardinetto de Roian

[babatriestina]

Uno dei più pici giardinetti, e anche no ssia ben tegnudo, xe quel in viale Miramare al altezza de Roian. Oggi lo go fotografado, el xe in un momento bon, perchè cole piove dei giorni scorsi el xe tuto verde.
Ma non gavendo ( me par) un impianto de irrigazion, co no piovi el se suga parecchio. I ga anche impiantado un albero, fiori xe pochetti.
Per cominciar, el ga anche un nome:

E chi era costui? son andada anche mi a zercar, e xe vignudo fora che iera un che iera sordomuto e se ga dado tanto de far per l'educazion dei sordomuti, la lingua dei segni.. etc..
la traga no xe propio nova e ben tegnuda..
Ecove qua una prima vista:

come vedè, i ga fatto qualcossa perchè xe le atuali panchine nove che xe un poco dapertutto

[babatriestina]

e un pochi de platani che perdi le foie in inverno e un pochi de sempreverdi, lecci per lo più

l'erba cresci rigogliosa e no i se insogna de taiarla. Notar , come che iera una volta in tantissimi giardini, anche in Giardin Pubblico, le aiole delimitade de piere del Carso.
ecco el leccio de l'aiola central

[babatriestina]

Verso el fondo ghe xe anche un per de conifere, cipressi e un cedro

e drio ghe xe una scaletta de legno che porta verso la strada superior, là ghe xe un per de yucche e dei hemerocallis che fra una settimana farà fiori arancion come gigli

la scarpada xe decorada con piere del Carso

[babatriestina]

No ghe xe molti fiori , anzi disemo che xe propio ssai pochi: go trovado in fior un per de yucche

e dei fioretti bianchi su un cespuglio

insomma, el servizio piantagioni del Comun, quel che metti begoniette, lisette, gerani... etc no passa de qua
I cartei che racomanda de ingrumar i bisognini dei cani no xe molto ben tegnui

[AdlerTS]

Prima del distributor andando verso Miramar ?

[ffdt]

Eh si ... no ghe go mai riconosudo dignita` de giardin a cuel triangolo de tera de nisun tra le strade ... ma le foto de Betta lo fa veder come un canton de paradixo ... me sa che la ga ragion ela

Ciau

Franco

[Nona Picia]

Quando iero picia, mio papà me portava là per insegnarme andar in bicicleta.
Ciao ciao

[babatriestina]

Disemo che quel poco de verde che gavemo se lo dovemo tegnir caro...
i giardini veci , dove che no i xe intervegnui molto, ga anche una roba de bon: i ga conservado le piante de una volta, el modo de coltivar de una volta, e se fa qualche volta anche scoperte.
savè che esisti i appassionai de vece rose che i va in giro per i veci cimiteri ( parlo de America, dove che la roba del ottocento xe archeologia e la prima metà del Novecento xe za considerado antico ) a fotografar e cior talee dele vecie rose?
voio veder come che sarà sto giardinetto ala fin de l'estate, col caldo , se no piovi.. el deventa uan specie de deserto polveroso, i platani perdi le foie za in agosto.. forsi xe anche un seguir la natura senza forzarla..