Ferai

[sum culex]

Granzo tien el sguardo basso e l'amira e e la fotografa tombini, mi, che son superbo tegno la testa su e guardo in alto e cossa te vedo e te trovo?
Ferai, lampioni ecc. veci e novi, antichi e moderni.
Questa xè una racolta de foto de quele 'robe' che ilumina piazze, vie e portici dela nostra cità. Go girà in sti ultimi giorni per tuto el centro caminando, spesso sudà come un caval bolso, per alcune ore la matina e altretante al pomerigio: cossa volè qualche volta son un poco mato (anzi senza qualche e senza un poco: almeno cussì disi.... : indovinè chi? ).
Xè un'argomento che par stupido o insulso, ma certe foto pol riuscir anche bastanza discrete.

Ecove le foto: guardele un poco ala volta se no ve stufè, perchè ghe ne xè trope!



































Xe in tuto 44 pupoli: ve li meto in grupi de 11 per no apesantir tropo la pagina.

[sum culex]

Secondo grupo.

[babatriestina]

De questo secondo grupo, i penultimi ga una storia: i xe al altezza del Ponterosso, e xe i ultimi tochi restai ( almeno visibili) del antico monumento dela comemorazion dela dedizion al Austria del 1882, che iera in Piazza Stazion. El grosso xe stado eliminado, ma i ferai xe restai. ( devo dir, che cussì neri, i me ga un poco de funeral, i me ricorda un poco i veci carri de Zimolo...)
Za che te fa ferai, dopo se podessi zontar un per de ferai de interno, quei processionai, xe qualcossa a s Giusto ma i più bei xe i veneti a Muggia.

[sum culex]

terzo grupo.

[babatriestina]

gran belle foto!

[sum culex]

Quarto e ultimo (finalmente) grupo


































E adesso che semo rivai in fondo ve digo che tanti ferai xè comunissimi e se li trova per tuti i cantoni in cità; certi però se li trova solo in un certo posto particolare: savè dirme dove che li go trovai? Anche se se stai bravi no vinzè nissun premio: posso farve solo i mii complimenti, amesso che i ve fazi piazer.
Ahi, ahi, ahi, che dolor......

Come che vedè, me le son dade de solo per averve fato perder (anche se spero no inutilmente) tanto tempo.

ciao
sum culex

[babatriestina]

le ultimissime no me xe propio familiari.. un po xe propio soto de casa mia!

[AdlerTS]

Questa dovessi esser sotto i portici de Piaza S. Giovanni
Giusto ?

[sum culex]

Questa dovessi esser sotto i portici de Piaza S. Giovanni
Giusto ?

Perfeto!!!!!
E le altre?
La statua e i ferai dela dedizion dove iera?

ciao
sum culex

[babatriestina]

eco una cartolina col monumento, come scrito sora, la iera in Piazza Stazion

[Tirabaralla]

Sum, te ringazio tanto de le foto. Una la me ga quasi comosso...
No rivo più a salir speso come volessi...anca sta ultima volta la iera una scampada de 48 ore e cussì no go tempo de far sai foto...
Davero grazie.

[Capuzi garbi]

.......No rivo più a salir speso come volessi...

Neanche io.....

[AdlerTS]

Una picola zonta: nei ultimi anni a Trieste xe stadi installadi tanti ferai novi, dalle forme più diverse, tuti più o meno "in stile".
Proprio quel che Sum Culex ga fotografado davanti el tribunal, però, non xe stile 800, ma xe un dell'800 vero !!!!!

Su quei pastorai in foro ulpiano infatti se vedi ancora el stemma asburgico de Trieste



e la dita che li ga fati, la Siry, Lizars & C. iera una signora ditta !



Per concluder do parole sulla statua dela Dedizion, l'obelisco iera alto 14 metri e la donna in bronzo rappresentava proprio Trieste. Se ga salvado altri tochi oltre ai ferai: lo stemma delle 13 casade xe murado nell'atrio del castel de S. Giusto, la testa della statua al museo De Henriquez e l'obelisco stesso nell'oblio de qualche magazzin comunale.
(fonte: Trieste nascosta Halupca/Veronese)

[babatriestina]

Se ga salvado altri tochi oltre ai ferai: lo stemma delle 13 casade xe murado nell'atrio del castel de S. Giusto, la testa della statua al museo De Henriquez e l'obelisco stesso nell'oblio de qualche magazzin comunale.
(fonte: Trieste nascosta Halupca/Veronese)

ma el stema dele tredisi casade, che po xe quel che go messo una foto dela copia in Citavecia, e che dovessi esser de piera, gaveva a che far col monumento ala dedizion? e cossa ghe ne entrava le 13 casade cola dedizion? mi nel monumento in foto no vedo dove che el podeva esser. Ben, sto luglio verzi el castel e anderemo a veder.

[sum culex]

eco una cartolina col monumento, come scrito sora, la iera in Piazza Stazion

Visto che sto feral xè cussì importante guardemolo un poco più in particolare:










ciao
sum culex

[AdlerTS]

Dei ferai che dovessi esser veri 800eschi xe quei sul porton del ospedal in piaza ospedal. Chissà se Sum o Bilbo riva passar de là a farghe un click ?

[babatriestina]

te disi questi?

iero un giorno in ospedal a ritirar dei esami, combinazion gavevo la macchina...

[AdlerTS]

Proprio quel

[babatriestina]

e questo ve piasi?
[

[Tirabaralla]

Molto, sembra un fiore.