Vedete in mezzo alla piazza quel feral: là iera anche la fontana. Alora noi muli cossa fazevimo: andavimo in qualche osteria a zercar tapi de bote de birra, i andava giusto ben de misura nel tubo dela fontana. Lo ficavimo ben dentro e quando vigniva la iuza o una venderigola... pam! un tiro e una slavazada.
Dopo iera "Micelin che vendi forchete a tute le babe el ghe toca le tete": guai se te cantavi sta qua, el se rabiava, el ribaltava tuta la mercanzia per corerte drio. Iera un picolo omo vecio, povero Micelin, ma noi muli... niente da fare!"
