Foto del 1953

[macondo]

Go apena comprado una foto original che penso sia unica. Se gaveva za visto altre foto de sta serie, probabilmente del stesso fotografo. Una, piú famosa, la iera sula copertina del libro de Maranzana "Le armi per Trieste italiana". De quel che se vedi la devi esser stada ciapada al inizio de la tiradera de piere..Infati se vedi pochi muli e pochi cerini e se vedi anca che ghe xe ancora in giro donete e copie che, naturalmente, spariria quando la batalia la fossi diventada piú intensa.



E se volé una version gigante, la podé scarigar qua soto:

https://www.atrieste.eu/FotoMacondo/stubig.jpg

[macondo]

E per la cronaca, la parte dadrio dela foto:

[babatriestina]

ma.. mi no arivo a capir dove che xe fata la foto... e el momento.. le ombre xe longhe ma xe sol, e iera novembre..

[AdlerTS]

La casa ghe somiglia a quela dove ogi xe la finanza e prima del ribalton iera le k.u.k. forze de polizia (tacado de S. Antonio novo)

[macondo]

ma.. mi no arivo a capir dove che xe fata la foto... e el momento.. le ombre xe longhe ma xe sol, e iera novembre..

Davanti la cesa de San Antonio e la casa che se vedi xe sul canton de Via XXX Otobre dove iera la Questura o el Comando dela Polizia Civil (che dovessi esser lo stesso...). Dovessi esser el 6 de Novembre.

[AdlerTS]

Davanti la cesa de San Antonio e la casa che se vedi xe sul canton de Via XXX Otobre dove iera la Questura o el Comando dela Polizia Civil (che dovessi esser lo stesso...). Dovessi esser el 6 de Novembre.

quel che disevo anche mi

[babatriestina]

Me pareva anche mi, ma no me iera ciare le ombre.. alora se semo davanti dela cesa, come che me imaginavo mi, l'ombra xe proiettada dela cesa, ma visto che la facciata guarda a ovest ( la ga el sol de dopopranzo), devi esser de mattina. Quindi no el momento dei spari pomeridiani ( che iera verso le 5 de dopopranzo e cominciava a esser scuro ( me ricordo perchè iero in via Mazzini) , ma de mattina, quele manganelade de polizia che i muli xe andai a rifugiarse in cesa e i ga maciado de sangue la cesa, che don Grego el paroco al dopopranzo ga fato la cerimonia de riconsacrazion con tuto el remitur che xe nato per l'occasion.

[macondo]

Bravisima Betta!!! Infati xe la matina del 5 de novembre, no del 6 come disevo. El 6 sará el giorno dei morti in piaza grande....

[AdlerTS]

Eco el canton ogi

[AdlerTS]

Me taco drio sto topic che ghe va un poco vizin per una domanda sulla celebrazion de ieri per el anniversario del passaggio dall'amministrazion alleata a quella 'taliana del 26.10.
I ga mostrado le immagini della parata in piaza grande, ma de gente a festegiar non ghe ne jera: me domando se xe per la piova o perché nissun ghe interessava a festegiar sta ricorenza

[rofizal]

celebrazion de ieri per el anniversario del passaggio dall'amministrazion alleata a quella 'taliana del 26.10.
I ga mostrado le immagini della parata in piaza grande, ma de gente a festegiar non ghe ne jera: me domando se xe per la piova o perché nissun ghe interessava a festegiar sta ricorenza

Ma i lo ga ricordado come el giorno dell'esodo? (in Australia)

[AdlerTS]

Uno pol esser un filo italian, un filo austriaco, un filo sloven, quel che te vol...el mio non voleva esser un discorso pro o contro qualchidun: come go za avudo modo de dir, continua a farme tristezza veder la superficialità e el disinteresse per avvenimenti de ieri (non de 200 anni fa) che ga condizionado in maniera totale el nostro presente.

[babatriestina]

forsi iera stato poco reclamizzado, forsi le parade militari no xe tanto de moda...

[babatriestina]

me taco qua: Borsatti ( el vecio, ancora vivo e vegeto e col suo foto Omnia attivo) sti giorni vendi el suo libro con le foto del 53. Chi che le ciol d e lu gaverà anche le foto autografade. ( xe stata una polemica anni fa fra lu e el comun per le sue foto, lu le ga cedude al Comun che no voleva lassarghe i diritti de autor.. o qualcossa de simile)
Visto che el el ga publicade su facebook, le go scarigade e fate pice, e cussì ve le posto ricordando che le xe apunto de Foto omnia del Borsatti e che se volè gaver el libro lo comprè

[babatriestina]

[babatriestina]

[babatriestina]

[babatriestina]

[babatriestina]

In questi giorni il Comune dedica una e nel catalogo c'è un dettaglio raccontato dal fotografo: lui stava per salire sul tetto della baracca delle costruzioni per far fotografie, pensando che la polizia sparasse in aria. Un ragazzo gli disse: Guarda che sparano ad altezza d'uomo

[babatriestina]

dalla di questi giorni le immagini, ristampate dalla Fototeca Comunale