Via Conti

[Bilbo]

angolo piazza perugino, subito dopo chei gaveva cavà vie la sine del tram

[ffdt]

Adeso a 'l posto de la maceleria ghe xe una botega che vedi un poco de tuto ... casalinghi ... xdraio per andar a'l bagno ... robe de drogheria ... me par che dipendi un poco de 'l periodo de 'l ano. Opur oramai paso de la` cusi` de rado che ogni volta xe una gestion diversa ;-D ;-D ;-D ;-D

Ciau

Franco

[granzo]

Ma de che parte se varda Amiro i bei marciapie de piera....no se vedi quasi piu` in giro...solo asfalto

[Bilbo]

La foto xe fata da via setefontane.

sula sx te ga piazza perugino, sula dx via setefontane, drito via conti che va verso via pascoli.-

[Nona Picia]

Cara baba,
te me savessi dir che scola che iera quela tacada all'istituto in via Conti? Ieri, dopo la mesa son pasada delà con Stefania e la me domandava che scola che iera, ma mi no me ricordavo ben e no go savù dirghe tuto.
Te ringrazio in anticipo
Ciao ciao

[babatriestina]

Cara baba,
te me savessi dir che scola che iera quela tacada all'istituto in via Conti?

per una volta casco dele nuvole e no me vien che scola sia tacada de l'Istituto. Ma xe ancora scola? e dove esattamente? xe una zona che conosso poco, mi de quele parti me vien in mente solo che quela, che xe però un poco più zo, e che xe una media ( o adesso comprensivo, elementarie medie insieme), e che una ventina de anni fa iera le do medie Manzoni e Fonda Savio.

[Nona Picia]

Cara baba,
te me savessi dir che scola che iera quela tacada all'istituto in via Conti?

per una volta casco dele nuvole e no me vien che scola sia tacada de l'Istituto. Ma xe ancora scola? e dove esattamente? xe una zona che conosso poco, mi de quele parti me vien in mente solo che quela, che xe però un poco più zo, e che xe una media ( o adesso comprensivo, elementarie medie insieme), e che una ventina de anni fa iera le do medie Manzoni e Fonda Savio.

No so se xe ancora scola, ma la xe in via Conti subito tacada all'Istituto. Le due medie xe una in via Pascoli e l'altra su via Foscolo. Mi me pareva de ricordarme che là in via Conti iera una specie de scola-colegio per fioi poveri, ma no so se xe veramente cusì.
De più no so dirte, xe ricordi asai vaghi de quando che in Istituto i dava i pache natalizi ai meno abbienti de dopo de la guera.
Ciao ciao

[babatriestina]

alora no ghe ne so propio gnente

[babatriestina]

Go trovado qualcossa sule cartoline dei maestri cattolici dei anni cinquanta-Sessanta-Settanta che me ga prestado una mia amica:
se xe questa, ecote quel che go trovado

[Nona Picia]

Grazie!

[Nevada]

In origine l'asilo dove andava mia fia iera dentro a quela scola. Dopo non so el perchè el xe sta spostado in v. vasari.

[refolo]

Mi giogavo pallcanestro per i nominadi """COMICI""

voi non gave' idea?

Maria aka refolo

[refolo]

difronte ghe iera l'Asilo de via Manzoni....

Senza contradir nessun, nelle sezioni delle finestrelle, mi e i mii due cuginetti, giogavimo come in Inglese se ciama PICK A BOO!

Un se nascondeva l'altro doveva trovarlo. Bei ricordi!!!!!!!!!!!!!!!! e chi pol lassarli?

Maria aka Refolo

[pastafasoi]

za che semo in zona, meto una foto de piazza perugino, come che la xe oggi: mi sinceramente la me piaseva come che la iera anni fa, con le baracche de verdura e fiori, per mi xe tropo cemento e pochi alberi.

[Nona Picia]

za che semo in zona, meto una foto de piazza perugino, come che la xe oggi: mi sinceramente la me piaseva come che la iera anni fa, con le baracche de verdura e fiori, per mi xe tropo cemento e pochi alberi.

Anche a mi la me piaseva de più prima con bancarele e alberi, iera una piazza vera, no una mostra de cemento.
CiO CIAO

[babatriestina]

sì, la xe propio brutina. Un tetto vegetale, no una piazza. Ma ostro, a Parigi i ga fato un parcheggio quasi sotto Notre Dame e no se se acorzi de gnente! perchè qua inveze co i fa un parcheggio soteraneo i rovina tuto de sora? e adiritura ala Défense, sempre a Parigi, sotto xe strade e traffico e sora xe un boscheto de alberi!

[refolo]

Forsi son sul tema sbaglia' ma dato che nomine' sempre sto cemento,
me xe vegnu' in mente la mia amica Ucci ospite de mi' con ste foto della Meladra?........la se ga' quasi rabia co go dito che me par de veder quelle forteze-presoni tipo Alcatraz.

pero de dentro i devi aver bel, xe fora che ga' de come scritto su'...
Non me poderia abituar de star piu' un sora l'altro in sti grandiosi edifici.
o altre amiche de scola che stava al Vaticano?

Esisti ancora la Domus Civica della via Flavia? almeno quella iera de mattoni!
MARIA AKA REFOLO

[babatriestina]

Forsi son sul tema sbaglia' ma dato che nomine' sempre sto cemento,
me xe vegnu' in mente la mia amica Ucci ospite de mi' con ste foto della Meladra?........la se ga' quasi rabia co go dito che me par de veder quelle forteze-presoni tipo Alcatraz.

pero de dentro i devi aver bel, xe fora che ga' de come scritto su'...

lo gavemo tratado nel topic il quadrilatero, qua
https://www.atrieste.eu/Forum3/viewtopic.php?t=811
no me par che gnanca dentro sia bel..

[pastafasoi]

la Domus Civica non esisti più, i ga butà zo le case che sarà più o meno 2 anni e per adesso xe recintà ma, da quel che gò sentì i vol far posteggi per el stadio. Mah!!! chissà!!!

[Tirabaralla]

A proposito de "la Defense"...me ga piasso un casin! (scusè l'OT).