Piazza Foraggi

[ranny84]

vedo che xe un casin de foto de trieste de anni fa... qualcun ga forsi qualcosa de piazza foraggi? in rete no go trovà niente...
grazie a tutti! ciao

[AdlerTS]

troveremo, troveremo

[ranny84]

mi go trovà solo questa...che xe dei primi del '900 ( se no sbaio a quei tempi ancora la se ciamava 'Piazza del fieno')...e sinceramente no rivo neanche a capir che punto xe fotografà....

[AdlerTS]

Ocio ! Piaza foraggi o del fieno del primo 900 non xe quela de ogi !

Jera una piaza nella zona dove adesso xe Foro Ulpiano: le case che te vedi sul fondo dovessi esser via Fabio Severo.

[ranny84]

aaaaaaaaaaaaaaaaaaaaaaaaaaaah!!! no savevo sta roba...grazie! e come se ciamava pz.foraggi allora??

[AdlerTS]

Se te guardi le piantine su

https://www.atrieste.eu/Forum3/viewtopic ... 86f4dd36ab

te vederà che la piazza non xe gnanca segnada.

Su un altra de poco prima della guerra go trovado "Nuova piazza dei foraggi"

[babatriestina]

Come se diseva za de qualche parte, fin ai novi piani regolatori fra le do guerre, dopo Barriera le strade se perdeva in stradine, le strade principali iera via Rossetti e via Settefontane e più sotto via Molin a Vento e via dell'Istria.
Xe stadi i piani regolatori del "bieco ventennio" che ga creado el asse viario che della stazion, atraverso via Carducci - Barriera - viale Sonnino arrivava a Piazza Foraggi, che nassi col nome de Piazza dei Caduti Fascisti , tanto per capir de che epoca che la xe. Po i caduti fascisti xe stai messi in naftalina e xe vegnui fora i foraggi. Se po veramente i ghe vendeva foraggi.. no so, Rutteri disi che ghe iera una pesa pubblica.
Anche la galleria no so esattamente de che anno che la xe, imagino che la sia anche de quel epoca se no adirittura dopo.

[AdlerTS]

Non volessi contradirte Betta, ma lo gavevo scrito anche nel topic de Viale Sonino che dal 1938 al 1943 Piaza Caduti Fascisti iera l'attuale Piaza S. Giovanni, non Foraggi

[babatriestina]

Non volessi contradirte Betta, ma lo gavevo scrito anche nel topic de Viale Sonino che dal 1938 al 1943 Piaza Caduti Fascisti iera l'attuale Piaza S. Giovanni, non Foraggi

Me gaveva colpido anche mi questa tua affermazion , te riporto el passo che go trovada la mia:
Trieste 1918-1954 Guida all'architettura a c di P Nicoloso F Rovello MGs press Trieste 2005
pag 63, parla de Viale Sonnino ( att Viale d'Annunzio):

Il viale termina nella progettata piazza dei Caduti Fascisti, in seguito chiamata piazza Foraggi, ramificandosi da un lato verso la galleria che conduce alla zona industriale e dall'altro verso il viale dell'ippodromo

El che no vol dir che nol sia compatibile con la tua informazion, perchè te me disi che el nome iera dal 39 al 43, e el nome podeva esser stado prima in piazza Foraggi, co i la ga ribattezzada Foraggi i gaverà spostado i caduti fascisti più in centro.

[dcobau]

tempo fa go inizia un progetto che lista le vie vecie e le vie nove. Se podesi verzer un topic su sti records. Se ve interesa poso postar quel che go za.

