Domanda

[babatriestina]

dela Triestina semo passai a quel che xe soto la coda dei scoiattoli e adesso al computer ( credo sia de un'altra Parte..) mi go windows8.1 e no me par assai diferenza con windows 7... anche perchè no dopro le nove modalità de visualizzazion...

sti ultimi giorni me xe rivai messaggi de amici, ma no li gaveva mandai lori, iera virus che i gaveva ciapado lori.. e no son sicura che el antivirus gabi netado tuto.. là xe un riscio..

[sono piccolo ma crescero]

El programa o sistema xe Windows 7 e el xe relativamente novo. Novo xe Windows 8, ma i disi che no’l xe ‘ncora sicuro. Per quel che me servi a mi (i miei usi e bisogni) 8 saria come spararghe coi canoni ai pagnaroi (mit Kanonen auf Spatzen schießen = sparare con cannoni ai passeri). Insoma, esagerato. XP no servi più, ’lora Windows 7. Mi fazo solo elaborazione testi. Par questo devo viagiar in internet per aver informazioni. Ogi, par esempio, el Codice Sociale tedesco. Praticamente par mi ‘ndaria ben anca una normale machina de scriver con una enorme memoria. No son bon de mandar foto, far pupoli (disegni) e teceta (ecc.). I me ga sconsilià de cior Linux parchè no’l xe facilmente compatibile con Windows. Dovaria eser ‘sai bravo o ‘ver do computer. El primo no xe posibile, el secondo no merita par mi. Cusì ‘ndemo’vanti come ‘deso e viva là e po bon!

No conoso né windows 7 né windows 8 (me ga bastà windows vista), però so de gente che da windows 8 xe tornada indrio a 7, visto che se lo pol far, perché i me diseva che iera meio. Relata refero.

Se te ga de scriver testi ... dipendi. Se quel che te ga de far xe un testo, senza pupoli, che dopo altri impaginerà te pasi da word per windows a libreoffice de linux e viceversa senza acorzerte. Se te devi curar anche l'impaginazion, metendo dentro pupoli, carateri diversi, ecc. alora convien meterse d'acordo su cosa doprar. Se pol pasar, ma se pol andar incontro a qualche problema.

[babatriestina]

No conoso né windows 7 né windows 8 (me ga bastà windows vista), però so de gente che da windows 8 xe tornada indrio a 7, visto che se lo pol far, perché i me diseva che iera meio. Relata refero.
.

No go mai avudo windows vista, perchè son passada de xp a windows7. Ma de windows 7 al 8.1 la diferenza xe minima, ve digo mi che lo stago doprando adesso. El 8.1 tute le novità del 8 le ga solo se se se le zerca, e del resto xe quasi preciso del 7.
per i testi efetivamente i futizi de word open office no li ga..

[Ciancele]

No conoso né windows 7 né windows 8 (me ga bastà windows vista), però so de gente che da windows 8 xe tornada indrio a 7, visto che se lo pol far, perché i me diseva che iera meio. Relata refero.
.

No go mai avudo windows vista, perchè son passada de xp a windows7. Ma de windows 7 al 8.1 la diferenza xe minima, ve digo mi che lo stago doprando adesso. El 8.1 tute le novità del 8 le ga solo se se se le zerca, e del resto xe quasi preciso del 7.
per i testi efetivamente i futizi de word open office no li ga..

Grazie a ti e a SPMC per le opinioni. Penso che anca in considerazion de eventuali investimenti tegnarò quel che go e vedaremo. Se no taca (funziona) poso sempre cior qualcosa de più potente. Bon fine setimana.

[Ciancele]

Hercle, Ciancele!
Haec propter illos scripta est homines fabula qui fictis causis innocentes opprimunt.

Nini Naridola, podaria anca domandarte par chi che te tien. Par mi, tuo amico, o pal scoiatolo?

Rispondendo te dirò che de mi se dirà (plagiando Manzoni): Te collocò la provvida sventura tra gli oppressi. Difatti son costreto a rinunciar a almeno sie nose al giorno par via dei scoiatoli. Resisterò! (Altro plagio: M).

[Ciancele]

..... Nel mascio se dovesi veder bene i testicoli; piutosto, i xè tuti e due rossi scuri o xè grisi? quei grisi xè i scoiatoli del Nord America che poco a la volta i stà arivando in tuta Europa.
e i xè 'sai più agresivi e adattabili dei nostrani, oltre che i funghi, i te magnaria anche pasta e fasioi..
ciao a tuti

VetRitter, ..... i xe tuti e due rossi scuri o xe grisi? Se par tuti e due te intendi i scoiatoli i xe pintosto maron, e no scuro. Se te indendi i ..... no li go ancora visti.
..... i te magnaria pasta e fasoi: ogi fazo pasta e fasoi, coi subiotini (paternoster) e crodighe (cotiche). Se i vien, stavolta no s'ciampin, ma difenderò la pignata fino a l'ultimo cuciar!
PS: Ogi go visto un e el me par un poco picio. Bisognaria che vedo anca l'altro. Po' savarò dir.
Stame ben.

