Cugini cercansi

[Nick]

Salve a tuti
volevo domandarve un piazer....
Come fazo a trovar miei cugini, che xè nipoti de mia zia triestina emigrada a Melbourne verso fine ani '50 ??
No so dove che i abita perchè la zia xè morta ormai da tanti ani, e lori de sicuro no i parla triestin, per cui gnanche volendo no i podessi leger qualche forum tipo questo....
Cossa me consigliè ??
Grazie

[AdlerTS]

Forse i nostri utenti australiani te sa consigliar le migliori "guide telefoniche on line"

[Capuzi garbi]

Ciau Nick,

Aprofito dela tua domanda per far un'aparizion su sto sito, almeno pel momento che la mia ragion per eserme dileguado no xe in giro.

Son in Australia dala fine del 60. Anche se no abito piu` a Melbourne da circa tre anni, go vissudo nela capital del Victoria pe circa 43! Comunque la citadina do' che stago xe solo a 100km de Melbourne e, per esempio l'altra stimana jero la ogni giorno.

Se posso aiutarte famelo saver. Oviamente saria 'ssai comodo saver qualcossa de sti cugini, come nome e cognome e, se possibile l'eta`, el nome dela zia, forsi l'ultimo indirizzo deve che i abitava. Insomma, tuto el posibile facilitar le ricerche.

Piazer de parlarte.

L.

[Capuzi garbi]

Viceversa, ciapando el spunto sugeri` dal'amico Adler, te invio l'indirizo per la guida telefonica australiana, piu` specificamente quela del Victoria. Per cambiar stato....beh, xe facile, no?

http://www.whitepages.com.au/wp/initRes ... &state=VIC

L

[Nick]

Te ringrazio per l'interessamento !!
Me meterò a zercar qualcosa de specifico riguardo mia zia, anche se no sarà facile....
me fazo vivo
Grazie ancora

[Capuzi garbi]

El piazer xe mio. Spero de rivar a 'iutarte.

L

[AdlerTS]

Aprofito dela tua domanda per far un'aparizion su sto sito

Felicissimo de sentirte, Capuzi

[Capuzi garbi]

Felicissimo de sentirte, Capuzi

Grazie Adler

L

[macondo]

Bentornado Lucio

[Nick]

....insoma gà servì el triestin novo per farve risentir....

[Capuzi garbi]

Bentornado Lucio

Grazie Marino. Xe un piazer e speremo che sta volta la duri de piu`. Come che Nick ga dito, la sua richiesta ga servido a piu` de una roba...

L

[Nick]

ehi capuzi, ara che te meto un PM riguardo 'sto argomento, no me son dimenticà, gò la memoria tipo elefante anche se xè passà SOLO un ano e mezo....azz....come che cori el tempo....come che diseva el mio superiore durante el servizio militare, l'orologio no se grata el cul....