MARMELADA DE POMI (mele cotogne)

[LELA]

Meto 'ncora sta rizeta, parchè soto la rizeta del "Polpeton frito" ghe xe stade alcune oservazioni riguardo ala "salsa de pomi e kren" che, apunto, la vien fata con marmelada de pomi e kren, da babatriestina, da Nona Picia e da macondo.
Comunque la marmelada de pomi se fà come tute le altre marmelade.

MARMELADA DE POMI

Ingredienti:
1 chilo de pomi (mele cotogne);
300 grami de zucaro;
1 caziul de aqua, al masimo 2.

Dopo gaver spelado i pomi e cavadoghe el torsolo, tajeli in 4 e meteli in t'una pignata a bojer pian pianin insema al zuchero e al'aqua continuando a misiar fin quando el "composto" no'l risulta denso.
Cavè via del fogo e laselo sfredir.
Co'l se gavarà sfredido lo fichè drento de vasi de vetro, ben tapadi (ghe ne xe in vendita vasi apositi par ste robe) .
Se se intendi conservar la marmelada par più tempo, alora convien fasar i vasi, ficarli in t'una pignata con aqua e farla bojr.
Prima de cavarli del'aqua, lasè che el tuto deventi fredo.

Par condimento come - per es. - el "Polpeton frito" o altra carne - xe mejo doprar le "mele cotogne" parché le gà un gusto più aspro.
Se inveze volè una marmelada de doprar normalmente, come tute le altre marmelade, xe mejo doprar i pomi "delizia" o i "golden".

Ciau a tuti, con simpatia, Lela.