Visto che i nostri forumisti francesi no se fa vivi, continuo col nostro
Fouché a Trieste, coi particolari del libro:
Sapori riprendi la figura de Fouchè anche dal punto de vista familiar, una prima moglie morta giovine e una giovine seconda moglie, che lo ga seguido in esilio. Paressi dei matrimoni ben riuscidi, in linea general.
Tre fioi del primo matrimonio, sarà un de lori, con famiglia e eredi in Svezia, che farà traslar la salma in Francia, a Ferrières, dove che el gaveva una tenuta e dove che dopo I Rotschild farà, al posto dela casa de Fouché, costruir un grande castel finto medievale ala fin del Ottocento.
Fouchè a Trieste bori no ghe mancava, e el se gaveva sistemado a Palazzo Vicco ( el atual arcivescovado, con un pian de meno) e forsi el sperava ancora de tornar in Francia. El gaveva palco al Comunale e el andava a seguir el opera. i Napoleonidi inveze iera furenti che no i ghe gaveva concesso de cior palco e gnanca de frequentar l'esclusiva società del Casin vecchio.
Nel dicembre Fouché se ga peggiorado e el xe morto, come contado, una nota: Sapori ricopia el Osservatore che dà la morte al 26, Caprin nel riportar come che go copiado mi dà el 25.
Morto e sepolto nela cripta davanti alla cattedral, fin ala traslazion.
E qua comincia le leggende, riprese anche de una biografia de Castelot:
che i lo gabi sepolto davanti ala cesa , sotto el sagrato, perchè el iera un magnapreti, in realtà Sapori conferma che le gaveva ricevudo l'estrema unzion.. xe una leggenda, in realtà no iera permesso, salvo eccezioni-vedi i Carlisti- sepolture in cesa.
La c ripta iera accessibile fin ala prima metà del Novecento, po i lavori sul sagrato la ga modificada.
e po la leggenda più misteriosa: che de morto no se lo arivassi a distirar, e che i lo gavessi sepolto in senton, con una cassa fata aposta in quela forma. Sapori disi che xe una leggenda, se no altro perchè i loculi, per quel che xe restado e se vedi, no podeva tegnir una cassa de forma anomala, per no parlar del rapporto dela riesumazion per la traslazion.
E per la leggenda della morte "
Era una notte buia e tempestosa"" e fa notar 2 robe:
1 che i funerai xe stai el 28 dicembre e che la tempesta de neve, sui dati de un osservazioni meteorologiche conservade, xe stada el 29 dicembre
2 che le casse de morto no vegniva a quel epoca portade con un carro, ma a brazzi dei becchini.
E qua el verzi un ultimo capitolo su ste leggende romanzade de Trieste. e el cita una serie de romanzi più o meno ispirai ai Misteri de Parigi de Sue, un feuilleton ottocentesco pezo de un teleromanzo:
I Misteri di Trieste de Thiergen e Generini 1851,
I Misteri della Locanda Grande 1872,
i misteri de Muja 1883 de Piero Perini, el
Misteri della Via degli Artisti 1900
il Mistero di Gretta 1902 fin a Carolina Invernizio che nel 1915 ( anno fatal) scrivi L'Orfana di Trieste, per finir col
Fantasma di Trieste de Bettiza
ghe xe un poche de immagini, in particolar el xe arivado a fotogrfar la cripta, che mi xe anni che tentavo de arivarghe, mi ve mostro solo quel che go rivado a far mi, de drio le sbarre, dove che comincia el ingresso, de l'orto lapidario: