manutenzione dei parchi

[babatriestina]

Oggi sul Piccolo un articolo sulla distruzion dei cessi nei parchi pubblici: el xe riportado de Sandro a
http://www.elsitodesandro.it/invboard/i ... entry65064
Mi me domando come se possi pensar de gaver la mente cussì bacada. la civiltà de un popolo se vedi ( per mi) anche de come che i tien i cessi.
E in Villa Engelmann par che i gabi roto anca la centralina del irigazion, cussì se no piovi o i bagna a man o le piante mori..
No go ben capido se i ga spacado de giorno o de notte, ma de giorno almeno se podessi meter guardiani ( ma costa) o telecamere costa anche quele ma no come persone. E me domando,s e sti mati ga spacado tuti i lavandini, cossa, i gaveva un picon? e nissun se ga inacorto de gnente? nissun ga sentido rumor, de quei che sta vizin?

[giuli]

Senza parole

[AdlerTS]

Non capisso perché el sindaco parla de "un concittadino". Xe logico che xe una clapa. De mone, ma una clapa.



La giusta punizion saria i lavori forzati, a far talco in cava !

[Bilbo]

no stemo ofender i mone, Adler.

co un xe mona, povereto lù, xe mona, ma sti qua no xe mone, gnanca un poco, anzi i sa sai ben quel che i fa....

becarli sari bel, e dopo meterli a riparar tuto quel chei ga roto, e farli continuar la manutenzine fin che col loro lavor, no i ga ripagà tute le spese supportade. altrimenti cella de isolamento.-

[Nona Picia]

....... e dopo che i gà lavorà giorno e note, ligarghe le man per un mese de fila e dopo rimeterli alvorar, gratis, naturalmente!
ciao ciao

[babatriestina]

.. naturalmente, el posto giusto de lavor saria farghe netar cessi!

[Tirabaralla]

Ste robe le me resta incomprensibili anca con la più bona volontà.
MAH!

[dcobau]

El problema xe che, se i lo ciapa, i lo vol meter in canon spesso, almeno qua in Australia, xe piu caro mantinirlo che riparar i dani a spese del popolo (o se i lo ciapa a spese sue).

De xe soluzioni come meter sta gente in posti dove che i lavora a gratis per la communita una volta o due ala setimana (de sabato e domenica per esempio) per un periodo definida dai giudici ma per conto mio non xe una penalita abastanza efficace per farghe capir che quel che i fa xe sbalia.

saluti

Dave

[refolo]

Scuse' se me permetto de dar una risposta...basada su un senso de donna provada della vita che sfortunatamente, dovesto emigrar.

1) go' sempre ditto e non finiro' de dir che son nata in un momento sbaglia' (riferisso la data 1935).
2) noi giovani (studenti) gavemo aiuta' el Municipio con tante idee e risorse.
3) chi che lavorava, gaveva la boba. (non dimenticar, per mi, l"Austria ga fato poco pel povero, storicamente i ga' ruba' a tutte due le mie famiglie)
4) se non ghe iera cessi a quel tempo? perche' adesso nel 21 esimo secolo i devi tegnirli in disordine?

5) le generazioni xe individuali come i diti delle man? nessun xe preciso
un picio, un storto, un dritto.
6) se mi gavessi impara' tutto quel che go' impara' in sta terra (per bisogno) non saria partida dalla mia Trieste.
7) qua' go' pati' la fame pezo che nel 42, ma go' per bisogno anche netta' cessi, ma la generazion moderna non ghe da' una pipa a quel che succedi. I studenti o fioi de signorotti vol tutto sul piatto d'argento.

me vergogno de dir che per 48 anni go' vota' per i Laburisti, mio mari' iera in ospedal chel urlava dei dolori e un de lori xe vegno' a incassar el pagamento, perche' senza de quel non se lavorava. Mi odio un partito dove i te ciama BROTHERs-SISTERs, me ga' de comunista artificial. El Liberal fa' tutto per i Signori? xe quel che ga' fatto l'Austria, senza de lori non se magnava., come spiega' sora.

9) oggiddi' non se pol piu' dir mi fazo quel che me par? se un sempio comanda sora de noi.
Go' impara' tutta la mia vita de far del ben e de lassar un marchio per i futuri? adesso son arrivada al punto de menefregarme completamente.
Mi non son mamma de nessun solo de mia fia i altri che se freghi!

Maria aka Refolo

PS. voi gave' a vose in capitolo...per le prossime elezioni!

[Golfoblu]

Legendo sto argomento credevo che iero tornà indrio de 200 anni............lavori forzati, spacar piere....ma dopo go capì che iera solo dei witz......