Semo pena tornadi da un per de giorni de campegio. El fiume lungo el quale gavemo campegiado jera sai alto visto che semo ancora in stagion de squajo dela neve, conseguentemente no jero bon de far una foto decente de un castoro che pareva tegnirme in giro ogni giorno. Dovevo far la foto traverso un mucio de foje e no rivavo mai meterlo a fogo come che se devi.... la prosima volta.
Diferete xe la storia de un cervo (mule deer o, tradoto per nostro,
cervo mulo e per contentar Baba tirestina, per latinoribus,
Odocoileus hemionus, anzi se tratava de una feminuza che la pascolava per tuti i cantoni del campo de campegio. (I masci ga pena cominciado a ricreser i corni, che adeso i xe tuti coverti de pei - zercherò de becarne un con l'obietivo.
Tanto per mostrarve el mio atentato al castoro. La bestiuza xe su, in alto, nel canton sinistro che nuda e insisti a tegnir la testa soto aqua.
Altre due speci de fauna canadese,"Molie Patientisima" e "cagna fedelisima."
P.s. L'altra specie de cervi che gavemo qua xe i White Tail, o coda bianca, che xe veramente caprioli, piu picoli, dala coda lunga e ianca che, co i cori xe sempre ereta, vome una bandiera. No stemo dimenticar el termine latinorum: (Odocoileus virginianus).
Arnie
If at first you don't succeed, try reading the instruction manual.
)