No go mai capi.....

[MULON]

....se se disi:me se ga o se me ga.
Spiego meio:me se ga roto l'auto o se me ga roto l'auto?
Mi utilizo la prima.....voi?
Me scuso se el primo post xe probabilmente una domanda che non sta ne in ciel ne in tera,ma sta roba me angustia da sempre.....

[sono piccolo ma crescero]

Mi credo de doprarle tute e due:

Se me ga studa el gas co la pignata sul fogo
Me se ga studà el gas co la pignata sul fogo

Credo de porar la seconda se voio far capir che la roba me se capitada proprio a mi, la prima se voio dir che la roba xe capitada, perché xe robe che capita, e in particolar la me xe capitada a mi. Un poco come se in italian disessi

"Scrivo sul forum" o "Io scrivo sul forum"

Ma, confesso, che xe un mio strolighez, una mia teoria fata su due pie. Comunque, posso dirte che, secondo mi, te ga fato una bela osservazion linguistica? Mi no me iero mai acorto de questo dopio "costrutto sintattico del dialetto triestino" (e magari anche veneto?)

[babatriestina]

Istintivamente, mi disessi sempre "me se ga"... che po corispondi ala forma italiana mi si è...
ma no me par scorretta gnanche l'altra forma, che invece no ga nissuna corispondenza col italian, però credo che mi no la dopro mai.

[Nona Picia]

Mi le dopro indistintamente tute e due, le me vien comunque naturali.

[serlilian]

No ghe go mai badà, ma credo che mi dopro "me se gà...".
Forsi i mii veci diseva "se me gà..."

[serlilian]

Te xe el Mulon che conosso de altri forum?

In ogni caso... benvignudo.

[AdlerTS]

Istintivamente, mi disessi sempre "me se ga"... che po corispondi ala forma italiana mi si è...
ma no me par scorretta gnanche l'altra forma, che invece no ga nissuna corispondenza col italian, però credo che mi no la dopro mai.

Poderia esser appunto che una xe la forma ns. dialettale e l'altra xe la storpiadura dell'italian vero e proprio.

Una roba che me rimproverà sempre mia moglie: mi digo "pinco e pallina se ga divorziado", ela disi "pinco e pallina ga divorziado", senza el "se" e la me disi che per ela la mia forma non esisti.

[MULON]

Te xe el Mulon che conosso de altri forum?

In ogni caso... benvignudo.

Se te rispondo Jawohl?Te basta per capir chi son?

[MULON]

Ve ringrazio per le risposte e,purtroppo per voi,gaverò altre domande de far de sto tenor.....
Se scherza ovviamente,grazie ancora!

[serlilian]

Te xe el Mulon che conosso de altri forum?

In ogni caso... benvignudo.

Se te rispondo Jawohl?Te basta per capir chi son?

Gavevo za capì che te ieri ti, perchè de un'altra parte te ga dito che i tui iera fiumani.
In cambio mi son vignuda a scriver qualcossa su un tuo topic de là.

[serlilian]

Ve ringrazio per le risposte e,purtroppo per voi,gaverò altre domande de far de sto tenor.....
Se scherza ovviamente,grazie ancora!

Domanda, domanda.
El fato xe che se parla un dialeto, ma no se sa perchè che se disi in un modo pitosto che in un altro. Anzi no se se propio rendi conto de come che se parla.