AdlerTS :
Macondo :Un elemento distintivo de Trieste xe sempre stado el caffè, che da noi ga usi e nomi diversi che in Italia. In bar Tergesteo i ga esposto una bella tabella, realizada con la collaborazion della Hausbrandt, completa de foto, con tutte le varietà locali della nota bevanda:
parti con el "ristretto", a sua volta disponibile anche gocciato oppure macchiato;
quindi "nero", a sua volta anche gocciato o macchiato;
poi "lungo", suddiviso anche in gocciato o macchiato;
non pol mancar el "Capo", che se pol aver chiaro o scuro;
nonché el "caffelatte", ovviamente chiaro o scuro.
De tuti questi poi estisti la version decaffeinato "deca" ed in bicchiere "in Bi".
Completa la lista l'americano, al pepe, corretto, viennese, shakerato, latte macchiato (chiaro o scuro) , monte bianco, marocchino e irish coffee , tutti deca e non.
Totale 67 varietà. Buon caffé a tutti
Per la cronaca, la storia racconta che alla fine dell'800 ogni famiglia acquistava e brustolava le bacche ancora verdi de caffè secondo le proprie necessità. El Comandante Hermann Hausbrandt, austriaco de nascita, ma triestin d'adozion, fonda però nel 1892 la "Prima Tostatura Triestina di Caffè" col progeto de commercializzar el cafè già torrefatto e pronto de usar. Una novità possibile grazie all'innovazion tecnologica dell'utilizo dei primi macchinari a motor elettrico, con l'esclusivo sistema "Grevenbroich" per ottener una perfeta tostatura, e l'ideazion de un sistema de raffreddamento per la conservazion dell'aroma del caffè appena tostato. (dal sito uficiale Hausbrandt)
Un caffé de sibariti e libidinosi xe el caffe turco. Caffé macinato finissimo insieme a semi de cardamonio, boido con molto suchero nele caratteristiche cafetiere de oton. Servido in tazine senza manigo, e lasado riposar fin che se deposita el café...Robe de Mille e una notte!!
Babatriestina :
continua...Parlemo de caffè turco, che de mi se lo fa ancora: el doveria esser masinado in casa con el masinin de oton che ve meto nela foto soto, xe una foto picia perchè xe un particolar de una foto dela mia cusina, ma adesso se lo trova pronto al Cremcaffè, xe consigliabile la qualità Minas e i lo vendi za pronto, masinado fin, per cafè turco.
Ve meto anche la foto dele chicherette, anche quele de mia bisnona, in realtà adesso tuti dopra le chichere normali, che se no coi fondacci se impignissi meza chichera. Qualchedun lo vol molto dolce e qualchedun quasi amaro. El cardamomo no xe la version classica del caffè turco, ma la version araba, lo go bevudo soto la tenda de beduini in Siria, bonissimo!
In tuti i Balcani xe usado el caffè turco, ma xe una gaffe tremenda domandar un caffè turco, i te varda 'sai de bruto, in Grecia se devi domandar un caffè grego!! E in Serbia co una ga domandado un cafè turco i ghe ga dito "quel no xe cafè turco, questo xe un cafè e basta!!!"
E po, se se lassa i fondacci, ala fine se gira la chichera, se la rivolta sul piatin e chi che sa , legi i fondi de cafè. I me ga dito che qua a Trieste le legidore de fondi de cafè se fa pagar ben, come le butacarte!!