Dave

[babatriestina]

Grazie, Dave, posta pur, magari in un topic novo, sezion quartieri e rioni, sui cambiamenti de nomi.
Anche mi ghe pensavo, ma no imaginavo come organizzar el informazioni.
In genere i cambiamenti xe stai fati in centro ( ma no necessariamente) , in periodi de remitur: prima dela prima guerra i ga za messo un per de nomi italiani ( vedi via del Torrente che xe deventada Carducci), durante la guerra i ga fato cambi patriottici ( Carducci xe re-deventado Torrente e Piazza Grande xe deventada Franz Josef) , po altro gran remitur fra le do guerre e un secodno evrso la II guerra, po gran resentada dopo la II guerra e dopo ogni tanto inserimento de nomi novi..
sule strade ghe xe le targhette gialle cil vecio nome, ma a volte la strada de nomi ghe ne ga avudi tre o quattro, qualcossa se trova sulle vece cartoline.
saria un lavoro molto interessante e anca utile.

[AdlerTS]

El che no vol dir che nol sia compatibile con la tua informazion, perchè te me disi che el nome iera dal 39 al 43, e el nome podeva esser stado prima in piazza Foraggi, co i la ga ribattezzada Foraggi i gaverà spostado i caduti fascisti più in centro.

Infatti, go trovado sul "vie e piazze di Trieste moderna" de Antonio Trampus che :

dal 1910 assunse il nome di "piazza nuova di foraggi". Con Del. Pod. d.d. 3.3.1934 il nome della piazza venne modificato in quello di "piazza dei caduti fascisti", intitolazione soppressa con Del. Pod. d.d. 5.3.1938 allorché ne venne disposto il trasferimento all'attuale piazza S. Giovanni, fino al 1943.

[ranny84]

GRANDE ADLER! XE LA FOTO MIGLIOR CHE PODEVO AVER! grazie mille! ma dove te la ga trovada???
de che anno xe?

[AdlerTS]

Nel libro che citavo sora ...

Per l'anno me par de distinguer una VW Golf e una Ford Escort, quindi diria fine 70 - primi 80.

[will]

in che libri shop trovo de trieste ? grazie che devo ciorr pe portar fora bel lavor

[babatriestina]

in che libri shop trovo de trieste ? grazie che devo ciorr pe portar fora bel lavor

te disi el libro su strade e piazze? forsi el xe ancora in vendita nele librerie più fornide ( Borsatti, quela in via Oriani, la Minerva in via S Nicolò...) ma mi me par che propio ieri lo go visto in vetrina de quel negozio de libri usai che xe sul canton de via dei rettori, a man sinistra del municipio, per capirse! quel prima de ariva in Piazza Vecchia, là dela cesa del rosario. No xe che i te tira drio , in sto negozio, e el xe in do volumi, ma credo che el meriti, mi lo go più volte consultado nela biblioteca del Carli.

[AdlerTS]

Adesso ga fato clamor el primo distributor automatico "sexy" installado in questa piazza: secondo voi el dura ?

[babatriestina]

Adesso ga fato clamor el primo distributor automatico "sexy" installado in questa piazza: secondo voi el dura ?

No go idea. Ma de sex shop a trieste iera za, me par che vedevo in Viale Miramar uno, passando cola 6 per andar a Barcola, poco dopo la stazion. E el famoso local ( ristorante? bar?) che i gaveva cominciado vizin dele Rive cole babe in topless, che fin ga fato? el ghe xe ancora? con babe vestide o no?

Ben bon ,i passavo per Piazza Foragi una settimana fa, e no me go inacorto de gnete ( o no iera ancora..) e go fatto inveze altre fotro della piazza, perchè la trovo curiosa col suo misto de vecio e novo. ecove un poche:
la piazza



el sbocco del tunnel de Montebello

[babatriestina]

El lato verso el benzinaro ( adesso xe un solo) e le case popolari


Benzinaro e lava auto

El casermon (vedi anche el relativo topic )


ma digo, tanto dificile meter un'antenna centralizzada? che xe tuti i cavi tv che va su dele finestre..

[babatriestina]

El gran porton che dà, come nele varie case a corte , ala parte centrale

el ingresso


di fronte, un edificio anni trenta che no so cossa sia