[danilo43]

..... Nel mascio se dovesi veder bene i testicoli; piutosto, i xè tuti e due rossi scuri o xè grisi? quei grisi xè i scoiatoli del Nord America che poco a la volta i stà arivando in tuta Europa.
e i xè 'sai più agresivi e adattabili dei nostrani, oltre che i funghi, i te magnaria anche pasta e fasioi..
ciao a tuti

VetRitter, ..... i xe tuti e due rossi scuri o xe grisi? Se par tuti e due te intendi i scoiatoli i xe pintosto maron, e no scuro. Se te indendi i ..... no li go ancora visti.
..... i te magnaria pasta e fasoi: ogi fazo pasta e fasoi, coi subiotini (paternoster) e crodighe (cotiche). Se i vien, stavolta no s'ciampin, ma difenderò la pignata fino a l'ultimo cuciar!
PS: Ogi go visto un e el me par un poco picio. Bisognaria che vedo anca l'altro. Po' savarò dir.
Stame ben.

I xe come questi ? Dopo aver gradito i pistaci, come ringraziamento el se ga meso in posa per farme veder el sotocoda che ghe giro subito a Ciancele per istruirlo

[Nini Naridola]

...dal museto e dala posa la me par femina!

[Ciancele]

Devo ringraziar tuti quei che i me ga dado informazioni sui scoiatoli. Go paura però che me tocarà morir sempio.
Gnanca la foto de Danilo43 ‘iuta tanto. Dovaria ‘ver oci a ragi X par vardar soto la coda. E l’oservazion de Nini Naridola che quela saria femina ‘ndaria ben anca pa’l mas’cio.
VetRitter, dove te ga trovà che i scoiatoli magna fasoi? Te me ga fato ciapar una paura.
In Wikipedia xe scrito che i magna nose, ghiande, funghi e fruti. Fasoi no xe scrito. E no sta vignir fora che anca i fasoi xe fruti. Sì, forsi fruti de una pianta.

[Ciancele]

VetRitter, me vien inamente una gita fata in Baviera, vizin al lago de Costanza, squasi al confin con l'Austria. La region se ciama Allgäu e el paese Oberstdorf. Là nel bosco xe una radura dove che se raduna i scoiatoli, pintosto rosso scuro. E no i scampa, anzi i speta che te ghe daghi qualcosa. Più in là xe un boteghin che vendi pistaci. Iero con i nipotini e i scoiatoli te cioleva i pistaci dela man. Squasi come i colombi in piaza Granda. Gavemo fato (anzi el ga fato, mio fio) un mucio de foto. Un bel ricordo.

[VetRitter]

quel de Danilo me par proprio un americano, i nostrani xè più rossicci.
su la pasta e fasoi scherzavo, ma i xè tanto invadenti e adattabili che non son sicuro che se te ghe la proponesi no i se la magni.

[danilo43]

SI Vet, el xe un american ... de Londra

[Ciancele]

Rileggendo il mio post mi accorgo che manca una “t”. Il paese si chiama correttamente Oberstdorf. Chiedo scusa.

[Nona Picia]

Ve presento la mia "fauna de casa", anzi de giardin.....

[Ciancele]

Ve presento la mia "fauna de casa", anzi de giardin.....

Me ricordo che anca noi 'ndaimo in giardin a far ...

[Ciancele]

Adeso la go coi usei. Quei neri. Qua gavemo corvi (der Rabe) e cornacchie (die Krähe). Xe più facile che in cità sia cornacchie o corvi? In cità se trova anche gazze (die Elster) che xe meno nere. In paese, specialmente in alta montagna, se trova la taccola o corvus monedula. Par gnoco: die Dohle.
Le cornacchie, o corvi, scaza i colombi. Ma go sentì anca de un pato de non beligeranza. Le magna anca scoiatoli? Credo de no. Noi gavevimo tre. El terzo xe sparì. Forsi el mato, capo-coppia, ghe ga tirà una e el terzo scoiatolo xe pompà. El me le ga dade, ma ghe le go dite, el gavarà contado dopo.
Come se fa a veder che usel xe? Un grasie a chi che me spiega.

[Zigolo]

Adeso la go coi usei. Quei neri. Qua gavemo corvi (der Rabe) e cornacchie (die Krähe). Xe più facile che in cità sia cornacchie o corvi? In cità se trova anche gazze (die Elster) che xe meno nere. In paese, specialmente in alta montagna, se trova la taccola o corvus monedula. Par gnoco: die Dohle.
Le cornacchie, o corvi, scaza i colombi. Ma go sentì anca de un pato de non beligeranza. Le magna anca scoiatoli? Credo de no. Noi gavevimo tre. El terzo xe sparì. Forsi el mato, capo-coppia, ghe ga tirà una e el terzo scoiatolo xe pompà. El me le ga dade, ma ghe le go dite, el gavarà contado dopo.
Come se fa a veder che usel xe? Un grasie a chi che me spiega.

Nebelkrähe o Rabenkrähe? De cornacchie ghe ne xe due, la prima xe grigia e nera, la seconda tuta nera, ma per la forma le xe completamente uguali. El corvo, Saatkrähe, xe anche tuto nero, ma te lo distingui dala cornacchia nera specialmente per una zona sai ciara, praticamente bianca, ala base del beco. In cità te pol trovar cornacchie, anche se magari de le tue parti ghe pol esser anche corvi, massima de inverno.

E sempre in cità te pol trovar sia la gazza, Elster, che la taccola, Dohle.

Comunque no, un scoiatolo adulto e san no pol esser preda de un corvo o una cornacchia.

[Ciancele]

Un bongiorno a te, Zigolo, e grazie per l'informazion. Qua le cornacchie xe nere e un poco più grandi dei colombi.
Quela del scoiatolo la go pensada anca mi. El terzo iera quel che xe misiava e el primo lo gavarà scazà. De l'altra parte dela casa comincia el bosco e 'lora el viagio a l'estero iera 'sai curto.