El verbo avere

[sono piccolo ma crescero]

In fondo alla pagina indice legio

Fin 'deso, ogi gavemo avesto...

Mi no go mai preteso de parlar in triestin, però mi, invece che avesto gaveria scrito vù o anche avù o gavù, pensando ala forma avesto come istriana o adiritura dalmata.

Sbaglio? Me fe la coniugazion del verbo ver o gaver o aver?

Per cominciar meto el presente indicativo secondo mi

mi go
ti te ga
lui el ga
noi gavemo
voi gavè
lori i ga

Me rovino, meto anche el pasato remoto... tanto no l'esisti!

[babatriestina]

mi che uso el dialetto delle classi medie ( no negron) go sempre dito Go avudo a volte pronunciado nella variante go 'vudo anche se de solito go sentido far sentir el iato fra le due vocali; avesto me par come dir, una variante dialettale del dialetto.. e no savessi dimostrar, ma la me sona come non lontana del veneto...
e la terza persona singolare la sento pronunciar come
lu 'l ga
ma anche nella variante più breve
Lu ga
o nella parlata
El ga


NB a casa mia, che sia el lato istrian o el lato triestin-dalmato-furlan, se diseva
Ti ti ga
( all'istriana) o comunemente
Ti ga
e se gavessi ditto Ti te ga i me gavessi guardado tutti de brutto disendo : Xe ordinaariooo !!!

[ffdt]

per mi, se volemo eser puristi, gavesi dovudo eser scrito "gavemo gavudo", ma me pareva un pel tropo carigo de "g" ... l'alternativa fusi stada un "gavemo 'avudo" fazendo cascar la "g" de "gavemo" (e no me ricordo piu` che nome che ga sta elixion) pero` anca cuel me pareva che in sto caxo no 'l scoresi ben ... come se ghe fusi una pauxa tropo longa tra "gavemo" e "avudo" e cusi` go sielto cuel "gavemo avesto" che muxicalmente me piaxeva de piu`

za rofizal gaveva fato una domanda a riguardo e devo dir che gave` ragion tuti cuanti pero` prima de dir che no xe tipicamente triestin gavesi caro che me fazesi un'analixi storico/filologica de 'l triestin per taiar co' 'l bisturi cuel che xe "puro" de cuel che no 'l lo xe ;-D ;-D ;-D ;-D ;-D che cusi` finalmente comincemo con cuela "academia de la crusca triestina" che cualched'un, giustamente, gaveva za dito che se ghe ne senti la mancanza ;-D ;-D ;-D ;-D ;-D ;-D

comuncue me par che 'l prexente de "gaver" che ga citado sonopiccolo el sia giusto ;-D ;-D ;-D ;-D ;-D ;-D ;-D ;-D



je m'excuse de ne pas traduire, mais c'est un disquisition sur certains termes triestins que je ne saurais pas comment les exprimer si pas dans la langue d'origine
I apologize for not translating, but it is a disquisition about some triestin's words that I do not know how to express if not in the original language
chiedo scusa per la mancata traduzione, ma si tratta di una disquisizione su termini triestini che non saprei come rendere se non in lingua originale

[babatriestina]

certo che la forma "gaver" xe la più vizina al latin "habere", anche se nella mia famiglia, triestina de almeno 150 anni, no la vegniva assai doprada , e vegniva preferida la forma aver.
Ovviamente, me riferisso ala lingua parlada, perchè credo che nissun in famiglia mia , prima de mi, salvo battude scherzose, gabbi mai doprado el triestin scritto. Tutte le lettere e documenti che go conservai , inclusi quei de oltre 100 anni, xe scritti in italian.

eeh... un detto: Chi ga avù, ga avù
( chi ga gavesto, ga gavesto ??? )

[sono piccolo ma crescero]

eeh... un detto: Ghi ga avù, ga avù
( chi ga gavesto, ga gavesto ??? )

chi ga vù ga vù, a casa mia.

Comunque no voleria pasar per quel che ghe fa la punta... Le mie domande xe propio de chi che ga qualche dubio e un poca de coda de paia, visto che a casa digo faso, giaso e quando scrivo qua cerco de scriver "zerco" ma propio no me vien. e anche mia moglie qualche volta me ciol in giro visto che ela la xe triestina patoca: nata a Mestre de genitori parenzani e ancora, qualche volta, la disi "poareto".

[sum culex]

Sbaglio? Me fe la coniugazion del verbo ver o gaver o aver?

Imperfeto
Mi gavevo
ti te gavevi
lu gaveva
noi gavevimo
voi gavevi
lori gaveva

passato prossimo
mi go avù - avudo
ti te ga avù - avudo
lu ga avù - avudo
noi gavemo avù - avudo
voi gavè avù - avudo
lori ga avù - avudo

Trapassato prossimo
Mi gavevo avù - avudo
ti te gavevi avù - avudo
ecc.

Futuro
mi gaverò
ti te gaverà
lu gaverà
noi gaveremo
voi gaverè
lori gaverà

Congiuntivo presente
se mi gavessi
se ti te gavessi
se lu gavessi
se noi gavessimo
se voi gavessi
se lori gavessi

Congiuntivo passato
basta agiunger un avù - gavù o avudo

Condizionale
mi gaveria
ti te gaveria
lu gaveria
noi ....
voi ....
lori gaveria

Imperativo
seconda persona singolare:Gabi ! (un poco de pasieza)
seconda persona plurale: Gavè !

Participio
avù, avudo (qualche volta gavù o gavudo)

Infinito: aver o gaver a seconda dei casi

Cossa go saltà o saltado? No me vien in mente altro!

ciao
sum culex (l'illetterato)

[babatriestina]

Futuro anteriore:
Mi gaverò avudo
Ti te gaverà avudo
......

usado anche in un senso concessivo, tipo : Gaverò avudo anche mi torto, ma no iera modo de saltarme suso in quel modo

Gerundio: gavendo

(gavendo bori o anche a gavendo bori..)

Imperativo ala terza persona de cortesia La gabi un poca de pazienza, No la gabi ste manierazze! ( ma anche No la staghi aver ( gaver) ste manierazze)

[babatriestina]

E adesso me fè vegnir in mente una canzoncina che fazeva:
E la gaveva, la gaveva, la gaveva, la gaveva...
cossa la gaveva?

una pausa e ricominciava

E la gaveva, la gaveva, la gaveva, la gaveva...

Ma cossa che la gaveva... mi go sempre sospettado un conclusion goliardica che nissun me ga mai contado.

Qualchedun conosseva e sa cossa che la gaveva?

mia nonna, per ben, me spiegava: un raffreddor, ma no ghe go mai credudo assai.

[Nona Picia]

Poderia esser
e la lo ga lassà?

[serlilian]

Poderia esser
e la lo ga lassà?

No. Quel iera:

Lo gavevo, lo gavevo,
lo gavevo e lo go lassà
perchè el iera, perchè el iera,
perchè el iera un disperà